Ka ki aitotiskeritci Cecoc otarotakana 21:3 - Kice Manito Ocki Omirwatcimowin

³ Pecotcik Chypre minictikok ni ki iti takocatohonan, e miro wapatamak. Cawonok tca itekeanakak ni ki icitcimaninan, nete Syrie askik itekera e icaiak. Tyr otenak ni ki ici macakanan, ekota e ici kapanasonaniwok.

Ka ki aitotiskeritci Cecoc otarotakana 21:3 Iomraidhean Croise

Matio 11:21

“Ekwa kirawaw neta Chorazin otenak ka tacikeiekw! Nikotin ki ka nakickenawaw kitci arimipariekw! Kaie kirawaw Bethsaïda otenak ka tacikeiekw, nikotin ki ka arimiparinawaw! Kecpin nitowatc nete Tyr otenak kirika Sidon otenak ki taci mata kackitaian patok ota kirawaw ka ici tacikeiekw, aci weckatc wirawaw aniki iriniwok kata ki piskamopanak wikasiriw ka kawekinik acitc kata ki cicocimoropanak iskwaskiteskok kitci wapatahiwetcik e kweskatisitcik.

Matio 4:24

Kaskina wiec Syrie askik itekera ki petakaniwoniw e arimomakaniwitc, kaie ki pe iciwitowakaniwiw kaskina ka akosiritci, nakowi e aitapineritci, kaie anahweriw ka pitciteheckakoritci matci manitowa, acitc ka opirikoritci, kaie ka niponesiritci. Kaskina e taciritci ki kikehew Cecoc.

Luc Omasinahikan 10:13

“Ekwa kirawaw neta Chorazin otenak ka tacikeiekw! Nikotin ki ka nakickenawaw kitci arimipariekw! Kaie kirawaw Bethsaïda otenak ka tacikeiekw, nikotin ki ka arimiparinawaw! Kecpin nitowatc nete Tyr otenak kirika Sidon otenak ki taci mata kackitaian patok ota kirawaw ka ici tacikeiekw, aci weckatc wirawaw aniki iriniwok kata ki piskamopanak wikasiriw ka kawekinik, acitc iskwaskiteskok kata ki apipanak, kitci wapatahiwetcik e kweskatisitcik.

Luc Omasinahikan 2:2

Ekoni nictam ka masinahotisonaniwonik, mekwata e kice okimawispan Quirinius neta askik Syrie ka icinikaterik.

Ka ki aitotiskeritci Cecoc otarotakana 11:19

Ka ickwa nipahakaniwispan Étienne, mitcet iriniwok ka tapwerimatcik Cecoca ki nekatcihakaniwiwok. Ekoni wetci ki orackatcik papitoc otenaskak acitc askik e icatcik. Atita neta e tacitcik warawik ki ici matcawok, nte Phénicie askik, kotakihik Chypre minictikok kaie kotakihik Antioche otenak. Aric tepirak ni cota iriniwa arimotamowepanak Kice Manitowa otitewiniw e kakeskwetcik.

Ka ki aitotiskeritci Cecoc otarotakana 12:20

Hérode micta kiciwahikokopan iriniwa nta ka tacikeritci otenak Tyr kirika Sidon ka icinikaterik. Aniki iriniwok tapickotc ki iteritamok kitci natawapamatcik anihi okimamiwawa. Pitama peikw kotakihi iriniwa ki cikimewok kitci witcihikotcik. Blastus icinikasopan anahwe iriniw, wir tipirawe mihepan okimawa omikiwamirik. Ekoni ka ici natawapamatcik Héroda e nataweritamawatcik aka awocamec kitci kiciwasiritci aci kitci miroparihitonaniwonik, osam e otinamasotcik omitcimimiwaw nta okimawa Hérode otaskirik.

