Ruma 1:7 - Manobo Ata

⁷ Sikan ian no nigsulatan ku sikaniu tibo no dio to lunsud to Ruma no indakoli to Magboboot to goinawa lagkos to nohimu kow on no sakup din. Ogbuyu a kaniu to Magboboot woy ka Lagboy no Igbuyag ta no si Hisu Kristu oyow ogkohoy-uan kow woy ogbogayan kow to maawang no pog-ugpo now.

Ruma 1:7 Iomraidhean Croise

Matiu 5:16

Unawa soini pad ka oghimuon now. Oglayag kow pinabayo to maroyow no batasan now dio to mgo otow su pinabayo to soini, ogsayoon to mgo otow ka Amoy tanow dio to langit.

Huan 20:17

Kagi ni Hisus kuwo kandin to, “Kona a nu pa gongoni su wara a pad batuna dio to Magboboot no Amoy dio to langit. Oghondio ka pad to mgo sulod ta no nangoni nu sikandan to oghondio a pad to Amoy ku no songo Amoy now ian. Sikandin ka Magboboot ku woy sikandin ian ka Magboboot now.”

Hinimuan 15:23

No soini ka sulat dan no igpaalap kandan dio to Antiokia, “Sikanami no mgo suguanon ni Hisus woy ka mgo pogbuyagon to mgo nigtuu no kai to Hirusalim, ogpapangumustaan noy sikaniu no mgo sulod noy to pogtuu ta ki Hisus no kono no Hudiu no taga Antiokia, mgo taga Siria woy ka taga Silisia.

Hinimuan 9:13

Kagi ni Ananias, “Buyag, mohon–ing ka ogdinogon ku no mgo maroot no nighimu to sikan no otow no nigbayadbayad to mgo otow no nigtuu koykow no dio to Hirusalim.

Ruma 1:6

No sikaniu no ogtuu ki Hisus no dio to lunsud to Ruma, songo nalagkos kow to duma no mgo otow no ogtuu ki Hisus su nohimu kow on no sakup din.

Ruma 5:1

Kuntoon, su nigtuu kinow on ki Hisu Kristu, nohimu kinow on no maroyow dio to tangkaan to Magboboot. Sikan ian, nigmaawang on ka goinawa ta kandin woy songo nigmaawang on ka goinawa rin kanta, su ligkat to nighimu ni Hisu Kristu kanta no ian Lagboy no Igbuyag ta.

Ruma 5:5

Kono ogkohimu no kono ta ogkapurut ka sikan no og-imanon ta su ka Gimukud to Magboboot no ingkabogoy kanta, ian ka ogpohitaga kanta to dakol ka goinawa to Magboboot kanta.

Ruma 8:28

Nataga ki to, ka mgo otow no igsabuk ka Magboboot duon to taliwaro to goinawa ran, ian ka nig-abin din no sakup din, no ian ogpakatuman to tuud din. No agad nokoy no ogkabayaan dan, oghimuon to Magboboot to oyow ogkohimu on no maroyow kandan.

Ruma 8:39

ko og-ugpo dio to aw-awangan woy ko og-ugpo to diralom to tano. Agad to mgo kalaglagan no nohimu, songo waro ogpakaatang kanta to pogkohoy-u no imbogoy to Magboboot kanta no nigligkat to nighimu ni Hisu Kristu no Lagboy no Igbuyag ta.

Ruma 9:25

Sikan ian to duon impasulat to Magboboot ki Usias. Kagi rin to, “Duon mgo otow no kono no sakup ku, di oghimuon ku sikandan no sakup. Woy duon mgo otow no nokani waro ku indakoli to goinawa, di kuntoon, indakoli kud to goinawa.

1 Kurintu 1:24

Di sikanta no nig-abin on to Magboboot, agad Hudiu woy ka kono, nataga ki to ligkat to nighimu ni Kristu, impohitaga to Magboboot ka kabogbogan din woy ka katouanan din.

1 Kurintu 16:23

Ogbuyu a ki Hisus no Lagboy no Igbuyag ta to oyow ogkohoy-uan kow nikandin.

