Ka ki aitotiskeritci Cecoc otarotakana 2:4 - Kice Manito Ocki Omirwatcimowin

⁴ Kaskina ki mockineckakowok Miro Manitowa otehiwak, kaie kotakeriw arimwewiniw ki iti arimwewok, kotc ka ki ici mirikotcik Miro Manitowa kitci kackitatcik e arimwetcik.

Ka ki aitotiskeritci Cecoc otarotakana 2:4 Iomraidhean Croise

Matio 10:19

Iciwirikoiekwe tipaskonikewikamikok, akawir arimeritamokw e mamitoneritamekw ke ki iteiekw, kaie ke ici aiarimweiekw. Ki ka mirikowinawaw mia ke aiteiekw ani apitc.

Mark 16:17

“Ekoni ke otci kiskerimakaniwitcik aniki ka tapwerimitcik: kata orowiticohwewok matci manitowa, niticinikasowiniw kitci apatcitatcik. Ocki arimwewiniw kata arimwewok.

Luc Omasinahikan 1:15

Mictahi meka kata miro atoskectawew Teperitcikeritci. Nama wiskat kata minikwew minicaporiw, nama kaie kotakeriw ka minikwaniwonik ka mackawakaminik. Miro Manitowa kata mockineckako, wawatc epwamoci nitawikite.

Luc Omasinahikan 1:41

Kotc Risapet ka petawatc Mariwa, ki kiskerimew anihi onitcanica e micta atciparihoritci. Kek Risapet ki mockineckako Miro Manitowa.

Luc Omasinahikan 1:67

Sakari, otawiwa anahwe awacic, ki mockineckako Miro Manitowa. Ki iti tipatcimo Kice Manitowa otci, e aitetc:

Luc Omasinahikan 12:12

Ki ka witamakowaw meka Miro Manito mia ke aiteiekw ani apitc.”

Luc Omasinahikan 21:15

Nin tipirawe ki ka witamatinawaw ke iteiekw. Kirika miro mitoneritcikan ki ka miritinawaw, aka tca otci peikw neta e tacitcik iriniwok kitci kackitatc kitci acitemitakw, aka tca kitci takonik ke ki ititakw.

Luc Omasinahikan 4:1

Cecoc nete otci matcaw Jourdain sipik, Miro Manitowa e mockineckakotc. Minawatc ki iciwiriko nete askik ka ici cipewatawokarik.

Jean 14:26

Anahwe ke pe nta witcihitakw, Miro Manito, ke pe iciticohikotc Notawiwa niticinikasowin otci, kaskina ki ka kiskinohamakowaw kaie ki ka mikawasimikowaw kaskina tan ka ki aititakok.”

Jean 20:22

Minawatc ki potatew owitcewakana, e itatc: “Miro Manito kitci pe otitikoiekw!

Ka ki aitotiskeritci Cecoc otarotakana 1:5

Capatis meka ki sikahatakew, nipiriw e ki apatcitatc. Aric nanake ki ka sikahatasonawaw, Miro Manito kitci mirikoiekw.”

Ka ki aitotiskeritci Cecoc otarotakana 1:8

Aric ki ka pe otitikonawaw mackawisiwin, apitc Miro Manito nitcirete kitci witci tacikemitakw. Kaskina wiec tca ki ka tipatciminawaw Jérusalem otenak, kaie kaskina wiec Judée askik acitc Samarie askik, nac kaskina e irikokoskamikak.”

Ka ki aitotiskeritci Cecoc otarotakana 10:46

Petowepanak meka kotakeriw arimwewiniw e ici arimweritci, kaie e mirwatcimaritci Kice Manitowa. Aci Pien itew:

Ka ki aitotiskeritci Cecoc otarotakana 10:47

“Nama ki ka ki otcinehwanowok aniki iriniwok kitci sikahatasotcik nipik, aci e ki ickwa pe pitciteheckakotcik Miro Manitowa kaie wirawaw mia kirano!”

Ka ki aitotiskeritci Cecoc otarotakana 11:15

Minawatc ka iti aiarimweian, Miro Manitowa ki pe pitciteheckakowok iriniwok, mitowi kaie kirano nictam ka ki pitciteheckatokopanen.

Ka ki aitotiskeritci Cecoc otarotakana 11:24

Tapwe ni wirata miro iriniwipan Barnabas. Mockineckakopan Miro Manitowa kaie asperimototawepan Kice Manitowa. Mitcet tca iriniwok ki oreritamok kitci tapwerimatcik Teperitcikeritci.

Ka ki aitotiskeritci Cecoc otarotakana 13:52

Aniki ka tapwerimatcik Cecoca neta Antioche otenak ka taciketcik micta mireritamopanak kirika mockineckakopanak Miro Manitowa.

