Ka ki aitotiskeritci Cecoc otarotakana 1:8 - Kice Manito Ocki Omirwatcimowin

⁸ Aric ki ka pe otitikonawaw mackawisiwin, apitc Miro Manito nitcirete kitci witci tacikemitakw. Kaskina wiec tca ki ka tipatciminawaw Jérusalem otenak, kaie kaskina wiec Judée askik acitc Samarie askik, nac kaskina e irikokoskamikak.”

Ka ki aitotiskeritci Cecoc otarotakana 1:8 Iomraidhean Croise

Matio 24:14

Anihe tca Mirwatcimowin, Kice Manito Okimawin ka arimotcikaterik, kata pa tipatcitcikatew kaskina e irikokoskamikak, kaskina awik kitci petak. Minawatc nta kata ponaskiwon.”

Matio 28:19

Natawapamakok kaskina iriniwok ota askik, kaskina wiec e pe otcitcik, kotc e icinakositcik. Witcihakok kitci nosanehwitcik, kaie sikahatowakok, kitci iteiekw, oticinikasowinik e Otawiwitc kaie Weokositc kaie Miro Manito.

Mark 16:15

Minawatc ki itew Cecoc: “Kaskina e irikokoskamikak pa icakw, Mirwatcimowin kitci tipatcimoiekw, kaskina awik kitci petak.

Luc Omasinahikan 1:35

Itiko anihi aceriwa: “Miro Manito ki ka otitikw kirika Kice Manito e mawotci icperitakositc omackawisiwin ki ka akwacteckakowan, mia e masinactecik. Ekoni ke otci iteritakositc ‘kitcitwawisiw’ anahwe kinitcanic ke nitawikitc. Ekoni kaie ke otci icinikatakaniwitc ‘Kice Manito Okosa.’

Luc Omasinahikan 10:19

Natotacikw! Ki ki miritinawaw kitci takoskatekok kinepikok kirika mantcocak ka koctatikositcik, acitc kaskina kitci patakockamwekw omackawisiwin anahwe ka wi cakotcihitokw. Nama kekocic ki ka ki matci totakonawaw.

Luc Omasinahikan 24:29

Aric ki matcikonewok, e itatcik: “Witci tacikemicinan. Nama aci kinowec kitci tipiskak.” Aci pitakew Cecoc omikiwamirik kitci witci tacikematc.

Jean 15:27

Kaie kirawaw ki ka aiarimominawaw. Aci meka ki witcewinawaw esko ka kitciparian e kiskinohamatakok.”

Ka ki aitotiskeritci Cecoc otarotakana 1:5

Capatis meka ki sikahatakew, nipiriw e ki apatcitatc. Aric nanake ki ka sikahatasonawaw, Miro Manito kitci mirikoiekw.”

Ka ki aitotiskeritci Cecoc otarotakana 13:31

Mitceto kickwa irikik Cecoc ki wapamiko anahweriw iriniwa ka ki pe witcewikospan ka pe matcatc Galilée askik nac Jérusalem otenak e ki pe icatc. Enko anahweriw ni anotc ka atoskectakotc kitci arimomikotc e aimiharitci Israël iriniwa.

Ka ki aitotiskeritci Cecoc otarotakana 2:32

Anahwe Cecoc ka arimomak ki apitcipahiko Kice Manitowa. Kaskina kaie e taciak ni ki wapamanan.

Ka ki aitotiskeritci Cecoc otarotakana 22:15

Ki ka tipatcimon meka wir otci, kitci witamawotcik kaskina iriniwok anihe ka ki ici wapataman kirika ka ki ici petaman.

Ka ki aitotiskeritci Cecoc otarotakana 3:15

Ekoni ka ki totamekw. Ki ki nipahawaw anaha ka miriwetc pimatisiwiniw. Aric Kice Manito ki apitcipahew. Ni ki wapamanan ninan tipirawe!”

Ka ki aitotiskeritci Cecoc otarotakana 4:33

Cecoc otarotakana micta mackawerimowakopan e tipatcimowaspan e ki wapamatcik Teperitcikeritci Cecoca e ki apitciparitci. Kaskina tca mictahi ki cawerimikowok Kice Manitowa.

Ka ki aitotiskeritci Cecoc otarotakana 5:32

Ninan, aci ni ki ickwa wapatenan kaskina anihe ka ki isparik, kaie wir Miro Manito ki wapatam aniheriw, anihi Miro Manitowa ka ki pakitinatc Kice Manito, kaskina iriniwa otci ka sapitakotc.”

Ka ki aitotiskeritci Cecoc otarotakana 6:8

Étienne micta mackawisipan otcitcakocik itekera, e ki cawerimikospan Kice Manitowa. Mitcetwaw matawi aitotamopan kaie mata kackitapan e micta mamiskasinakonik neta e ici tacikaniwonik.

Ka ki aitotiskeritci Cecoc otarotakana 8:1

Anahwe Saul ici naheritamokopan e nipahakaniwiritci Étienna. Ekoni apitc aniheriw e kicikarik ka nipahakaniwitc Étienne ka kitciparinik kitci micta nekatcihakaniwitcik aniki iriniwok ka tapwerimawaspan Cecoca neta Jérusalem otenak. Kaskina ki orackawok nte e ici matcatcik itekera Judée kaie nte Samarie askik. Tepirak aniki Cecoc otarotakana nama ki otci matcawok wirawaw.

Rome iriniwok 10:18

Ekoni wetci kokwetcimitakok: Tapwe ia ni cota iriniwok nama ki petamok aniheriw tipatcimowiniw? Tapwe ki petamok! Masinatew meka Kice Manito Omasinahikanik: “Ki matcawok iriniwok e tipatatakik Kice Manito otitewiniw kaskina e irikokoskamikarik, ki totamok kaskina kitci petakonik, misawatc e rawonakonik.” Psaumes 19.5(4)

Rome iriniwok 15:19

kaie ki wapatahiwew omackawisiwin e witcihitc e ki mata kackitatc kaie e ki matawi aitotisketc, Miro Manito omackawisiwin e totakipan. Ekoni ka ici tipatcimoan Mirwatcimowin Cecoc Krist e arimomakaniwitc, kaskina wiec e pa icaiapan Jérusalem otenak nac nete Illyrie askik ka icinikatek.

Colosse iriniwok 1:23

Actew aric kiapatc mocak kitci asperimototawekw Kice Manito, wewerita kitci sokikapowiekw, aka kitci pakiterimitisoekw kitci oniwirikoiekw e pakiteritamekw anihe asperimowin ka ici tatamekw esko ka petamekw Mirwatcimowin. Aci kaskina iriniwok ota askik ki tipatcimoctawakaniwiwok aniheriw Mirwatcimowiniw. Enko anihe peikon Mirwatcimowin ka atoskectaman, nin Pwar.