Pilipus 1:25 - Manobo Ata

²⁵ No su nataga a to sikan, songo nataga a to kono a pad ogkamatoy di ogpokougpo a pad kai to tano oyow ogkaanad ku pad sikaniu oyow ogdakol pad ka pogtuu now ki Hisu Kristu oyow ogkatimulan pad ka igkarago now no ogligkat to pogtuu now.

Pilipus 1:25 Iomraidhean Croise

Lukas 22:32

Di nig-ampuan ku sikoykow, Pedro, oyow kono ogkaroog ka pogtuu nu koddi,” kagi ni Hisus, “woy ko ogpokolibong kad dini to koddi to malogot no dalan, hogota nu ka pogtuu to mgo duma nu.”

Hinimuan 11:23

No to pogkouma rin dio to Antiokia, lagboy no narago su pigkita rin on to nohoy–uan to Magboboot sikandan. No nig–os–osonan din sikandan to oyow ogkohogot dan ka pogtuu ran to Lagboy no Igbuyag ta no si Hisus oyow agad ogkoomonu, ogmasalig ka pogtuu ran.

Hinimuan 14:22

No nig–os–osonan dan ka goinawa to mgo otow no nigtuu ki Hisus woy nigtalosonan dan sikandan to, “Kono now lokoi ka pogtuu now ki Hisus.” Woy nignangonnangon kandan to, “Woy kid ogpakasolod to pandatuan to Magboboot ko og–aguantoon ta pad ka mohon–ing no igkabaybayari ta.

Hinimuan 20:25

No kuntoon, duon ignangon ku kaniu tibo no malasi ku nanangoni tongod to pandatuan to Magboboot, to natagaan kud on to kono kid on ogpokogkita su kono ad ogpakalibong kai.

Ruma 15:13

Ka Magboboot no ian ligkatan to ogpokoiman-iman ki to karoyawon, sikandin ka ogbuyuon ku to oyow ogbogayan kow rin to dakol no igkarago now woy to maawang no goinawa now to duma now no ogligkat to pogtuu now kandin. No ian to oyow, ligkat to kabogbogan to Gimukud to Magboboot, ogkohogot on ka pog-iman-iman now to sikan no igkabogoy to Magboboot kaniu.

Ruma 15:18

Di kono a oglangub ognangonnangon to agad nokoy ko kono no ka impohimu ni Hisu Kristu kanak to oyow ka mgo otow no kono no Hudiu, ogkohimu no ogpaagad-agad on to Magboboot. No nohimu ka sikan su ligkat to impanangon ni Hisus kanak, woy ligkat dod to impohimu rin kanak.

Ruma 15:29

No nataga a, ko ogpokouma ad on dio to kaniu, dakol ka pogkohoy-u no igkabogoy ni Hisu Kristu kanta no ogligkat to pogtuu ta.

Ruma 5:2

Si Hisus ka nighimu to dalan ta. No kuntoon, su nigtuu kinow on kandin, nohoy-uan kinow on. No ogkarago kinow su og-iman-iman ki to uromo, ogpakalagkos ki to karoyawon to Magboboot no dio kid on to kandin.

2 Kurintu 1:24

Kono no tuud noy to ogboot to pogtuu now su nataga koy to nohogot on ka pogtuu now. Di ian goinawa noy atag ko ogpakabulig koy kaniu oyow ogkarago kow.

Pilipus 2:24

Woy dakol ka pogsalig ku to Lagboy no Igbuyag ta to igbogoy rin kanak to oyow magaan a ogpakapanumbaloy dio to kaniu.

Pilimun 1:22

Woy duon pad dangob no ogbuyuon ku koykow. Ogpanagana kow to oghibatan ku su og-iman-iman a to ogtabakon to Magboboot ka pog-ampu now kanak to oyow ogpakalibuwas a kai to pirisuan no ogpakatood a no ogpanumbaloy dio to kaniu.

1 Pedro 1:8

Agad to waro kow makakita ki Hisus, di dakol ka goinawa now kandin. No agad kono kow pad kuntoon ogpakakita kandin, nigtuu kow rod kandin. Sikan ian no ogkarago kow to dakol lagboy no igkarago no kono ogkalituk.