Ka ki aitotiskeritci Cecoc otarotakana 13:9

Aci Saul, —peikon Pwar e icinikasospan— e sokiteheckakotc Miro Manitowa, ki kanawapamew anihi Élymas,

Ka ki aitotiskeritci Cecoc otarotakana 15:8

Kice Manito tca, e miro kiskerimatc kaskina iriniwa tan mia e iteritamiritci, ki wapatahiwew aci e otapinatc anahweriw aka ka cota iriniwiritci kitci otirinimitc, e ki miratc Miro Manitowa mia kirano.

Ka ki aitotiskeritci Cecoc otarotakana 19:6

Pwar ki takinew e aiamihectamowatc. Ki tca mirakaniwiwok Miro Manitowa. Aci ki kackitawok ocki arimwewiniw kitci arimwetcik aka ka kiskeritakonik, acitc kitci witakik ka ki ici mirikotcik Kice Manitowa kitci itetcik.

Ka ki aitotiskeritci Cecoc otarotakana 2:11

kaie Crète e otcitcik acitc Arabie askik. Atita nta e taciikw cota iriniwiwok esko ka nitawikitcik. Kotakihik kaie ki kweski aiamihawok kitci cota iriniwitcik. Peikon kaskina ki petawananowok e ici arimwetcik kirano tipirawe papitoc e ici arimweikw, e atisokatakik Kice Manitowa otamirowiniw e kice mirwacinik!”

Ka ki aitotiskeritci Cecoc otarotakana 2:3

Ki wapatamok kekociciriw e pe nokonik, mia ickoteriw e icinakonik. Ki tatipanipariniw, papeikw okitc octikwaniwak ki ispariniw aniki iriniwok ka taciketcik.

Ka ki aitotiskeritci Cecoc otarotakana 4:31

Ka ickwa aiamihatcik, neta ka tacikewaspan ka ki ici mawotcihitowaspan ki aiatcipariniw. Kaskina e tacitcik ki mockineckakowok Miro Manitowa, kirika ki pa tipatcimowok Kice Manitowa otitewiniw e sokeritakik.

Ka ki aitotiskeritci Cecoc otarotakana 4:8

Aci Pien, e mockineckakotc Miro Manitowa, itew: “Okimawok kirika aiamihe okimawok:

Ka ki aitotiskeritci Cecoc otarotakana 6:3

Ekoni wetci actek, niwitcicanak, neta e taciekw, kitci orapamekok nicowaso iriniwok e kicterimakaniwitcik, e omiro omitoneritcikanitcik kirika e mockineckakotcik Miro Manitowa. Ki ka tca miranowok aci wirawaw kitci mitatcik e acakaniwonik.

Ka ki aitotiskeritci Cecoc otarotakana 6:5

Kaskina iriniwok ki ici mireritamok aniheriw ka ki ici orictatotcik. Aci anihi ki orapamewok peikw iriniwa, Étienne ka icinikasoritci. Nohwe iriniw micta asperimototawepan Kice Manitowa kirika mockineckakopan Miro Manitowa. Acitc aniki kaie wirawaw ki orapamakaniwiwok: Pirip, Procore, Nicanor, Timon, Parménas kirika Nicolas. Anahwe Nicolas Antioche otenak otcipan. Weckatc ki kweskatisipan, cota iriniwa e ici aiamiharitci kitci nosanetatc.

Ka ki aitotiskeritci Cecoc otarotakana 6:8

Étienne micta mackawisipan otcitcakocik itekera, e ki cawerimikospan Kice Manitowa. Mitcetwaw matawi aitotamopan kaie mata kackitapan e micta mamiskasinakonik neta e ici tacikaniwonik.

Ka ki aitotiskeritci Cecoc otarotakana 7:55

Aric wir Étienne mockineckakopan Miro Manitowa. Itapipan wakwek. Ki wapatam Kice Manitowa oticperitakosiwiniw, kaie ki wapamew Cecoca e nanipowiritci onihiwinik Kice Manitowa.

Ka ki aitotiskeritci Cecoc otarotakana 8:17

Pien kirika Jean ki takinewok anahweriw iriniwa octikwaniwarik, ekoni ka ici pitciteheckakoritci Miro Manitowa.

Ka ki aitotiskeritci Cecoc otarotakana 9:17

Aci Ananias matcaw. Ka takocik neta mikiwamik, ki takinew anihi Saula, kirika e itatc: “Saul, niwitcican, Teperitciketc Cecoc ka ki pe wapamatc meskanak ka pe pimotein ni pe iciticohokw kitci ki minawatc wapiin kirika kitci ki mockineckask Miro Manito.”

Rome iriniwok 15:13

Ni pakoserimaw Kice Manito, anahwe ka pakitinak asperimowiniw, kitci mockineckatakw mireritamowiniw kaie pekaterimowiniw e asperimototawekw, kitci ki tca micak kitasperimowiniwaw kitehiwak, Miro Manito e sokiteheckatakw.