Ka ki aitotiskeritci Cecoc otarotakana 13:4

Minawatc Barnabas kirika Saul, Miro Manitowa e ki iciticohikotcik, nete ki icawok Séleucie ka icinikaterik otenariw. Ekota neta ka otci matcehotcik, nete tca e icitcimetcik minictikok Chypre ka icinikaterik.

Ka ki aitotiskeritci Cecoc otarotakana 15:23

Ki tca mirakaniwiwok kitci miwotatcik masinahikaniw, ohweriw e itasinaterik: “Ninan Cecoc otarotakana kirika ka nikaniwiak, kiwitcicaniwawok e iteritakosiak, tapickotc e nosanehwokw Cecoc, kit arimikatinan, kirawaw niwitcicananak aka ka cota iriniwiekw, nete ka tacikeiekw Antioche otenak, kirika Syrie kaie Cilicie askik itekera.

Ka ki aitotiskeritci Cecoc otarotakana 15:39

Ki micta kikamitowok Pwar kaie Barnabas, e tca tatipan cakatcik. Barnabas ki matcewirew anihi Mark. Ki positcimewok micta napikwan tcimaniw, Chypre minictikok e icatcik.

Ka ki aitotiskeritci Cecoc otarotakana 15:41

Ki capotoweckamok Syrie kirika Cilicie askiriw, kaskina wiec e witcihatcik iriniwa ka mawotcihitoritci kitci aiamiharitci e tapwerimaritci Cecoca kitci sokiteheritci otcitcakociwarik itekera kaie kitci sokikapowiritci.

Ka ki aitotiskeritci Cecoc otarotakana 18:18

Kinowec kiapatc ki tacikew Pwar neta Corinthe otenak. Minawatc ki nakatew iriniwa neta ka tapwerimaritci Cecoca, kirika ki positcimew, Syrie askik e icitcimetc, anahweriw Priscille kaie Aquilas e witcewikotc. Aric epwamoci positcimetc ki itepan kitci kackipatcikaterik octikwan nete Cenchrées otenak, kekociciriw meka e ki nespi tapwetc kitci itotisketc Kice Manitowa otci, ekoni wetci ki totak.

Ka ki aitotiskeritci Cecoc otarotakana 21:16

Atita ka tapwerimatcik Cecoca neta ka tacikewaspan Césarée otenak ni ki witcewikonanak. Ni ki iciwirikonanak nte ke tacikehikoiak, anahwe omikiwamik Mnason ka icinikasotc. Anahwe iriniw nte otcipan Chypre minictikok. Aci weckatc tapwerimepan Cecoca.

Ka ki aitotiskeritci Cecoc otarotakana 21:2

Minawatc ni ki petakanan e takonokopanen neta micta tciman, nete e icitcimemakak Phénicie askik. Ni ki positcimanan e matcehoak.

Ka ki aitotiskeritci Cecoc otarotakana 21:7

Tyr otenak ni ki otci matcehonan, nete Ptolémaïs otenak e ici takocatohoak. Ni ki arimikowananak neta ka taciketcik ka tapwerimatcik Cecoca, kirika peikwo kickwa ni ki witci tacikemananak.

Ka ki aitotiskeritci Cecoc otarotakana 27:4

Minawatc kiapatc ni ki nta positcimanan, nete e ki ici matcehoak, nac nete e ici macakaiak minictikok Chypre ka icinikatek, rarewak e ici tipinowak, osam e nanikepacihak.

Ka ki aitotiskeritci Cecoc otarotakana 4:36

Enko ohweriw towiriw e totamwakopanen: tapan neta peikw iriniw, Sosep e icinikasotc. Arica kaie ki icinikatakaniwiw Barnabas, Cecoca otarotakana e ki icinikatikotc. —Aniheriw oticinikasowin wi itemakaniw “Anahwe ka sokimiwetc.”— Anahwe Sosep cota iriniwipan, Lévite itekera ka ici apitcik aniki cota iriniwok, kirika neta otcikopan minictikok Chypre ka icinikaterik.