2 Kurintu 13:14

Ka goinawa ku ian, mgo sulod, to oyow ogkohoy-uan kow to Lagboy no Igbuyag ta no si Hisu Kristu woy to oyow ogtokoron now ka dakol no goinawa to Magboboot kaniu, woy to oyow ogkabuligan kow to Gimukud to Magboboot oyow maroyow ka pogparumdumooy now kandin. Kanak no si Pablo.

Galasia 6:18

Ka igbuyu ku, mgo sulod, to ogkakohoy-uan kow tibo to Lagboy no Igbuyag ta no si Hisu Kristu. Kai ro ian taman. Kanak no si Pablo.

Episu 1:2

Ogbuyu a to Amoy tanow no ka Magboboot woy si Hisu Kristu no ian Lagboy no Igbuyag ta oyow ogkohoy-uan kow woy to ogkabogayan kow ran to maawang no pog-ugpo now.

Episu 6:23

Ogbuyu a to oyow ka Amoy ta no ka Magboboot woy ka Lagboy no Igbuyag ta no si Hisu Kristu, ogbogoy kaniu to maawang no pog-ugpo now woy to oyow ogdakol ka goinawa now kandan woy to mgo duma now. Woy ogbuyu a to oyow ogdakol ka pogsalig now to Magboboot woy si Hisus.

Pilipus 1:2

Ogkoiniatan noy to oyow ka Magboboot no Amoy tanow woy ka Lagboy no Igbuyag tanow no si Hisu Kristu, ogbogoy kaniu to maawang no goinawa now woy ka dakol no pogkohoy-u ran.

Pilipus 4:13

Agad nokoy ka ogkabayaan ku su ogbogayan a ni Hisu Kristu to kanokalan ku no ogligkat to kabogbogan din.

Pilipus 4:20

Ogsayoon tanow ka Amoy ta no ka Magboboot to waro katamanan. Maroyow ian.

Pilipus 4:23

Ogbuyu a to oyow ogkohoy-uan kow to Lagboy no Igbuyag tanow no si Hisu Kristu.

Kulusas 1:2

Ka soini no sulat, igpaalap noy dio to lunsud to Kulusas dio to kaniu no mgo sulod noy to pogtuu woy masalig ka goinawa now ki Kristu. Ogbuyuon noy ka Amoy ta no ka Magboboot oyow ogkohoy-uan kow woy to oyow ogkabogayan kow rin to maawang no pog-ugpo now.

Kulusas 3:12

Nò mgo sulod, pig-alam kow to Magboboot woy nohimu kow on no mgo sakup din su dakol ka goinawa rin kanta. Sikan ian no og-awoson no oghalinon ta ka mgo batasan ta to maroyow. Ogkohoy-uan ta ka duma ta woy kono kid ogparakoldakol. Og-awoson to oyow ogmoungangon ki woy kono kid magaan ogkabolu to duma ta.

Kulusas 3:15

Woy to tibo no oghimuon ta, og-awoson to ogtuuran ta oyow ka maawang no goinawa ta no ogligkat ki Kristu, ogdakol dio to goinawa ta. Ian su ka tuud to nohimu ki no lawa rin su oyow ogkasagboka on ka goinawa ta. Woy ungod ta ogpasalamati ka Magboboot.

1 Tisalunika 1:1

Ka soini no sulat, ogligkat kanami no si Pablo, woy si Silas woy si Timoteo no igpaalap noy kaniu no taga Tisalunika no nohimu on no sakup to Magboboot no ian Amoy ta woy sakup dod ni Hisu Kristu no Lagboy no Igbuyag ta. Ogbuyu koy to oyow ogkohoy-uan kow to Magboboot woy si Hisu Kristu no ian Lagboy no Igbuyag ta woy ogbuyu a to oyow ogbogayan kow ran to maawang no goinawa now.

1 Tisalunika 1:3

ko og-ampu koy to Magboboot no ian Amoy ta, su kono noy ogkalingawan to oghingaranan ka maroyow no oghimuon now no ogligkat to pogtuu now ki Hisu Kristu. Woy ognangon koy ka ogpoomotan now ka sikan no oghimuon now su ligkat to dakol so goinawa now kandin. Iglagkos, ignangon noy to og-aguantoon now ka igkabaybayari now su dakol ka pog-iman-iman now kandin no ian Lagboy no Igbuyag ta no si Hisu Kristu.