1 Corinthe iriniwok 12:10

Minawatc kotak kiapatc miriko Miro Manitowa mackawisiwiniw kitci ki mata kackitatcik, kotak tca kitci ki tipatcimotc tipatcimowiniw e mirikotc Kice Manitowa. Minawatc kiapatc kotak mirakaniwiw kitci kackitatc kitci nisitowinak tan pitoc Miro Manitowa e ici witcihiweritci kirika matci manitowa e ici wikotcitaritci. Atita kiapatc kotakihik mirakaniwiwok kitci arimwetcik kotakeriw arimwewiniw aka ka kiskeritakonik. Kotak tca mirakaniwiw kitci kackitatc kitci itectamaketc aniheriw ickotok ka ki ici arimwaniwonik.

1 Corinthe iriniwok 13:1

Misawatc kackitaiane kitci arimweian kaskina arimwewina e ici arimwetcik iriniwok ota askik, kaie aceriwok otarimwewiniwaw, kecpin aric aka e sakihak niwitc iriniw, nama wiec irapatan nitarimwewin, mia tarasak e wectatawaskiparik kekotc mia tarasak tewehikan e kiceapiskowakaniwitc e ititakok.

1 Corinthe iriniwok 13:8

Nama wiskat ickwaparin sakihitowin. Aric kata ickwaparin e tipatcimonaniwok Kice Manito otci. Kata ponitawok iriniwok e kackitatcik kitci arimwetcik kotakeriw arimwewiniw aka ka kiskeritakonik. Kaie kaskina kata ickwaparin kiskeritamowin.

1 Corinthe iriniwok 14:18

Ni naskomaw Kice Manito e ki miritc kirawe kitci arimwewak kotaki arimwewina aka ka kiskeritakoki patok kirawaw e ki mirikoiekw.

1 Corinthe iriniwok 14:5

Ni nataweriten tato nta e taciekw kitci ki arimweiekw kotak arimwewina aka ka kiskeritakok, kirawe aric ni nataweriten kitci mirikoiekw kitci ki tipatatamekw tipatcimowin Kice Manitok e otciparik, kitci nisitotakik aniki iriniwok e aimihekok. Anahwe ka tipatatak aniheriw tipatcimowiniw e nisitotcikaterik kirawe miro mirwapatisiw patok anahwe ka arimwetc kotakeriw arimwewiniw aka ka nisitotakonik, patoc e tatc awik kitci kackitatc e witak wa itemakanik, kaskina tca ka mawotcihitoritci kitci aiamihatcik e tapwerimatcik Cecoca kitci nisitotakik, kitci ki sokikapowitcik otasperimowiniwak.

Éphèse iriniwok 3:19

Ekoni tca kitci kiskeritamekw aniheriw osakihiwewin, misawatc aka wiskat awik e ki otci capo kiskeritakipan, kitci ki tca tekaci mockineckatakw kaskina omirwasiwin Kice Manito.

Éphèse iriniwok 5:18

Aka kiwockweparitisokw. Kecpin meka nipara minicapo e minikweiekw, otcitakotc ki ka onactamatisonawaw kipimatisiwiniwaw, tekaci kitci oniciniekw. Aric mirakw Miro Manito kitci mockineckatakw.

Éphèse iriniwok 6:18

Minawatc kaskina anihe otci ki ka pakoserimawaw Kice Manito e aiamihaiekw. Tapwe wirata, kaskina wiec ki ka aiamihanawaw, Miro Manito e witcihitakw. Nanakatisikw kaie akawir ponitakw e aiamihectamowimekw kaskina e taciritci Kice Manito otirinima.

1 Pien 1:12

Kaie ohweriw ki witamawew Kice Manito anahweriw ka ki atoskectakotc e nikan tipatcimoritci, aka wirawaw otci aniheriw tipatcimowiniw ka ki mirakaniwitcik kitci tipatatakik, aric kirawaw otci. Aci ki ki witamakowinawaw anihe tipatcimowin, aniki anotc ka pa tipatatakik Mirwatcimowiniw e ki witamatakok. Ka aiarimotakik aniheriw, Miro Manitowa ki mackawisihikowok, wakwek e ki pe otci iciticohwakaniwiritci. Wawatc aceriwok wirawaw tipirawe kata sakitapanak kitci nta kiskeritakik aniheriw Mirwatcimowiniw.

2 Pien 1:21

Nama meka wiskat ki otci ispariniw iriniwok kitci nikan tipatcimotcik Kice Manitowa otci tepirak irinik kitci otciparinik, osam aric Miro Manitowa e ki mirikotcik ka ki aitetcik e tipatatakik Kice Manitowa otipatcimowiniw.