Ka ki aitotiskeritci Cecoc otarotakana 9:3 - Kice Manito Ocki Omirwatcimowin

³ Minawatc ki matcaw Saul, Damas otenak e iti icatc. Aci e iti pecowapatak aniheriw otenariw, kek keskat ki pe wacteriw, wakwek e otacterik e micta sokacterik, wir e waskackakotc.

Ka ki aitotiskeritci Cecoc otarotakana 9:3 Iomraidhean Croise

1 Corinthe iriniwok 15:8

Ka ickwa kaskina wapamikotc Cecoc otarotakana, ki totam kaie nin kitci ki wapamak, tarasak mia awacic pwacta e nitawikitc e iteritakosiapan, aka awik e ki otci iterimitc.

Ka ki aitotiskeritci Cecoc otarotakana 22:6

“Mekwata meskanak e pimoteiapan kirika aci e iti pecowapataman Damas otenaw, aci wiec iti apita kicikapan. Kek keskat ki pe wactew e micta sokactek, wakwek e pe otactek, e waskackakoan.

Ka ki ici wapatahakaniwitc Jean 21:23

Ni ki wapaten kaie aka arimatc kicikaw pisimw kaie tipiskaw pisimw e wasiketcik, oticperitakosiwiniw Kice Manitowa e wactenamakotcik iriniwok, kaie anahwe Maritcenic mia wactenamakan e icinakositc.

1 Timothée 6:16

Wir tepirak nama wiskat kata nipo. Tacikew e ici wasearik e micta tcakacterik, aka wiskat awik kitci kackitatc kitci natcikapowictak. Nama awik ki otci wapamew, nama kaie wiskat awik kata ki wapamew. Mocak kitci kicterimakaniwitc, wir kakike kata mackawisiw! Kekora ki iki.

Ka ki ici wapatahakaniwitc Jean 22:5

Nama awocamec kata tipiskaw. Nama soka kata apatcitawok wactenamakaniw kitci wacterik, kaie peikon pisimwa. Wir meka tipirawe Teperitciketc Kice Manito kata wactenamawew. Nespitc kata tiperitamok.

Ka ki aitotiskeritci Cecoc otarotakana 9:17

Aci Ananias matcaw. Ka takocik neta mikiwamik, ki takinew anihi Saula, kirika e itatc: “Saul, niwitcican, Teperitciketc Cecoc ka ki pe wapamatc meskanak ka pe pimotein ni pe iciticohokw kitci ki minawatc wapiin kirika kitci ki mockineckask Miro Manito.”

Ka ki aitotiskeritci Cecoc otarotakana 9:27

Aric Barnabas wir ki witcihekopan. Ki iciwirew nte e ici tacikeritci Cecoc otarotakana. Ekoni e ici kaskina witamawatc Barnabas, e tipatcimatc anihi Saula e ki wapamaritci Teperitcikeritci mekwata e pimoterispana meskanak, kirika e ki aimihikoritci. Kaie aniheriw ki witam Barnabas e ki micta sokeritamiritci Saula, kaketin e ki kakeskweritci Cecoc oticinikasowin otci nete Damas otenak.

1 Corinthe iriniwok 9:1

Nama ia ni ki otci pakitinikowin aka awocamec kitci ici tiperitakosian? Nama ia ni ki otci mirikowin Cecoc otarotakana kitci iteritakosian? Nama ia kaie kitci wapamak anahwe Ka Tiperimitokw Cecoc? Namaiew nin ka ki icaian kotenamiwak kitci atoskectawak Teperitciketc, kitci tca witcihitakok kitci pe tapwerimekw?