Pilipus 1:7 - Manobo Ata

⁷ Litos ian to soini ka ogkaroromdom ku kaniu, su agad napirisu a woy ko waro a mapirisu, ko igpamalogot ku to Maroyow no Nangnangonon woy ogtabakan ku ka mgo otow no kono ogkoiniat to kinagian to Magboboot, duon kow ungod to taliwaro to goinawa ku su nalagkosan kow tibo to pogkohoy-u rin kanak.

Pilipus 1:7 Iomraidhean Croise

Hinimuan 20:23

Di soini ro ka natagaan ku su, dio to agad hondoi no lunsud no ogsagpitan ku, duon igpohitaga to Gimukud to Magboboot kanak to ogkapirisu ad on dio to Hirusalim woy to duon ogkabayaan ku no mgo igkabaybayari.

Hinimuan 21:33

No nigdulug ka igbuyag to sundalu dio ki Pablo no pigdakop din on. Nigpabanggutan din on si Pablo to daruwa no karina. Pogkaponga, nig–inso ka kapitan ko hontow ka ngaran din woy ko nokoy ka salo din.

1 Kurintu 13:7

Woy ogbalagaron din ko duon igmasakit to goinawa rin. Ogsaligan din ka duma rin, woy layun og-iman-iman to maroyow no oghimuon to duma rin, woy ogpakapoponod to tibo no mgo igkabaybayari din.

1 Kurintu 9:23

Sikan ian ka oghimuon ku oyow mohon-ing on ka ogtuu to sikan no Maroyow no Nangnangonon tongod ki Hisus woy to oyow songo ogkatalaran a to karoyawon no ogligkat to sikan ian no nangnangonon.

2 Kurintu 3:2

Ian su sikaniu ka igmalogot no sulat noy su ogkounawa to ka katondanan noy, dio insulat to goinawa now. No ka sikan, igpabasa woy igpatokod dio to agad hondoi no otow to litos ka in-anad noy kaniu.

2 Kurintu 7:3

Ka sikan no innangon ku, kono no ig-ogot ku kaniu, su unawa to innangon ku ganna kaniu, kai kow ian to taliwaro to goinawa noy. No agad ko ogkamatoy ki woy ko manokal ki rod, ungod ki ogmarakdakoloy to goinawa.

Galasia 5:6

Ian su ko nasagboka kid on ki Hisus, agad ko natuli ki woy ko waro ki natuli, ogpokog-un-unawa kinow ro dio to tangkaan to Magboboot su ian do duon pulus to Magboboot ko dakol ka goinawa ta to duma ta no ogligkat to pogtuu ta ki Hisu Kristu.

Episu 3:1

Sikan ian, sikanak no si Pablo, ungod ku ig-ampu to Magboboot sikaniu. No napirisu a su ligkat to pogtuman ku to igpohimu ni Hisu Kristu kaniu no kono no mgo Hudiu.

Episu 4:1

Sikan ian, mgo sulod, sikanak no napirisu su ligkat to pogtuman ku to sugu to Lagboy no Igbuyag ta no si Hisus, ogbuyu a kaniu to oyow og-ay-ayaran now ka mgo batasan now oyow oglitos to nohimu kow on no mgo sakup to Magboboot.

Episu 6:20

No ian to nohimu a no suguanon ni Hisu Kristu su oyow ignangonnangon ku ka soini no Maroyow no Nangnangonon. No ligkat dod to soini no nangnangonon, napirisu ad on. Sikan ian mgo sulod, ampui a now ro to oyow kono a ogkahallok to ognangonnangon to soini no nangnangonon su sikan ian ka katondanan no imbogoy to Magboboot kanak.

Pilipus 1:12

Mgo sulod, ogkoiniatan ku to oyow ogkatagaan now to, ka soini no igkabaybayari ku, nakabulig to pogkatangkap to soini no Maroyow no Nangnangonon

Pilipus 1:13

su ligkat to pogkapirisu ku, ka tibo no mgo sundalu no ian talagbantoy to baloy to lagboy no igbuyag dio to ugpaanan to Ruma, lagkos to tibo no duma no mgo otow kai, nataga to ian ligkatan to pogkapirisu ku su suguanon a ni Kristu.

Pilipus 1:14

Woy ligkat dod to pogkapirisu ku, mohon-ing ka sulod ta to pogtuu no, nigdakol ka pogsalig dan to Lagboy no Igbuyag ta no konad on ogkahallok sikandan no ognangonnangon to kinagian to Magboboot.

Pilipus 1:5

su ogkaroromdom ku ka pogbulig now kanak no nig-anad a to mgo otow to Maroyow no Nangnangonon tongod ki Hisu Kristu ligkat to kabinunsuran to pogtuu now kandin taman kuntoon.

Pilipus 2:22

Di si Timoteo atag, natagaan now tahan to maroyow ka batasan din su nounawa sikandin ko lagboy no anak ku su nigbuligan a rin to og-alap-alap to soini no Maroyow no Nangnangonon.

