Pilipus 4:13 - Manobo Ata

¹³ Agad nokoy ka ogkabayaan ku su ogbogayan a ni Hisu Kristu to kanokalan ku no ogligkat to kabogbogan din.

Pilipus 4:13 Iomraidhean Croise

Matiu 14:29

“Hondini ka,” kagi ni Hisus. Niglibuwas si Pedro ligkat to balutu no nigbunsud nighipanow on to laplap to woig pohondio ki Hisus.

Huan 15:7

Ko ogpalinggalat kow dii to koddi woy oggongonan now ka koddi no kinagian, ogpakapamuyu kow to agad nokoy woy ogkatinawo now no ogbogayan kow to Magboboot.

Episu 3:16

Ogbuyu a to Magboboot oyow ligkat to dakol no kabogbogan din, ogkohogot on ka pogtuu now ki Hisu Kristu su ligkat to Gimukud to Magboboot no ogbulig to goinawa now.

Episu 6:10

Nò, mgo sulod, soini naan do ka ignangon ku kaniu. Hogoti now ka pogtuu now to Lagboy no Igbuyag ta woy dakola now ka pogsalig now to dakol no kabogbogan din.

Kulusas 1:11

Woy og-ampuan noy sikaniu oyow ogmanokal ka goinawa now no ogligkat to ogkabogayan kow to sikan no kabogbogan no ogligkat to dakol no kabogbogan to Magboboot. Ka tuud to sikan, oyow ogkaaguanta now ro ka tibo no mgo igkohirapi now no warad ogkaroromdom now no maroot. Di ogkarago kow nasi.

1 Timoteo 1:12

Ogsayoon ku si Hisu Kristu no Lagboy no Igbuyag ta no nigbogoy kanak to dayagang to oyow ogpakatood a no oghimu to soini no insugu din. Ian su nigdoromdom sikandin to litos a rin no ogkasaligan, no sikan ian to nighimu a rin no suguanon din.