Ka ki aitotiskeritci Cecoc otarotakana 4:1 - Kice Manito Ocki Omirwatcimowin

¹ Pien kirika Jean kiapatc taci aimihewakopan iriniwa e mitcetiritci. Aci ki pe takociniwok makatewokorewok acitc anahwe ka tiperimatc iriniwa ka nanakatcitaritci kitci aiamihe mikiwamiriw, kirika Sadducéen iriniwok.

Ka ki aitotiskeritci Cecoc otarotakana 4:1 Iomraidhean Croise

Matio 16:12

Aci aniki Cecoc owitcewakana ki iti nisitotamok aka e ki otci itakaniwitcik kitci ekwamictowatcik anihi ciwockitcitcikana, pakwecikanik ka arakaniwiritci, aric aniheriw kitci ekwamictakik aka kitci nosanetatcik okiskinohamakewiniwariw anahweriw Pharisien acitc Sadducéen iriniwa.

Matio 22:16

Ki tca iciticohwewakopan atita otirinimiwawa kirika atita ka atoskectawatcik okimawa Hérode kitci nta kokwetcimaritci Cecoca, kitci itaritci: “Kiskinohamake iriniw, ni kiskeritenan tapwe mia e itein, kaie mia e ici kiskinohamakein kitci itatisinaniwok e ici nataweritak Kice Manito, tapwewin e arimotaman. Nama otci peikw awik ki koctaw tan kotc e iterimiskik, aka wiskat e pameritaman e apitc kicterimakaniwakwen iriniwok ota askik.

Matio 27:20

Aniki cota makatewokorewok ka tiperitakik kaie cota aiamihe okimawok ki cikimewok kaskina iriniwa kitci natawerimaritci Barabbasa kitci pakitinakaniwiritci, Cecoca tca kitci nipahakaniwiritci.

Matio 27:41

Peikon kaie wirawaw cota makatewokorewok ka tiperitakik kaie ka kiskinohamaketcik cota aiamihe irakonikewiniw acitc cota aiamihe okimawok kaie wirawaw marerimewakopan Cecoca, e itatcik:

Matio 3:7

Ka wapatak Capatis e pe natawapamikotc mitcet Pharisien iriniwa kaie Sadducéen iriniwa kitci ki sikahatowatc, aci itew: “Kirawaw ka micta matci iriniwiekw, mia tapickotc kinepikok ka itatisiekw! Awin ka ki kiskinohamatakw kitci otci ocimohitisoekw otipaskonikewin Kice Manito.

Luc Omasinahikan 20:1

Peikwaw e kicikarik Cecoc kiskinohamakepan kitci aiamihe mikiwamik, e tipatcimospan Mirwatcimowiniw. Aci pe takociniwok neta cota makatewokorewok ka tiperitakik kirika ka kiskinohamaketcik aiamihe irakonikewiniw kaie cota aiamihe okimawok,

Luc Omasinahikan 22:4

Judas ki nta aimihew cota makatewokorewa ka tiperitamiritci kirika ka tiperimaritci cimakaniciriw ka kanaweritamiritci kitci aiamihe mikiwamiriw, e arimotamawatc ke ki totak kitci pakiterimatc Cecoca kitci makonakaniwiritci wirawaw otci.

Jean 15:20

Mikaweritamokw anihe ka ki ititakok: ‘Awik ka atoskectaketc nama kirawe kicteritakosiw patok anihi ka tiperimikotc.’ Kecpin ki nekatcihitcik iriniwok, peikon kaie kirawaw ki ka nekatcihikowawok. Kecpin kotakihik ki natotawitcik, peikon tca kaie kirawaw ki ka natotakowawok.

Jean 18:3

Aci ki pe icaw neta kitikan askik anahwe Judas, e pe iciwiratc mitcet cimakanica kaie atita iriniwa ka nanakatcitaritci kitci aiamihe mikiwamiriw. Aniki cimakanicak ki pe iciticohokowakopan cota makatewokorewa ka tiperitamiritci, acitc Pharisien iriniwa. Kaskina omicta omokomanipanak kirika wactenamakaniw takonamopanak kaie mictikoriw e ki iskahakik.

Ka ki aitotiskeritci Cecoc otarotakana 4:6

Enko anahwe kaie ka ki pe icatc, kitci makatewokorew, Hanne ka icinikasotc, acitc Caïphe, Jean, Arikisan, kaie kaskina iriniwok ka tcirowematcik anihi kitci makatewokorewa.

Ka ki aitotiskeritci Cecoc otarotakana 5:17

Aci kitci makatewokorew kirika anihi kaskina ka witcihikospan, Sadducéen iriniwa, micta otcinawekerimewakopan anahweriw Cecoc otarotakana. Ki oreritamok ke totakik.

Ka ki aitotiskeritci Cecoc otarotakana 5:24

Aci anahwe ka tiperimatc iriniwa ka nanakatcitaritci kitci aiamihe mikiwamiriw kirika aniki cota makatewokorewok ka tiperitakik ka ickwa petakik aniheriw, nama ki otci kiskeritamok tan ke iteritakik aniheriw otci, aka e miskawakaniwiritci anihi Cecoc otarotakana, kirika kokwetcimitowakopan tan ke iti aisparinik.

Ka ki aitotiskeritci Cecoc otarotakana 5:26

Aci anahwe ka tiperimatc iriniwa ka nanakatcitaritci kitci aiamihe mikiwamiriw ki matcaw kirika otirinima. Ki pecowewok anahweriw Piena kaie Jeanwa. Nama aric ki otci kisiskapitewok, osam meka e koctewakopanen iriniwa kitci pemosinihikotcik.

Ka ki aitotiskeritci Cecoc otarotakana 6:12

Ki cikimewok kitci kiciwasiritci iriniwa, kaie cota aiamihe okimawa kirika ka kiskinohamakeritci cota aiamihe irakonikewiniw. Minawatc ki pe natawapamewok Étienna. Ki makonewok e iciwiratcik neta ka ici tipaskonikaniwonik cota iriniwok otci, Ka Kitci Tipaskoniketcik e icinikatakaniwitcik aniki cota makatewokorewok ka tiperitakik ka apitcik neta.

Ka ki aitotiskeritci Cecoc otarotakana 6:7

Awocamec kirawe ki iti petakaniwoniw Kice Manito otitewin. Mictahi aci kirawe iti mitcetipanak ka tapwerimatcik Cecoca neta Jérusalem, kirika mitcet cota makatewokorewok kaie wirawaw ki otapinamok kitci tapwerimatcik Cecoca.