Ka ki aitotiskeritci Cecoc otarotakana 1:9 - Kice Manito Ocki Omirwatcimowin

⁹ Ka ickwa aitetc aniheriw Cecoc, mekwata e kanawapamikotc owitcewakana, ki ocpickaw, wakwek e icatc, nac aka e nokositc, oskoriw e nakeckakotc.

Ka ki aitotiskeritci Cecoc otarotakana 1:9 Iomraidhean Croise

Mark 16:19

Ka ickwa ni ici aimihatc otirinima Teperitciketc Cecoc, ki ocpickaw, wakwek e icatc. Ki nta witapimew Kice Manitowa. Onihiwinik ki ici apiw.

Luc Omasinahikan 21:27

Kata wapamakaniwiw anahwe Ka ki pe iriniwihitisotc, oskok kitci otci pe nokositc, minawatc pe takocike, e mackawisitc kirika e icperitakositc.

Jean 6:62

Tan ki ta iteritenawaw kecpin wapamekwe anahwe Ka ki pe iriniwihitisotc ocpickate, nete e icatc ka ki ici taciketc ickotok ka ici tacikespan!

Ka ki aitotiskeritci Cecoc otarotakana 1:11

e itikotcik: “Kirawaw Galilée iriniwok, kekwan wetci nanipowiekw neta, icpimik e itapiekw? Anahwe iriniw Cecoc ka ki matcatc, wakwek e ki iciwirikotc, minawatc kecko kata pe takociniw, mia ka ki ici wapamekw e matcatc, ekoni peikon ke ici wapamakaniwitc minawatc takocike.”

Ka ki aitotiskeritci Cecoc otarotakana 1:2

nac aniheriw e kicikarik ka ocpickatc, wakwek ka icatc. Aric epwamoci ocpickatc, ki witamawew otarotakana ka ki orapamatc e ici nataweritak ke totamiritci. Miro Manitowa meka sokiteheckakopan mekwata e kiskinohamaketc.

1 Thessalonique irinowok 4:17

Minawatc kirano nta e taciikw kiapatc e pimatisiikw ani apitc ki ka mawotcihikowinano kaie aniki ka ki apitcipahakaniwitcik, nete oskok, kitci ki nakickowokw Teperitciketc nete waskok. Nespitc tca ki ka witci tacikemano Teperitciketc.

1 Timothée 3:16

Tapwe ni aci ketcinaweritakon anihe ka katcicterikipan, anotc ka wapatahiwetc Kice Manito: e apitc kicteritakok anihe ka ici tapweritamokw! Krist ki pe nokosiw, mia irinik e icinakositc. Ki ki wapatahikowinano icikowisk e iteritakositc, Miro Manitowa e ki wapatahiweritci. Aceriwa ki wapamiko. Iriniwa ota askik ki pa tipatatamiriwa otarimwewin. Ki tca tapwerimiko mitcet iriniwa ota askik, minawatc icpimik ki iciwirakaniwiw e ocpickatc oticperitakosiwinik e icatc.

Ka ki ici wapatahakaniwitc Jean 1:7

Itapikw icpimik! Nte kata pe icaw oskok. Kaskina iriniwok kata wapamewok, misawatc aniki ka ki pataskohwatcik. Kaskina iriniwok papitoc e aicinakositcik ota askik kata matowok ke apitc kackeritakik e mitatatcik. Tapwe, ekoni ke isparik! Kekora ki iki.

Ka ki ici wapatahakaniwitc Jean 11:12

Minawatc aniki e nicitcik ki petawewok awiriw e arimweritci e micta sokitakosiritci, wakwek e otci petakosiritci, e itikotcik: “Pe ocpickakw ote icpimik!” Ki tca ocpickawok, oskok e ki nanipowitcik, mekwata e kanawapamikotcik iriniwa ka cikerimikotcik.

Ka ki ici wapatahakaniwitc Jean 14:4

Enko aniki ka ki nanakatcihitisotcik aka kitci witcewatcik iskwewa. Ki kanawerimitisowok kitci mirwinakositcik otehiwak. Nosanehwewok anihi Maritcenica kaskina wiec e pa icaritci. Ki otci wikotcihakaniwiwok neta e taciritci iriniwa ota askik, kitci ki tiperimikotcik Kice Manitowa kaie Maritcenica, tarasak nictam ka aiamihe pakitinakaniwonik e ki iteritakositcik.