Ka ki aitotiskeritci Cecoc otarotakana 7:2 - Kice Manito Ocki Omirwatcimowin

² Ekoni e ici naskamotc Étienne, e aitetc: “Niwitcicanak kirika otawiwok, natotacikw. Weckatc Kice Manito e icperitakositc ki totam kitci wapamikotc kitaniskotape kimocominowa Abraham, mekwata e tacikerispana Mésopotamie askik itekera, epwamoci nta tacikerispana nete Haran otenak.

Ka ki aitotiskeritci Cecoc otarotakana 7:2 Iomraidhean Croise

Matio 6:13

Kaie akawir pakitinicinan kitci kokwetcihikoiak kitci pactatiak, kirika witcihicinan aka kitci cakotcihimitc Matci Manito. [Kir meka ka ici tataman okimawin, mackawisiwin, acitc icperitakosiwin, kakike nespitc. Kekora ki iki.]’”

Luc Omasinahikan 2:14

“Icperimatan Kice Manito, mawotci icpimik wakwek e taciketc. Pekateritamowiniw kaie kitci takonik iriniwa otci ota askik ka sakihatc!”

Jean 1:14

Ki pe iriniwiw anahwe ka iteritakositc Itewin. Ni ki pe nta witci tacikemikonan, e micta mirotehetc kirika tekaci e tapweritakositc. Aci ni ki wapatamwanan oticperitakosiwin, aniheriw icperitakosiwiniw Kotawino Kice Manito ka ki miratc Okosa e peikociritci.

Jean 12:41

Ohweriw ki itew Ésaïe e ki wapatak Cecoca oticperitakosiwiniw, kaie e ki arimomatc.

Ka ki aitotiskeritci Cecoc otarotakana 22:1

“Niwitcicanak kirika otawiwok, natotacikw ohwe anotc ka wi iteian e wi nanakaskohikeian.”

Ka ki aitotiskeritci Cecoc otarotakana 23:7

Ka ickwa itetc aniheriw, Pharisien iriniwok kaie aniki Sadducéen iriniwok ki aimihitowok. Ki iti kikatowok.

Ka ki aitotiskeritci Cecoc otarotakana 7:1

Kice makatewokorew kokwetcimew Étienna: “Tapwe ia aniheriw ka itiskik iriniwok?”

1 Corinthe iriniwok 2:8

Nama otci peikw neta e tacitcik okimawok ota askik ki otci kiskeritamok aniheriw miro mitoneritcikaniw. Kecpin ki kiskeritakik, nama kata ki otci tcictaskowatepanak tcipaiatikok ka Tiperitcikeritci ka icperitakosiritci.

Éphèse iriniwok 1:17

Kirika ni nataweritamawimaw anihi Okice Manitoma anahwe Ka Tiperimitokw Cecoc Krist, Otawiwa e mawotci icperitakosiritci, kitci miritakw Miro Manitowa ka pakitinamiritci miro mitoneritcikaniw. Anahwe Miro Manito ki ka wapatahikowaw tan mia e iteritakosiritci Kice Manitowa acitc ki ka witcihikowaw kirawe awocamec kitci miro kiskerimimekw.

Tite 2:13

Ekoni ke itatisiikw mekwata e petaikw anihe e kicikak ke mireritamokw, minawatc pe takocike Cecoc Krist, anahwe Ka Ki Akwacimitokw e micta icperitakositc, Kikice Manitomino.

Hébreux iriniwok 1:3

Cecoc wapatahiwew e apitc kicteritakosiritci Otawiwa Kice Manito. Kaskina e iteritakosiritci Otawiwa, ekoni kaie wir mia e iteritakositc. Tiperitam kaskina e ici takonik e irikokoskamikarik kaie tiperimew kaskina ka pimatisiritci, otitewin e totak e mackawisimakanik. Ka ickwa pakiteritak opimatisiwin kitci ki otci kasihikaterik kaskina iriniwa opactatowiniw, ki nta witapimew Otawiwa ka mawotci kicteritakosiritci wakwek, onihiwinik e ici apitc.

Hébreux iriniwok 11:8

Minawatc Abraham kaie wir ki asperimototawew Kice Manitowa. Ki natotawew ka ki itikotc kitci nakatak otaski, kotak askik kitci icatc ke mirikotc. Ki tca matcaw, aka e kiskeritakipan nte mia e icatc.

Cak ka ki pe ici masinahiketc 2:1

Niwitcicanak, kirawaw ka asperimototawekw Teperitciketc Cecoc Krist e icperitakositc, nama actew atita iriniwok kirawe kitci kicterimekok patok kotakihik.

Ka ki ici wapatahakaniwitc Jean 4:11

“Teperitcikein, Nikice Manitominan, ki tipi iteritakosin kitci mirwatcimikoin, kitci kicterimikoin kaie kitci pe otitikoin mackawisiwin. Kir meka kaskina kekocic ka ki kiceritaman, e ki iteritaman kitci pe icinakok.”