Cak ka ki pe ici masinahiketc 1:12 - Kice Manito Ocki Omirwatcimowin

¹² Caweritakosiw anahwe ka sokikapowitc mekwata e nakickak arimisiwiniw. Ickwa meka wapatahiwete e sokikapowitc, kata pe otitiko aniheriw ka ki kackitamatisotc. Kakike pimatisiwiniw kata cawerimakaniwiw, kotc ka ki itetc Kice Manito kitci ici miratc anihi ka sakihikotc.

Cak ka ki pe ici masinahiketc 1:12 Iomraidhean Croise

Matio 10:22

Kaskina awik ki ka cikerimikowaw, osam e nosanehwiekw. Aric anahwe mocak ke sokikapowitc, aka ke pakiteritak e asperimototawitc nac kaskina ke ickwaparinik, kata akwacimakaniwiw.

Matio 25:34

Minawatc anahwe okimaw kata itew anahweriw onihiwinik ka icikapowiritci: ‘Petcimotekw, kirawaw ka cawerimitakw Notawi. Pe nta otapinamokw ohwe Okimawin ka wi mirikoiekw, aci weckatc ka ki nisawitakaniwok kirawaw otci, esko ka kiceritcikatek aski.

Luc Omasinahikan 6:22

“Ki caweritakosinawaw kecpin iriniwok e cikerimitakok, kaie e wepakonitakok, kecpin kaie e marerimitakok, kaie e pakonimitakok, osam e tapwerimekw anahwe Ka ki pe iriniwihitisotc.

Rome iriniwok 5:4

Minawatc e ciciperitamokw, ekota ni wetciparik kitci ki sokiteheikw. E tca sokiteheikw, ekota ni wetciparik kitci asperimoikw.

Rome iriniwok 8:28

Ki kiskeritenano kaskina kotc ka iciwepasitcik iriniwok ka sakihatcik Kice Manitowa, aniki ka ki iteritamiritci kitci wicamikotcik kitci nosanehwatcik, enkweriw ka apatcitaritci Kice Manitowa kitci ki miro totawakaniwitcik.

1 Corinthe iriniwok 2:9

Aric tapwe ki pe isparin, kotc e itasinaterik Kice Manito Omasinahikanik: “Aniheriw aka wiskat ka ki otci wapatak awik aka wiskat ka ki otci petak, aka kaie wiskat ka ki otci iteritak kitci pe iciwepanik, enkweriw mia Kice Manito ka ki ici nisawitatc anahweriw iriniwa otci ka sakihikotc.” Ésaïe 64.3(4); 52.15

1 Corinthe iriniwok 8:3

Aric anahwe ka sakihatc Kice Manitowa, kiskerimiko.

1 Corinthe iriniwok 9:25

Kaskina aniki ka nataweritakik kitci mipatatcik kaketin nikan nisawiwok e mantokasotcik e otamirotakik owiawiwa. Wetci itotisketcik, kitci ki kanewitcik aniheriw ke ici pakitinikaterik e kanewinaniwonik, aka kinowec ke apatanik. Aric kirano ki totenano kitci kanewiikw caweritakosiwin, aka wiskat ke ickwaparik.

2 Timothée 2:15

Mantokaso kaskina e totaman, kitci mirerimisk Kice Manito e wapamisk, mitowi otamiro iriniw aka ka waneritak otamirowin e mirwacinik, wewerita tca e tipatcimoin Kice Manito otitewin e tapwemakanik.

2 Timothée 4:8

Aci otcitciparin kitci mirikoian anihe ka ki ici kackitamatisoian icikowisk aci e iterimikoian. Teperitciketc, mocak wewerita e tipaskoniketc, ni ka mirikw, takociparinike aniheriw ke kicikarik kitci tipaskonikaniwonik. Nama tepirak nin ni ka mirikw, aric peikon kaskina kotakihi ka sakihikotc, ka micta pehikotc kitci pe koski takocik.

Hébreux iriniwok 10:32

Mikaweritamokw ka ki ispariekw nte otananik, ka ickwa otitikoiekw Kice Manito owactenamakan. Ani apitc mictahi ki ki nekatcitanawaw. Nama aric ki ki otci pakiterimonawaw mekwata ka arimihikoieikw.

