Ruma 5:3 - Manobo Ata

³ No kono no sikan do di songo ogkarago kinow ko duon ogkabayaan ta no mgo igkabaybayari ta, su nataga ki to ligkat to sikan, ogkohimu on to ogkaaguanta ta ka mgo igkabaybayari ta.

Ruma 5:3 Iomraidhean Croise

Lukas 21:19

Oghirosonan now ka poggongon now koddi no ogkabogayan kow to kouyagan no waro katamanan.”

Hinimuan 5:41

Nò, to poghipanow on ka mgo suguanon ni Hisus no nigligkat to mgo pogbuyagon, pinouwang dan on ka igkarago–dago dan su nakaroromdom dan to, agad to noumaan on sikandan to igkabaybayari ran woy to igkasipod dan ligkat to ogtumanon dan ka sugu ni Hisus kandan, di nigsalig ka Magboboot kandan to kono dan oghalina ka goinawa ran.

Ruma 5:11

Kono no sikan do su dakol ka igkarago ta to Magboboot no ogligkat ki Hisu Kristu no ian Lagboy no Igbuyag ta no nigpoul-ulioy to goinawa ta to Magboboot.

Ruma 8:23

Kono no ka kalaglagan do ka ogkabaybayaran ka ogpakatagad, di agad sikanta, ogpakaalooy kinow ka nigbogayan to Gimukud to Magboboot. No sikandin ka inhun-a rin imbogoy kanta no igmaganangon to duon dod karoyawon no igbogoy rin kanta uromo. Ogdalong ki to duma no nighimu to Magboboot no ogpakatagad, su oglayun ki og-iman-iman to sikan no allow no ogpatokod ka Magboboot to nohimu kinow on ian no anak din. Woy og-iamon din on ka lawa ta ko ogkouyag kinow on to waro katamanan.

Ruma 9:10

Kono no sikan do ka igpatuu to Magboboot to ogboboot sikandin ko nokoy ka oghimuon din, su pogkalugoy, ka kaap-apuan ta no si Isaak, nig-asawa on ki Ribika no naboros sikandin to sosoping.

2 Kurintu 4:17

Ian su ligkat to soini no mgo igkabaybayari ta no magaan do ogkaawo, uromo ogbogayan kid to dakol lagboy no karoyawon no madmaroyow to agad nokoy no nakitaan ta no kono ogkaawo to waro katamanan dio to langit.

2 Kurintu 8:19

No kono no sikan do, di ka sikan dod no mgo nigtuu no dio to sikan no mgo ugpaan, ian ka nig-alam kandin to oyow ogduma kanami ko ighatod noy ka sikan no igbulig tanow. Ian su oyow ogdakolon ka ngaran to Lagboy no Igbuyag ta woy oyow ogkatagaan to mgo otow ka igkohoy-u ta to duma ta no duon ogkoil-iluan to og-awoson dan.

Episu 3:13

Sikan ian, mgo sulod, ogbuyu a kaniu to oyow kono ogkounus ka goinawa now to duon dod soini no igkabaybayari ku kai to pirisuan no ogligkat to pog-anad ku kaniu tongod ki Hisus. Ian su ka igkabaybayari ku, ogpakabulig kaniu.

Pilipus 1:29

Ian su tongod ki Kristu, pigbogayan kow to kohoy-u no kono ogligkat do to pogtuu now di songo ogligkat to ogkabogayan kow to mgo igkabaybayari tongod to pogtuu now kandin.

Santiago 1:12

Ka sikan no otow no og-aguantoon din ka igkabaybayari rin, ogbogayan to dakol no igkarago din. Ian su ko kono ogkaalap to sikan no igkabaybayari rin, ogkasayo sikandin no ogbogayan to pogkouyag din no waro katamanan. Sikan ka innangon to Magboboot no igbogoy rin to tibo no ogdakolon dan to goinawa ran kandin.

1 Pedro 3:14

Di agad ko ogkoumaan ki to igkabaybayari ta no ogligkat to poghimu ta to maroyow, ogkarago ki ro nasi. Kono kid ogkahallok to mgo otow woy kono kid ogkasasow.