Biblia Todo Logo
Bìoball air-loidhne

- Sanasan -




Ka ki aitotiskeritci Cecoc otarotakana 3:1 - Kice Manito Ocki Omirwatcimowin

1 Peikwaw e ickwa apita kicikarik, Pien kirika Jean icawakopan kitci aiamihe mikiwamik kitci aiamihatcik e nicto tipahikanearik e ickwa apita kicikarik.

Faic an caibideil Dèan lethbhreac




Ka ki aitotiskeritci Cecoc otarotakana 3:1
27 Iomraidhean Croise  

Ka ickwa nikotwaso kickokarik, ki matcewirew nicto owitcewakana Cecoc: Pien, Cak acitc Jean (Cak anihi ocima), nte e ici icpatinarik e iciwiratc. Wirancikewaw nete e taciketcik.


Minawatc ki matcewirew Piena, kaie anihi e niciritci Zébédée okosa, Cak kirika Jean. Ki iti micta kackeritam kaie e nekateritak.


Ka apita kicikak, tekaci ki tipiskaw kaskina wiec neta askik, nac nicto tipahikan e ickwa apita kicikak.


Mekwata e ickwasikaterik aniheriw sakatakaniw, iriniwok ka aiamihatisitcik neta orowitimik taci aiamihapanak e mitcetitcik.


“Nicw iriniwok ki amatciwewok, kitci aiamihe mikiwamik e icatcik kitci nta aiamihatcik. Peikw anahwe, Pharisien iriniwikopan e micta aiamihatisikopanen. Minawatc anahwe kotak iriniw natockasokopan kice okimawa otci.


Ki iciticahwew Cecoc Piena kirika Jeanwa, e itatc: “Matcakw, nta ocitakw kitci ki aiamihe makoceikw Pâque otci.”


Aspinikotc kitci aiamihe mikiwamik tacikewakopan, e mirwatcimatcik Kice Manitowa.


Anahwe tca owitcewakana Cecoc ka sakihaspan, itew anihi Piena: “Teperitciketc na!” Simo Pien ka petak ani e itwaniwonik “Teperitciketc na,” ki piskam owikasim, e ki maninamokopanen e pakitohwatc, e tca pakope kwackotitc.


Peikwaw e kicikarik e ickwa apita kicikarik wiec nicto tipahikan, ki itapatamaw, ohweriw e icinak: ki wapamew Kice Manito otacerima e pe pitakeritci omikiwamik, e tca itikotc: “Corneille!”


Corneille itew: “Aci anotc nicto kickwa nit aiamihatai nimikiwamik, nicto tipahikan ko ka aiamihaniwok e ickwa apita kicikak. Kek ni ki wapamaw iriniw e micta wasiterik owikasim,


Tato kickwa mocak mawotcihitowakopan kitci aiamihe mikiwamik, kaie witci mitcisomitowakopan omikiwamiwak. Mireritamwakopan kirika mirotehewakopan.


Kek ki wapamew Piena kirika Jeanwa e iti pitakeritci. Ki nataweritamawew coriariw.


Pien kirika Jean micta kanawapamewok. Aci itew Pien: “Kanawapamicinan.”


Aniki iriniwok ka tipaskoniketcik cota iriniwok otci, Ka Kitci Tipaskoniketcik e icinikatakaniwitcik, micta mamiskaterimewakopan anihi Piena kirika Jeanwa. Wapamewakopan meka e sokeritamiritci, kirika e kiskerimatcik aka e ki otci kiskinohamasoritci, aka kaie e kitci iriniwiritci. Kiskerimewakopan kaie e ki pa witcewaritci Cecoca.


Minawatc awiriw ki pe takociniriw, e itikotcik: “Natotamokw! Aniki iriniwok ka ki arekok kipohotowikamikok, nete ni kitci aiamihe mikiwamik taci tacikewok! Ekota nta e taci kiskinohamawatcik iriniwa!”


Cecoc otarotakana, Jérusalem otenak ka tacikewaspan, ki petakewok, anahweriw iriniwa Samarie askik ka tacikeritci aci e ki tapweritamiritci Kice Manitowa otitewiniw. Aci ki iciticohwewok Piena kirika Jeanwa kitci natawapamaritci anahweriw Samarie iriniwa.


Ani apitc aniki ka nikaniwiwaspan, ka kicteritakositcik e iterimakaniwitcik, Cak, Pien kirika Jean, ki iti nisitowinamok tapwe e ki miritc Kice Manito ohweriw mia otamirowiniw kitci itotiskewak. Ni ki pocokakonanak, nin kirika Barnabas, kitci ki wapatahimitc e ici naheritakik. Ekotca tapickotc ka ici naheritamak, nete ninan kitci ici nta otamiroak aka ka cota iriniwitcik ka ici taciketcik, wirawaw tca Pien kirika aniki kotakihik nete itekera kitci nta otamirowaspan cota iriniwok ka ici taciketcik.


Lean sinn:

Sanasan


Sanasan