Pilipus 1:30 - Manobo Ata

³⁰ No kuntoon, nohimu kow on no duma ku to pog-aguanta to igkabaybayari ku no nigkita now dii to kanak nokani woy songo ogdinogon now no ogkaaguanta ku kuntoon.

Pilipus 1:30 Iomraidhean Croise

Huan 16:33

“Nignangonan kow to soini oyow duon maroyow no goinawa now pinabayo to pogkasagboka kow ro koddi. Ogbaybayaran kow to mgo otow no wa nigtuu kai to soin no kalibutan. Di kono kow ogkahallok su naroog kud ka tibo no maroot kai to soin no kalibutan.”

Pilipus 1:13

su ligkat to pogkapirisu ku, ka tibo no mgo sundalu no ian talagbantoy to baloy to lagboy no igbuyag dio to ugpaanan to Ruma, lagkos to tibo no duma no mgo otow kai, nataga to ian ligkatan to pogkapirisu ku su suguanon a ni Kristu.

Kulusas 1:29

Sikan ian to ogpoomotan ku ka igpohimu rin kanak su ligkat to dayagang no imbogoy rin kanak no ogligkat to dakol no kabogbogan din.

Kulusas 2:1

Ian to ognangonan ku sikaniu to soini, su ogkoiniatan ku to oyow ogkataga kow to ogpoomotan kud on ian ka soini no oghimuon ku kaniu, woy ka igbulig ku to mgo otow no nigtuu no dio to lunsud to Laodisia, woy ka dio to agad hondoi no ugpaan no songo waro pad makatilala kanak.

1 Tisalunika 2:2

su nataga kow no dio koy to lunsud to Pilipus, to nabaybayaran koy woy nigpasiporan koy to mgo otow no waro nigtuu. Dokad di, agad to mohon-ing ka mgo otow no nig-atu kanami, nigbootan koy to Magboboot to pinauwang noy ka Maroyow no Nangnangonon no ogligkat kandin.

1 Timoteo 6:12

Poomoti nu ka pogtuman nu to tibo no insalig koykow tongod to pogtuu nu oyow ogkapurut nu ka igsayo koykow no kouyagan no waro katamanan. Sikan ian ka tuud to Magboboot koykow no pig-abin ka rin no nignangon ka to sikan no maroyow no pognangonnangon nu to pogtuu nu no dio ka to tangkaan to mohon-ing no mgo otow no ian nigpamalogot to kagi nu.

2 Timoteo 4:7

No ian ku nounawaan ka otow no ogpallaguy no ogpaag-agapoy no ogpokouma on to katamanan su nigpoomotan ku ka pogtuman ku to tibo no insugu to Magboboot kanak no nig-unugan ku lagboy ka tu-tuu ian no tinuuan.

Hibriu 12:1

Sikantanow, ogkoiling to nataliwaro ki to sikan no nalimudlimud no mohon-ing no mgo nigtuu dongan no ogbabantoy kanta. Nò, su ian ian, og-awoson to og-awoon ta ka tibo no ogpakabalabag to dalan ta dio to Magboboot woy og-ongkoran ta ka mgo salo ta no nakabanggut to goinawa ta. No ogpoomot ki to ogpallaguy to tu-tuu ian no dalan.

Hibriu 12:4

Ian su tongod to pog-atu now to salo, waro kow pad nakaatu taman to ogkamatoy kow.

Impapitow 12:11

No ian to naroog dan si Satanas su ogligkat to nalipuwasan sikandan to langosa ni Hisus no oghingaranan to Nati to Karniru woy su ogligkat to kagi ran no igmalogot to pogtuu ran. Ian su agad ko oghimatayan sikandan, waro dan man ongkori ka pogtuu ran.