1 Tisalunika 1:4

Mgo sulod noy no indakoli to goinawa to Magboboot, tibo sikan ka igkasayo noy su nataga koy to pig-alam kow rin oyow ogkohimu kow on no sakup din.

1 Tisalunika 4:7

Ian su, ko nig-abin ki to Magboboot, noiniat sikandin to oyow ogmaroyow tibo ka batasan ta. Kono din ogkoiniat ko ogmaroot do ka mgo batasan ta.

1 Tisalunika 5:28

Woy ogbuyu a to Magboboot to oyow ungod kow ogkohoy-uan to Lagboy no Igbuyag ta no si Hisu Kristu.

2 Tisalunika 1:2

Ogbuyu koy to oyow ogkohoy-uan kow to Magboboot no ian Amoy tanow woy to oyow songo ogkohoy-uan kow ni Hisu Kristu no Lagboy no Igbuyag ta. Maroyow ko ogbogayan kow ran to maawang no goinawa now.

2 Tisalunika 3:16

Ka Lagboy no Igbuyag ta ka ogligkatan to maawang no goinawa ta, no ogbuyu koy to oyow, agad nokoy ka ogkabayaan now, ungod kow rin ogbogayan to sikan no maawang no goinawa now, woy to oyow layun kow rin ogdumaan.

2 Tisalunika 3:18

Ogbuyu a to oyow ogkohoy-uan kow tibo to Lagboy no Igbuyag ta no si Hisu Kristu.

1 Timoteo 1:2

Igpaalap ku sikoykow, Timoteo, no ogkounawa ka to lagboy no anak ku to pogtuu ki Hisus. Ogbuyu a to Magboboot no Amoy ta woy si Hisu Kristu no Lagboy no Igbuyag ta oyow ogbuligan woy ogkohoy-uan ka woy to oyow ogbogayan ka ran to maawang no goinawa now.

1 Timoteo 6:2

Ko nigtuu ki Hisus ka tagtuun kandan, og-awoson to kono dan ogmalintokon ka pogtahud dan to tagtuun kandan ko ligkat to nataga to sikan, di og-awoson no ogdakolon dan atag ka talabau ran to tagtuun kandan su ka songo nigtuu ka ogbuligan dan no dakol so goinawa to Magboboot kandan. Ka soini no ignangon ku koykow, songo ig-anad nu woy igpasabut nu to mgo otow no nigtuu.

2 Timoteo 1:2

Igpaalap ku koykow, Timoteo, ka soini no sulat ku. No indakoli ku sikoykow to goinawa ku su nounawa ka to tu-tuu ka ian no anak ku. Ogbuyu a to Magboboot no Amoy woy si Hisu Kristu no ian Lagboy no Igbuyag ta oyow ogbuligan ka woy ogkohoy-uan ka, woy to oyow ogbogayan ka ran to maawang no goinawa nu.

2 Timoteo 4:22

Ogbuyu a to ogdumaan ka to Lagboy no Igbuyag ta woy to ogkohoy-uan ka nikandin.

Titu 1:4

Ogsulatan ku sikoykow, Titu no ogkounawa ka to tu-tuu ka ian no anak ku to pogtuu tanow. No ogbuyu a to oyow ogkohoy-uan ka to Magboboot no Amoy tanow woy si Hisu Kristu no ian Talagpangabang kanta. Woy songo ogbuyu a ran to oyow ogbogayan ka to maawang no goinawa nu.

Pilimun 1:25

Ogbuyu a to oyow ogkohoy-uan kow to Lagboy no Igbuyag ta no si Hisu Kristu.

Pilimun 1:3

Pilimun, ogbuyu a to Magboboot no Amoy ta woy ki Hisu Kristu no Lagboy no Igbuyag ta oyow ogkohoy-uan ka woy ogbogayan ka ran to maawang no goinawa.

Santiago 1:1

Sikanak no si Santiago, suguanon a to Magboboot woy to Lagboy no Igbuyag ta no si Hisu Kristu. No ogpangumustoon ku sikaniu no ogtuu no nokogsuwoysuwoy dio to agad hondoi no ugpaan.

1 Pedro 1:15

Di og-awoson to waro maroot no ogpakaamut to batasan ta unawa to songo waro solug no maroot dio to batasan to Magboboot no nig-abin kanta.

