Ka ki aitotiskeritci Cecoc otarotakana 4:3 - Kice Manito Ocki Omirwatcimowin

³ Ki makonewok kaie ki arewok kipohotowikamikok nac e iti kicepawonik. Aci meka osam otakocinipan.

Ka ki aitotiskeritci Cecoc otarotakana 4:3 Iomraidhean Croise

Matio 4:12

Apitc ka petaketc Cecoc Capatisa e ki kipohwakaniwiritci, ki matcaw, Galilée askik e icatc.

Luc Omasinahikan 22:52

Minawatc Cecoc ki itew anahweriw cota makatewokorewa ka tiperitamiritci kaie anahweriw ka tiperimaritci cimakanica ka kanaweritamiritci kitci aiamihe mikiwamiriw acitc anihi cota aiaimihe okimawa ka ki pe icarispana kitci makonikotc: “Actepan ia kitci pe icaiekw e takonamekw micta mokomana kaie mictikwa, tarasak mia kimoti iriniw e iterimiekw?

Luc Omasinahikan 22:54

Ki makonewok Cecoca, kitci makatewokorewa omikiwamirik e iciwiratcik. Pien nosanehikepan e warinakosiritci.

Jean 18:12

Cimakanicak acitc anihi ka tiperimikotcik kaie anahweriw iriniwa ka nanakatcitaritci kitci aiamihe mikiwamiriw ka ki pe iciticohokoritci cota okimawa ki makonewok Cecoca, e takopitatcik.

Ka ki aitotiskeritci Cecoc otarotakana 5:18

Ki makonewok, kipohotowikamikok e aratcik.

Ka ki aitotiskeritci Cecoc otarotakana 6:12

Ki cikimewok kitci kiciwasiritci iriniwa, kaie cota aiamihe okimawa kirika ka kiskinohamakeritci cota aiamihe irakonikewiniw. Minawatc ki pe natawapamewok Étienna. Ki makonewok e iciwiratcik neta ka ici tipaskonikaniwonik cota iriniwok otci, Ka Kitci Tipaskoniketcik e icinikatakaniwitcik aniki cota makatewokorewok ka tiperitakik ka apitcik neta.

Ka ki aitotiskeritci Cecoc otarotakana 8:3

Anahwe wir Saul, micta natowi totamopan kitci pikotatc e tapwerimakaniwiritci Cecoca. Ki pa icaw mikiwamiskak e orowipitatc anihi ka tapwerimaritci Cecoca, iriniwa kaie iskwewa, e nta tca pitake wepinatc kipohotowikamikok.

Ka ki aitotiskeritci Cecoc otarotakana 9:2

Ki nataweritamawew kitci mirikotc masinahikaniw kitci wapatahatc ka nikaniwiritci cota aiamihe mikiwamik nete Damas otenak, kitci ki otci kiskerimikoritci. Nataweritamopan kitci pakitinakaniwitc kitci ki matci makonatc iriniwa kekotc ma iskwewa ka nosanetawaritci Teperitcikeritci Omeskanamiriw, kitci tca iciwiratc Jérusalem otenak, miskawate.