Hébreux iriniwok 11:17

Minawatc kiapatc ki wapatahiwew Abraham e asperimototawatc Kice Manitowa, apitc ka kotcihikotc. Ki itiko kitci aiamihe pakitiniketc, kitci tca nta nipahatc okosa Isak, tepirak e peikociritci okosa. Ki nisawiw Abraham kitci totak, misawatc ohweriw e ki nespi tapweritci Kice Manitowa,

Hébreux iriniwok 12:5

Aci ia ki onikanawaw Kice Manito ka ki itetc e sosokimitakw, kirawaw mia wir tipirawe onitcanica e iterimitakw, e ki itetc: “Ninitcanic, wewerita natota e ici kakeskimisk Teperitciketc, aka wipatc atweritcike e witamask e matci totaman.

Hébreux iriniwok 6:15

Ki ciciperitam Abraham e petatc, nac kitci mirikotc aniheriw Kice Manitowa ka ki ici nespi tapweritci.

Cak ka ki pe ici masinahiketc 2:5

Natotacikw, niwitcicanak e sakihitakok. Aniki ka kitimakisitcik ota askik ki orapamikowok Kice Manitowa kitci micikitatcik otcitcakociwak itekera, e asperimototawatcik, kirika kitci pe otitikotcik okimawiniw ka ki nespi tapwetc kitci miratc kaskina ka sakihikotc.

Cak ka ki pe ici masinahiketc 5:11

Caweritakosiwok kit iterimanowok e ki ici sokikapowitcik. Ki ki petakanawatake peikw iriniw e itatisokatakaniwitc, Job icinikasopan, e ki micta ciciperitak, micta kinowec aka e ki otci atweritciketc. Ki kiskeritenawaw kaie aniheriw mamitcitc ka ki cawerimikotc Teperitcikeritci. Ekoni tapwe e icinakositc Teperitciketc. Micta mirotehew ko kirika micta ko kitimakerimiwew.

1 Pien 3:14

Misawatc nekatcihikoiekwe e ki miro totamekw, ki caweritakosinawaw. Nama ki ka koctawawok kotakihik iriniwok, nama kaie ki ka arimeritenawaw.

1 Pien 4:13

Ekoni ici mireritamokw e nekatcitaiekw, mitowi Krist ka ki pe nekatcitatc. Ekoni peikon ke apitc mireritamekw minawatc takocike e pe nokonik oticperitakosiwin.

1 Pien 4:14

Kecpin e marerimikoiekw, e kiskerimikoiekw e nosanehwekw Krist, ki caweritakosinawaw. Ki witci tacikemikowaw meka Miro Manito e icperitakositc, Kice Manitowa ka ki pe iciticahamatakw.

1 Pien 5:10

Minawatc ickwa nekatcitaiekwe memacic, Kice Manito, anahwe ka otciparinik kaskina mirotehewiniw, ka ki wicamitakw kaie kirawaw nespitc kitci icperitakosiekw kirika wir, e mamweritakosiekw kirika Cecoc Krist, wir tipirawe ki ka mirikowaw kiapatc kitci miropariekw. Ki ka mackawisihikowaw. Ki ka mirikowaw kitci sokikapowiekw kaie kitci sokeritamekw.

1 Pien 5:4

Minawatc pe takocike anahwe ka nanakatcihitokw, mia ka tiperimatc maritcenici iriniwa e iteritakositc, ki ka cawerimikowinawaw aniheriw oticperitakosiwin aka wiskat ke ickwaparinik.

1 Jean 4:19

Kirano tca ki sakihiwanano, osam meka wirctam Kice Manito e ki sakihitokw.

Ka ki ici wapatahakaniwitc Jean 2:10

Akawir koctamokw anihe ke ici nekatcitaiekw. Natotamokw! Matci Manito ki ka kokwetcihikowaw. Kata totam mitcet neta e taciekw kitci iciticohokoiekw kipohotowikamikok. Ki ka nekatcihikowinawaw mitato kickwa irikik. Aka aric ponitakw e asperimototawekw Teperitciketc, misawatc wi nipahikoiekwe. Meckota ki ka miritinawaw ohwe caweritcikan: kakike pimatisiwin.

Ka ki ici wapatahakaniwitc Jean 3:19

Kaskina ka sakihakik, ni witamawawok icikowisk kitci matcatcik, kaie peikon ni sikiskimawok kecpin aka mia e itatisitcik. Mantokasokw kitci nosanehwiekw kaie kweskatisikw.

Ka ki ici wapatahakaniwitc Jean 3:21

Aniki ke cakotcitatcik ka maratanik ni ka mirawok kitci pe apitcik neta nokimaw tetapiwakanik e ici apiwak, tapickotc kitci tiperitamak, mitowi kaie nin ka totaman ka ickwa cakotcitaian ka maratak, e ki nta apian Notawi e ici apitc okimaw tetapiwakanik.