1 Huan 3:1

Doromdoma now ka dakol no pogkohoy-u to Magboboot kanta su oghingaranan ki to mgo anak to Magboboot, no tu-tuu ian to nohimu kid on no anak din. Di ka mgo otow to soini no kalibutan no waro nigtuu, kono ogtokod to sikanta ka anak din su songo waro nigtokod ki Hisus.

2 Huan 1:3

Ogbuyu a to Magboboot no Amoy ta woy ki Hisu Kristu no ian Anak din oyow ogbuligan ki woy ogkohoy-uan ki woy ogbogayan ki to maawang no goinawa no ogligkat to oggongonan ta ka tu-tuu ian no nangnangonon, woy ogligkat dod to dakol no goinawa ran kanta.

Impapitow 2:1

Nigkagi man do sikandin to, “Sulati nu ka suguanon to Magboboot no ogtanudtanud to mgo nigtuu no dio to Ipisu. No soini ka igsulat nu, “Ka soini no ignangon ku, nigligkat kanak no oggongon to sikan no papitu no mgo bituon kai to kawanan no bolad ku. Woy sikanak dod ka oghihipanow dio to taliwaro to sikan no papitu no bulawan no sabukanan to mgo ilawan.

Impapitow 2:12

Woy kagi rin man do to, “Sulati nu ka sikan no suguanon ku no ogtanudtanud to mgo nigtuu no dio to lunsud to Pirgamu. No soini ka igsulat nu, ‘Ka soini no kagi, ogligkat kanak no oggongon to malayat woy maligdus no balarow no daruwa ka galang.

Impapitow 2:18

No kagi rin man do to, “Sulati nu ka sikan no suguanon ku no ogtanudtanud to mgo nigtuu no dio to lunsud to Tiatira. No soini ka igsulat nu, ‘Ka soini no kagi, ogligkat kanak no ian Anak to Magboboot. Ka mgo mata ku, ogkounawa to layag to hapuy. No ka mgo paa ku, ogkounawa to nalaslasan on no burunsi.

Impapitow 2:29

Tag sagboka kaniu, ko duon talinga now, og-awoson now no ogpamminog kow to ignangon to Gimukud to Magboboot dio to mgo otow no nigtuu kandin.”

Impapitow 2:8

Kagi rin to, “Songo isulat nu ka soini no ipaalap nu dio to suguanon to Magboboot no ogtanudtanud to mgo otow no nigtuu to Magboboot no dio to lunsud to Ismirna. No soini ka igsulat nu, ‘Sikanak ka kabinunsuran woy ka katamanan. Namatoy ad nokani no nouyag ad on taman to waro katamanan.

Impapitow 22:21

Nò, ogbuyu a to Lagboy no Igbuyag ta no si Hisus to oyow ogkohoy-uan kow rin tibo no nigtuu to Magboboot.

Impapitow 3:14

Nigkagi man do sikandin to, “Isulat nu ka soini no igpaalap nu dio to sikan no suguanon ku no ogtanudtanud to mgo otow no nigtuu to Magboboot no dio to lunsud to Laodisia. Soini ka kagi no igsulat nu, ‘Ka soini no kagi, ogligkat kanak no oghingaranan to Talagmalogot. Woy sikanak dod ka ogkasaligan woy tu-tuu ian ka igmalogot ku. Woy sikanak ka impohimu to Magboboot to tibo to soini no kalibutan woy ka dio to langit.

Impapitow 3:22

Tag sagboka kaniu, ko duon talinga now, og-awoson now no ogpamminog kow to soini no ignangon to Gimukud to Magboboot dio to mgo nigtuu kandin.’ ”

Impapitow 3:7

Nigkagi man do sikandin to, “Isulat nu ka soini no igpaalap nu dio to sikan no suguanon ku no ogtanudtanud to mgo nigtuu no dio to lunsud to Piladilpia. Soini ka igsulat nu, ‘Ka soini no mgo kagi, ogligkat kanak no matuwarong woy ogkasaligan. Sikanak ka nakapurut to sikan no katondanan no dio dongan ki Dabid. Ko duon ogpulasan ku no gumawan, kono ogkalokoban to agad hontow. Woy ko duon gumawan no oglokoban ku, songo waro otow no ogpakapulas.