Cak ka ki pe ici masinahiketc 1:1 - Kice Manito Ocki Omirwatcimowin

¹ Nin Cak ka masinahamatakok, Kice Manito e atoskectawak acitc Cecoc Krist Teperitciketc. Kit arimikatinawaw kirawaw Kice Manito otirinima, kaskina e taciekw, kaskina wiec ota askik wikockatc e ki oraticohokoiekw.

Cak ka ki pe ici masinahiketc 1:1 Iomraidhean Croise

Matio 10:3

Kotakihik: Pirip, Barthélemy, Toma kaie Matio, anahwe ka natockakespan; minawatc Cak (Alphée okosa), acitc Thaddée;

Matio 13:55

Namaiew ia ni anahwe, manike iriniw okosa? Mari tca, namaieriw ia ni anihi okawiwa? Kaie Cak, Sosep, Simo kirika Jude, namaieriw ia anihi ocima?

Matio 19:28

Itew Cecoc: “Tapwe ohwe ka witamatakok: apitc kaskina kekocic ocitakaniwoke mia ocki kitci icinakok, anahwe Ka ki pe iriniwihitisotc pe nta apite neta okimaw tetapiwakanik ka micta kicteritakonik kitci tiperitciketc, kirawaw e mitato acitc niciekw ka ki pe nosanehwiekw kaie kirawaw papeikw okimaw tetapiwakanik ki ka apinawaw, kitci tipaskonekok Israël iriniwok e mitato acitc nicw otenwesitcik.

Mark 3:18

Minawatc Atre, Pirip, Barthélemy, Matio, Toma, Cak (Alphée anihi okosa), Thaddée, Simo (“Anahwe aka ka naheritak kitci tiperimikotc kice okimawa” ka icinikatakaniwispan),

Luc Omasinahikan 22:30

Ki ka witci mitcisominawaw acitc ki ka witci minikweminawaw nete Nokimawinik. Kirika e taciekw papeikw okimaw tetapiwakanik ki ka apinawaw, kitci tipaskonekok Israël iriniwok e mitato acitc nicw otenwesitcik.”

Luc Omasinahikan 6:15

Matio, Toma, Cak (Alphée anihi okosa), Simo (“Anahwe aka ka naheritak kitci tiperimikotc kice okimawa” ka icinikatakaniwispan),

Jean 12:26

Kecpin awik e wi atoskectawitc, acteriw kitci nosanehwitc. Wiec tca pa icaiane, kata icaw kaie wir nitarotakan. Notawi kata kicterimew anihi ka atoskectawimimitci.”

Jean 7:35

Aci kokwetcimitowok cota iriniwok: “Tante tca ni ke icatc anahwe iriniw aka kitci ki miskawokw? Nete ia warawik kotak askik kata icaw, neta ka ici tacikeritci cota iriniwa ka ki orackaritci, nte itekera ka ici otaskiritci iriniwa aka ka cota iriniwiritci? Kata nta kiskinohamawew ia?

Ka ki aitotiskeritci Cecoc otarotakana 1:13

Tekocikik Jérusalem otenak, icpimitakok mikiwamik ki iskwatowiwok, aricapik e icatcik, neta ko e ici mawotcihitowakopanen. Aniki ka ki taciketcik neta: Pien, Jean, Cak acitc Atre, Pirip, Toma, Barthélémy acitc Matio, Cak (Alphée okosa), Simo (“Anahwe aka ka naheritak kitci tiperimikotc kice okimawa” ka icinikatakaniwikopanen), kirika Jude (Cak okosa).

Ka ki aitotiskeritci Cecoc otarotakana 12:17

Nakahactahamawew Pien aka kitci kitoritci. Ki atisokawew ka ki totamiritci Teperitcikeritci ka orowitihikotc kipohotowikamikok. Kiapatc itew: “Nta witamawakok Cak kirika kotakihik kiwitcicaninowok.” Minawatc ki orowiw, e tca matcatc, wiec e icatc.

Ka ki aitotiskeritci Cecoc otarotakana 15:13

Ka ickwa arimwetcik, aci Cak itew: “Niwitcicanak, natotacikw!

Ka ki aitotiskeritci Cecoc otarotakana 15:21

Aci meka micta weckatc otci kakeskwewok iriniwok otenaskak, e arimotakik aiamihe irakonikewiniw, Moïse ka ki mirakaniwispan. Tapwatcikatew kaie kaskina cota aiamihe mikiwamiskak tatwaw e arwepi kicikak.”

Ka ki aitotiskeritci Cecoc otarotakana 15:23

Ki tca mirakaniwiwok kitci miwotatcik masinahikaniw, ohweriw e itasinaterik: “Ninan Cecoc otarotakana kirika ka nikaniwiak, kiwitcicaniwawok e iteritakosiak, tapickotc e nosanehwokw Cecoc, kit arimikatinan, kirawaw niwitcicananak aka ka cota iriniwiekw, nete ka tacikeiekw Antioche otenak, kirika Syrie kaie Cilicie askik itekera.

Ka ki aitotiskeritci Cecoc otarotakana 2:5

Neta Jérusalem otenak mitcetiwakopan cota iriniwok mocak ka aiamihawakopanen, mitcet pitoc askik e ototewakopanen.

Ka ki aitotiskeritci Cecoc otarotakana 21:18

Minawatc kecepawonik ni ki witcewikonan Pwar e nta kiwotamatc Caka. Ekota e ici mawotcihitowaspan kaskina ka nikaniwitcik aniki otci ka tapwerimatcik Cecoca.

