Ruma 2:3 - Manobo Ata

³ Nò, sikaniu no ogsamili to mgo duma now di songo oghimu kow to sikan dod no hinimuan dan no maroot, do kow og-iman-iman to kono kow ogpakalagkos to iglogpad to Magboboot to duma no mgo otow no oghimu to maroot.

Ruma 2:3 Iomraidhean Croise

Matiu 23:33

Ogkounawa kow ian to mgo ulod, woy pinanganak kow to ulod. Ogmonuon now naan to ogligal oyow kono kow ogkalogparan dio to hapuy no wa katamanan?

Matiu 26:53

Waro nu matagoi no ogkohimu ku to og-inso a to pogbulig koddi dio to Amoy ku no Magboboot woy ogparagas sikandin no ogpaalap dini to pila no libu no mgo suguanon din no mgo diwata.

Lukas 12:14

Di nigtabak si Hisus to, “Utu, hontow naan ka nigbogoy koddi ka katondanan ku to oghusoy woy ogtalad to kalaglagan now no darua?”

Lukas 22:58

Wa do malugoy no nigkita ka songo lukos ki Pedro. Kagi rin, “Sikoykow, songo sagboka ka to mgo karumaan ni Hisus,” di nigtabak si Pedro to, “Usi, kona a ra.”

Lukas 22:60

Di nigpoomot nigligal si Pedro to kagi rin to, “Usi, waro a makasabut to ogkagion nu.” Inogo on ian no wa pad maponga si Pedro to kagi rin no nig-ukalo on ka manuk.

Ruma 1:32

Nataga sikandan to tahan do no ogbobootan to Magboboot ka mgo otow no oghimu to sikan no maroot no mgo batasan, no ogkalogparan sikandan to waro katamanan. Di ogparagason dan ka poghimu ran to sikan ian no mgo maroot no batasan dan. No kono do no sikan ka oghimuon dan di songo maroyow to goinawa ran ko duon dangob no otow no songo oghimu to ogkounawa to batasan dan.

Ruma 2:1

Nataga kinow to litos ian ka pogboot to Magboboot no oglogparan din ka mgo otow no oghimu to sikan no mgo maroot no mgo batasan. Dokad di, sikaniu no ognangon to maroot ian ka oghimuon to mgo otow no oghimu to sikan no mgo batasan, kono kow songo ogpakasalsalia to logpad to Magboboot, su ogsamilian now ka maroot no hinimuan to dangob no otow, di songo maroot dod ka kaniu no mgo batasan. Sikan ian, ko ogsamilian now ka dangob no otow, songo ogkasamilian now rod ka kaniu no mgo batasan.

Ruma 9:20

No ka igtabak ku to sikan, sikanta no nohimu ro duon no otow, manio to ogtabakon ta ka Magboboot to sikandin man ka nighimu kanta? Pananglitan, ko duon kuron, woy ko ogpakakagi pa, kono ogkaayun no og-inso to talaghimu kandin ko manio to nig-iling din ka poghimu rin kandin.

1 Tisalunika 5:3

Ka sikan no timpu no ogkakagi ka mgo otow to maroyow on ka pog-ugpo dan no warad on samuk, magaangaan on ogkoumoi sikandan to sikan no ogpakaraat to pog-ugpo dan. Ian ogkounawaan ka boi no ogkaboros on no magaangaan on ogkouma to ighayori rin. Waro agad hontow no ogpakabutulas to sikan no igkabaybayari ran.

Hibriu 12:25

Sikan ian, og-awoson to og-ayad-ayad ki ro to ogpamminog to sikan no ogkagi no ian ka Magboboot su ka mgo otow dongan no waro nigpamminog to kagi rin no impanangon din ki Moisis, niglogparan sikandan. No sikanta kuntoon, dakoldakol pad man ka iglogpad kanta ko og-iniug ki to Magboboot no ogbohog kanta no ogligkat dio to langit.

Hibriu 2:3

Nò, sikantanow, ko kono kid ogsagman to soini kuntoon no dakol no pogpangabang kanta to mgo salo ta, kono ki ogpakasasalia to iglogpad din kanta. Ian su ka Lagboy no Igbuyag ta no si Hisus ka nokohun-a no nignangon to soini no nangnangonon. No ka mgo nigdinog kandin, sikandan ka nigpamalogot kanta to tu-tuu ian ka sikan no innangon din.