Pilipus 2:6 - Manobo Ata

⁶ Ian su agad to Magboboot dod si Hisus woy nig-uunawa ka kabogbogan dan, nigbalagad din ko kono ogpokog-unawa ka katondanan din to katikangan to katondanan to Amoy rin no ian Magboboot.

Pilipus 2:6 Iomraidhean Croise

Matiu 1:23

“Ogkaboros ka sagboka no dalaga no waro pad magongoni to lukos. Og-anak sikandin to bato no lukos no soini no bato oghingaranan ki Imanwil no ka kalitukan to ngaran din ‘Nig-amut kanta ka Magboboot.’”

Huan 1:18

Waro otow no nakakita to Magboboot. Agad sagboka, waro. Ka bugtung no Anak to Magboboot no sikandin ka layun dio to longod to Amoy rin no nokog-unawa ka goinawa ran, kandin ka nighitaga kanta bahin to Magboboot.

Huan 10:30

Sikanami to Amoy ku woy sikoddi, sagboka koy ro.” Ian ka kagi ni Hisus.

Huan 10:33

Nigtabak ka mgo Hudiu no kagi ran, “Ka mgo nighimu nu kono ian ogbatuon ka. Ka tuud noy, ian su nigsumpalit nud ka Magboboot. Otow ka ro porom. Manio to ogpogsokod ka to Magboboot?”

Huan 10:38

Di ko oghimuon ku ka insugu koddi, agad kona a now ogtuuan, tuu kow to sikan no oghimuon ku oyow ogkataga kow woy ogpakasabut kow on to duon kai to koddi ka Amoy ku woy duon a dio to Amoy ku.”

Huan 14:28

Nigdinog now ka kagi ku to oghipanow a pad di oglibong a ro kai to kaniu. Ko duon goinawa now koddi, ogkarago kow on porom su dio a ogdatong to Amoy ku no labow pad sikandin koddi

Huan 14:9

Nig-inso ni Hisus kandin, “Pilipi, nalugoy ad kai to kaniu no wara a now pad matagoi? Sikan no otow no nigkita koddi songo nakakita to Magboboot no Amoy ku. Manio to sikan pad atag ka kagi nu to, ‘Ipapitow nu ka Amoy nu?’ ”

Huan 17:5

Nò, kuntoon, Amo, ipalibong nu ka kabogbogan ku dio to tangkaan nu kuntoon. Sikan ka kabogbogan ku no dia a pad to longod nu woy nohimu ka soin no kalibutan.”

Huan 20:28

Nigtabak si Tomas no kagi rin, “Lagboy no Igbuyag ku woy ka Magboboot ku.”

Huan 5:18

Bahin to soini duon bantaan to mgo igbuyag to mgo Hudiu to goinawa ran to ogkamatoy si Hisus su kono ogpaagad-agad to Balaod dan to Allow ran to Oghimoloy. Kono no sikan do ka igbayung dan kandin; duon dod ka pignangon din to Amoy rin ka Magboboot; pigpagsokod sikandin to Magboboot su nig-iling no Amoy rin ka Magboboot.

Huan 5:23

oyow songo ogsayoon a to mgo otow no ogkounawa to ogsayoon dan ka Magboboot no Amoy. Sikan no otow no kona a no Anak din ogsayoon, songo kono din ogsayoon ka Amoy ku no nigsugu koddi.”

Ruma 9:5

No ka sikan no mgo Hudiu, pinanganak dod sikandan to mgo kaap-apuan noy. No ko tongod to pogkootow ni Hisus kai to tano, sikandin ka oghingaranan ta ki Kristu no ian Im-imanan to mgo Koot-otawan. Woy pinanganak dod si Hisus to mgo kaap-apuan dan. Ka Magboboot no oglabow to tibo, ogsayoon ta to waro katamanan.

2 Kurintu 4:4

Ian su kono ogtuu sikandan su si Satanas no ian ogboboot to mgo otow no waro nigtuu kai to soini no kalibutan, nig-akoban din ka goinawa ran oyow kono ogkabat-awan sikandan to sikan no Maroyow no Nangnangonon tongod to karoyawon ni Hisu Kristu. No sikandin, ian ogpokog-unawa lagboy to Magboboot.

2 Kurintu 8:9

Nataga kow, mgo sulod, to dakol ka igkohoy-u to Lagboy to Igbuyag ta no si Hisu Kristu, su agad to datu lagboy sikandin dio to Langit di ko nighondiid on to tano, nohimu on no publi. No ka tuud to sikan to oyow ligkat to kandin no ingkapubli, ogkohimu kinow on no datu to pogtuu ta.

1 Timoteo 1:17

Ungod ta ogsayoon woy ogtahuron ka Magboboot. Sagboka ro sikandin no Magboboot no ian Lagboy no Igbuyag ta woy waro katamanan to pogsugu din. Kono ogkakitaan sikandin woy songo kono ogkamatoy.

1 Timoteo 3:16

su tibo kinow nataga to maroyow lagboy ka impohitaga to Magboboot kanta tongod to soini no tu-tuu ian no tinuuan ta to: Nigpokootow si Hisu Kristu no nigligkat dio to Magboboot. Woy immalogot to Gimukud to Magboboot to maroyow on ian si Hisu Kristu. Nakitaan si Hisus to mgo diwata to Magboboot. Woy innangonnangon on sikandin dio to mgo otow no kono no Hudiu. Woy duon on mgo otow no nigtuu on kandin kai to tano. Woy nigbatun on sikandin dio to langit.

Titu 2:13

Ian su ogtatagad ki to sikan no allow no og-im-imanan ta woy igkarago ta no ogkakitaan on ka karoyawi to Magboboot no ian mabogbog woy ki Hisu Kristu no ian Talagpangabang kanta.

Hibriu 1:3

Ka tibo no karoyawan to Magboboot, duon to Anak din, no ogsosokod lagboy ka goinawa ran. Oggongonan to Anak din ka kalibutan woy ka langit su ligkat to kabogbogan to kagi rin. Ko nigpakimatoy to lawa rin oyow ogkaawo on ka mgo salo ta oyow ogmalinis on ka goinawa ta, nig-uli dio to langit no nigpinpinnuu on dio to kawanan to Magboboot no ian mabogbog.

Hibriu 1:6

No ko ogkatuman on ka allow to Magboboot no magaan din on igpohondini ka panganoy no Anak din kai to soini no kalibutan, duon dangob no kagi rin tongod to Anak din to, “Og-awoson to ogsayoon sikandin to tibo no mgo diwata no suguanon ku.”

Hibriu 1:8

Di tongod to Anak din, soini atag ka innangon to Magboboot. Kagi, “Taman to waro katamanan, Magboboot, waro katamanan to pogpangatondanan nu. Woy ogkaayun lagboy ka pog-alap nu to sikan no katondanan nu.

Hibriu 13:8

Si Hisu Kristu, waro pogkahalin din ligkat pad dongan woy kuntoon woy taman to taman.

Impapitow 21:6

Woy kagi rin kanak to, “Napongaan on ka tibo. Sikanak ka an-anayan woy ka mohurian. Woy sikanak dod ka kabinunsuran woy ka katamanan to tibo. Ko duon agad hontow no ogkammaraan, ogpoinumon ku sikandin to woig no waro bayad no ogligkat to sobsob no ogpakabogoy to kouyagan no waro katamanan.