Ka ki aitotiskeritci Cecoc otarotakana 23:26

“Kwei, kir kice okimaw ka kicteritakosiin, Félix. Nin Claude Lysias ka masinahamatan.

Ka ki aitotiskeritci Cecoc otarotakana 26:7

Aniki e mitato acitc nicwo otenwesitcik niwitci cota iriniwok ici asperimowok kitci wapatakik e takociparinik Kice Manitowa ka ki ici nespi tapweritci kitci totamiritci, tato kickwa kaie tato tipiskwa e atoskectawatcik e irikokotehetcik. Ekoni tca wetci itactahoritcik cota iriniwok, Okimaw, aniheriw otci ka ici asperimotcik.

Ka ki aitotiskeritci Cecoc otarotakana 8:1

Anahwe Saul ici naheritamokopan e nipahakaniwiritci Étienna. Ekoni apitc aniheriw e kicikarik ka nipahakaniwitc Étienne ka kitciparinik kitci micta nekatcihakaniwitcik aniki iriniwok ka tapwerimawaspan Cecoca neta Jérusalem otenak. Kaskina ki orackawok nte e ici matcatcik itekera Judée kaie nte Samarie askik. Tepirak aniki Cecoc otarotakana nama ki otci matcawok wirawaw.

Rome iriniwok 1:1

Nin Pwar ohwe ka masinahamatakok. Cecoc Krist ka atoskectawak, e ki wicamitc kitci iteritakosiwak otarotakana. Kice Manito ni ki orapamikw kitci witamawimiki iriniwa Omirwatcimowin.

Galatie iriniwok 1:19

Nama ni ki otci wapamimaw kotakihi Cecoc otarotakana, tepirak anahwe Cak, Teperitciketc ocima.

Galatie iriniwok 2:12

Tapwe wirata, ickotok ka pe icatc Pien neta Antioche otenak witci mitcisomekopan kiwitcicaninariw aka ka cota iriniwiritci. Minawatc Cak ki iciticahwew atita iriniwa neta. Aci pitoc ki iti totam Pien. Nama awocamec wi witci mitcisomepan anahweriw aka ka cota iriniwiritci. Koctekopan meka anihi ka tapweritamiritci otcitakotc kaskina iriniwok kitci kicawatocwakaniwitcik.

Galatie iriniwok 2:9

Ani apitc aniki ka nikaniwiwaspan, ka kicteritakositcik e iterimakaniwitcik, Cak, Pien kirika Jean, ki iti nisitowinamok tapwe e ki miritc Kice Manito ohweriw mia otamirowiniw kitci itotiskewak. Ni ki pocokakonanak, nin kirika Barnabas, kitci ki wapatahimitc e ici naheritakik. Ekotca tapickotc ka ici naheritamak, nete ninan kitci ici nta otamiroak aka ka cota iriniwitcik ka ici taciketcik, wirawaw tca Pien kirika aniki kotakihik nete itekera kitci nta otamirowaspan cota iriniwok ka ici taciketcik.

Pirip iriniwok 1:1

Ninan Pwar kaie Timothée ka masinahamatak, Cecoc Krist e atoskectawakitc. Kirawaw otci kaskina Kice Manito otirinima ka tacikeiekw Pirip otenak ka nosanehwekw Cecoc Krist, kaie kirawaw ka nikaniwiekw acitc kirawaw ka atoskectawaiekw ka tapwerimatcik Cecoca.

2 Timothée 4:21

Mantokaso kitci pe icain epwamoci pipok. Kit arimikakok Eubulus, Pudens, Linus, Claudia, kaie aniki kaskina kotakihik kiwitcicaninowok e iterimawikok.

Tite 1:1

Nin Pwar ka masinahikeian. Kice Manito nit atoskectawaw, kirika Cecoc Krist otarotakana nit iteritakosin. Kice Manito ni ki mirikw kitci witcihimaki anahweriw ka ki orapamatc kitci asperimototakotc, kirika kitci kiskinohamawimaki tapwewiniw, ke otci kiskeritamiritci wewerita kitci nosanehikotc.

1 Pien 1:1

Nin Pien ka masinahamatakok, Cecoc Krist otarotakana. Ki masinahamatinawaw, kirawaw Kice Manito ka ki orapamitakw, mantewok aci e iteritakosiekw, kotakihi askik e tacikeiekw: Pont, Galatie, Cappadoce, Asie acitc Bithynie e icinikateki anihi askiwa.

2 Pien 1:1

Nin Simo Pien ka masinahamatakok, Cecoc Krist e atoskectawak, otarotakana e iteritakosiwak. Ki masinahamatinawaw, kaie kirawaw ka ki pe otitikoiekw tapwetamowin e micta mirwacinik, mia peikon e asitakok kaie ninan ka ki ici otitikoiak, Cecoc Krist e ki totak kitci icinakonik, icikowisk e iteritakositc, wir Kikice Manitomino acitc Ka Ki Akwacimitokw.

Jude 1:1

Nin Jude, ka masinahaman ohwe masinahikan, Cak owitcicana. Cecoc Krist nit atoskectawaw. Ki masinahamatinawaw kirawaw ka ki wicamitakw Kice Manito kitci nosanehwekw, ka sakihitakw Kotawino kaie ka kanawerimitakw Cecoc Krist.

Ka ki ici wapatahakaniwitc Jean 7:4

Ni ki witamakowin irikik ke tacitcik aniki ka ki kicawatcihakaniwitcik, mitatowaw kice mitato mitanowaw acitc nemitana acitc newaw kice mitato mitana ki taciwok aniki iriniwok, nte ka pe otapikecikik Israël iriniwok, kaskina e mitato acitc nicw otenwesitcik: