Cak ka ki pe ici masinahiketc 1:10 - Kice Manito Ocki Omirwatcimowin

¹⁰ Peikon kotak kiwitcicanino ka micikitatc kata micta mireritam e kiskinohamakotc Kice Manitowa aka kitci wi kicterimikositc. Tapwe wirata, micta memacic tepirak kata micikitaw, mia mitowi wapikoni notcimik ka nitawikik wipatc e nipomakak, aka kinowec e pimatisimakak.

Cak ka ki pe ici masinahiketc 1:10 Iomraidhean Croise

Matio 5:3

“Caweritakosiwok kaskina ka kiskerimitisotcik e kitimakisitcik otcitcakociwak itekera. Enko aniki tapwe ka ici tatakik Kice Manitowa Okimawiniw.

Matio 6:30

Ekoni e ici ocitatc kitci mirwacinik wapikoniriw Kice Manito, misawatc tepirak memacic e pimatisimakanik, wapake tca ke motcictewepinikaterik. Kirawe tca kata mantokaso kirawaw kitci wespititakw pwatoki niheriw wapikoniriw e wespitatc! Wesa nama micaw kit asperimowiniwaw!”

1 Corinthe iriniwok 7:31

kaie mocak ka apatcitatcik kekociciriw ota askik ka ici takonik, mia aka e pameritakik ke totakik. Kaskina meka nikotin nama kata takon ota askik, anotc e icinakok.

Pirip iriniwok 3:8

Wawatc kaskina kekocic nit iteriten “nama wiec irapatan,” kecpin e mamitoneritcikatek e apitc kirawe mictahi kicteritakok e kiskerimak Cecoc Krist, anahwe Ka Tiperimitc. Wir otci wetci iteritaman kaskina kekocic “tekaci nama wiec irapatan,” mia wepinason e iteritaman, kitci ki kiskerimak Krist,

1 Timothée 6:17

Ki ka witamawawok ka micikitatcik ota askik aka kitci otci micta kicterimotcik. Witamawik aka orina kitci asperimotcik e ici tatakik, nikotin meka ke ickwaparinik. Kirawe aric kitci asperimototawatcik Kice Manitowa, wir kaskina kekociciriw ka cawerimitokw e mitcenik kitci ki mireritamokw.

Cak ka ki pe ici masinahiketc 4:14

Nama aric ki kiskeritenawaw tan ke iciwepasiekw wapake. Tapwe wirata, mia mitowi e kockowok kit iteritakosinawaw, memacic ko e kockowok, minawatc e miro nokok.

1 Pien 1:24

Pe itasinatew meka: “Kaskina iriniw nama kinowec pimatisiw, mitowi mackoci, kaskina aniheriw ka ici kicteritakositc iriniw, mitowi wapikoni notcimik aka kinowec ka pimatisimakak, wipatc pactew mackoci acitc wapikoni pakitin.

1 Jean 2:17

Aci meka taci poniparin kaskina matci meskanaw ota askik, kaie kaskina ke ki ici matci nataweritcikatek. Aric anahwe ka totak e iteritamiritci Kice Manitowa kata kakike pimatisiw.