Ka ki aitotiskeritci Cecoc otarotakana 26:4 - Kice Manito Ocki Omirwatcimowin

⁴ “Kaskina cota iriniwok kiskeritamok e ici pimatisiwak, esko ka ocki pimatisian, nte wetcian, kaie nete Jérusalem otenak ka pe pimatisian.

Ka ki aitotiskeritci Cecoc otarotakana 26:4 Iomraidhean Croise

Ka ki aitotiskeritci Cecoc otarotakana 22:3

“Ni cota iriniwin ni. Nete ni ki taci nitawikin Tarse otenak, Cilicie askik itekera. Aric ota ni ki taci matcekin Jérusalem otenak. Gamaliel ka ki kiskinohamawitc. Wewerita ni ki kiskinohamakw kitci nosanetawak aniheriw cota aiamihe irakonikewiniw tapickotc kitaniskotape kimocominowok ka nosanetawaspan. Ni ki mantokason kitci atoskectawak Kice Manito, mitowi kaskina kirawaw anotc.

Ka ki aitotiskeritci Cecoc otarotakana 24:14

Aric anotc ki witamatin ohwe ka iteian e tapweian: ni nosanetan anihe ocki kiskinohamakewin, Teperitciketc Omeskanam, aniheriw aka ka tapweritakik aniki iriniwok. Aric kaie nit atoskectawaw Kice Manito, weckatc nitaniskotape nimocominanak ka ki atoskectawatcik. Kaskina kaie ni tapweriten e itasinatek aiamihe irakonike masinahikanik kaie ni tapweritamawan aniheriw ka ki ici masinahakik ka ki pe nikan tipatcimotcik.

Galatie iriniwok 1:13

Ki ki petakanawatake tan e ici pimatisiapan anihe apitc ka nosanetaiapan cota aiamihewin. Ki kiskeritenawatake e apitc nekatcihakwapanen Kice Manito otirinima ka tapwerimatcik Cecoca, kitci ki niciwonatcitaian e ki nosanehwakaniwiritci.

Pirip iriniwok 3:5

Ni ki kicawatacokowin nicwaso kickwa ka ickwa nitawikian. Tekaci nit Israël iriniwin. Benjaminik ni ki pe aniskotapecinin. Kaskina e tacitcik nitaniskotape nimocominanak otananik ka ki pe tatcik tekaci cota iriniwipanak, Hébreux e iteritakosiwaspan. Wewerita ni pe nosanetatai kaskina cota irakonikewin, nete itekera cota iriniwok Pharisiens ka icinikatakaniwitcik, e asitci miro nosanetaiapan anihe irakonikewin.

2 Timothée 3:10

Aric kir Timothée, wewerita ki kiskeriten kaskina e ici kiskinohamakeian, e pimatisian kaie e nataweritaman, e asperimototawak Teperitciketc, e ciciperitaman, e sakihakik kiwitc irininook, e ici sokikapowian,