Pilipus 4:14

Di maroyow ian lagboy to nigbuligan a now to soini no mgo igkabaybayari ku,

Pilipus 4:15

su nataga kow to, nokani no nig-awo ad dio to kaniu to probinsia to Masidonia no iam ku pad nangnangoni sikaniu to soini no Maroyow no Nangnangonon tongod ki Hisus, sikaniu ro no mgo matig Pilipus no nigtuu kandin ka nigbulig woy nigbogoy kanak to og-awoson ku.

Pilipus 4:3

No sikoykow no duma ku to pognangonnangon to kinagian to Magboboot no duon to lunsud to Pilipus, songo ogbuyu a koykow to oyow ogbuligan nu ka soini no daruwa no mgo boi oyow ogsagbokoon dan do ka goinawa ran su sikandan, nigbulig kanak to ognangonnangon to Maroyow no Nangnangonon tongod ki Hisu Kristu. Agad si Kiliminti woy ka mgo duma ku, duma ran dod to pogbulig dan kanak to pog-anad ku to kinagian to Magboboot. No ingkasulat on tibo ka mgo ngaran dan dio to sulatanan to Magboboot to mgo ngaran to mgo otow no ogbogayan on to kouyagan no waro katamanan.

Kulusas 4:18

Kuntoon, sikanak no si Pablo, og-opusan ku ka soini no sulat ku to kanak lagboy no bolad. Ogpangumusta a kaniu. Kono a now kalingawi to napirisu a. Nò. Ogbuyu a to oyow ogkohoy-uan kow on to Magboboot.

Kulusas 4:3

I-ampu koy ro to Magboboot oyow ogkabogayan koy to igliwak noy oyow ogpakatood koy no ignangonnangon noy ka dongan no waro pad ipohitaga tongod ki Hisu Kristu. No sikan ian to soini ad to pirisuan su nig-alap-alap a to sikan no nangnangonon.

1 Tisalunika 5:5

su tibo kow, mgo anak to kaawangan no og-ugpo kid to kaallawan no kono kid on to karusiloman woy ko doloman.

2 Timoteo 1:8

Sikan ian, kono ka ogkasipod to og-anad to nangnangonon tongod to Lagboy no Igbuyag ta no si Hisus. Woy songo kono ka ogkasipod no ogtokod kanak to napirisu a su ligkat to pogtuu ku ki Hisus. Di atag, ligkat to kabogbogan no igbogoy to Magboboot kanta, songo aguantaa nu ro ka koykow no talad to soini no igkabaybayari ta no ogligkat to pog-alap-alap ta to soini no Maroyow no nangnangonon tongod ki Hisus.

2 Timoteo 2:9

Sikan ian to kai a to pirisuan no noiling ad on to makasasalo no nohikotan to karina. Dokad di to waro ogpakaatang to kinagian to Magboboot.

Pilimun 1:13

Oggalaton ku pad poron kai to kanak oyow ogbuligan a pad no ogliwan koykow ko makatood ka poron no ogbulig kanak tagood to napirisu a no ogligkat to pog-alap-alap ku to soini no Maroyow no Nangnangonon tongod ki Hisus.

Hibriu 3:1

Nò mgo sulod ku to pogtuu no songo nig-abin to Magboboot oyow ogpokougpo kinow dio to kandin uromo dio to langit, ogdoromdomon ta si Hisus no pigsugu to Magboboot kai to kanta woy nohimu on no Labow to mgo Talagpanubad to soini no pogtuu no og-abinon ta.

1 Pedro 4:13

Di ogtukow ki ro nasi su nakalagkos kid on to igkabaybayari no nig-aguanta ni Kristu. No ligkat to sikan, uromo, ogkarago kinow lagboy to ogkapayag on ka karoyawan ni Hisu Kristu to poglibong din kai to kalibutan.

1 Pedro 5:1

Sikaniu no mgo pogbuyagon to mgo nigtuu no sakup to Magboboot, duon ig-udling ku kaniu su songo pogbuyagon a rod to mgo nigtuu woy nakakita a to mgo igkabaybayari ni Kristu. Woy songo ogpakalagkos a rod kaniu no ogkatalaran ki to karoyawan din to igkapayag sikandin uromo to poglibong din kai to tano.

2 Pedro 1:13

Ian su, tagood to kai a pad to soini no kalibutan, maroyow no igparinog ku kaniu ka sikan oyow kono now ogkalingawan.

1 Huan 3:14

Nokani no waro ki pad nigtuu ki Hisus, nounawa ki pad to mgo nammatoy su waro pad pogkouyag ta no ogligkat to Magboboot. Di kuntoon, ogkataga ki to duon on ka pogkouyag ta no ogligkat to Magboboot su duon goinawa ta to duma ta. Ka otow no waro goinawa to duma rin, waro pogkouyag din no ogligkat to Magboboot.