Pilipus 1:10 - Manobo Ata

¹⁰ ko nokoy ka madmaroyow no oghimuon now. Ko ogkatuman ka sikan, ogkohimu no waro igkoogot kaniu woy to maroyow kow on ian to tangkaan to Magboboot to poglibong uromo ni Kristu kai to tano.

Pilipus 1:10 Iomraidhean Croise

Matiu 16:23

Nigtangko si Hisus ki Pedro no kagi rin ki Pedro to, “Awo ka kai to longod ku. Ogkounawa ka kagi nu to kagi ni Satanas no ogpakabalabag to koddi no dalan su, waro mogpuun to Magboboot ka pogdoromdom nu; nigpuun do to goinawa to mgo kootawan.”

Matiu 26:33

Pogkarinog ni Pedro to kagi ni Hisus, nignangon sikandin to, “Agad og-ongkoran to tibo no mgo duma ku, sikoddi atag, kona a og-ongkod koykow.”

Huan 1:47

Pogkita ni Hisus ki Natanial, nigkagi si Hisus bahin kandin to, “Pitow kow! Soini ka sagboka no taga Israil no kono ki ogpakasawoy to batasan din, mgo kagi rin.”

Huan 3:20

Sikan su sikan no otow no oghimu to maroot, agad nokoy no kalasi, maroot din ka igbat-ow. Kono din ogkoiniatan to ogkabat-awan su kono no gustu rin to ogkitoon ka mgo oghimuon din no maroot.

Hinimuan 24:16

Sikan ian to og–ay–ayaron ku ka mgo batasan ku su oyow ogmaawang ka goinawa ku dio to tangkaan to Magboboot woy ka mgo otow.”

Ruma 12:2

Kono kow og-unug to mgo batasan to mgo otow no kono ogtuu no kai to kalibutan. Di atag, bogayi now ka Magboboot to oyow ogkahalin on ka goinawa now ligkat to ungod ogkoiam on ka mgo doromdom now. No ian su oyow ogpakasabut kow on ko nokoy ka ogkoiniatan to Magboboot, no ian ka maroyow no batasan no ogkoiniatan din no kono ogkaalang-alang.

Ruma 12:9

Og-awoson to tu-tuu ian to dakol ka goinawa ta to duma ta. Og-awoson ta no og-iniugan ta ka agad nokoy no batasan no maroot, di oggongonan ta ka tibo no batasan no maroyow.

Ruma 16:17

Mgo sulod, ogparoromdom ku sikaniu to oyow ogdoroyow kow. Indani now ko hondoi longod no mgo otow ka oghimu to samuk woy ka ogpasuwoy to pogtuu to duma ran, woy ka og-atu to tu-tuu ian no nangnangonon no ingkaanad kaniu. Kono kow ogdumaruma to sikan no mgo otow,

Ruma 2:18

Nataga kow to mgo koiniatan to Magboboot woy nataga kow rod ko nokoy ka litos no oghimuon now su naanad kow to Balaod din no impasulat din ki Moisis.

Ruma 7:16

Nò, ogtokoron ta to og-uyun a to maroyow man ka Balaod to Magboboot su kono ku ogkoiniatan ka oghimuon ku no ogpakalop-ang to sikan no Balaod din.

Ruma 7:22

Ka tu-tuu ian no goinawa ku, ogkarago a no ogtuman to mgo koiniatan to Magboboot.

Ruma 8:7

Di ka otow no layun ogdoromdom ko ogmonuon din to ogtuman to mgo maroot no koiniatan to lawa rin, ogpakaatu sikandin to Magboboot, su kono ogpaagad-agad to Balaod din. No kono do no sikan do su agad ko ogpaagad-agad poron, kono ogkohimu.

1 Kurintu 1:8

Woy oghirosonan din ka pogtuu now taman to sikan no mohuri no allow su oyow ko ogkatuman on ka sikan no allow to poglibong to Lagboy no Igbuyag ta no si Hisu Kristu kai to tano, waro ig-ogot din kaniu.

1 Kurintu 10:32

Sikan ian, kono ki oghimu to agad nokoy no ogpakaatang to pogtuu to agad hontow, ko Hudiu, woy ko kono, woy ko mgo duma ta no ogtuu no nigpasakup to Magboboot.

1 Kurintu 8:13

Sikan ian, soini ka goinawa ku. Ko duon sulod ku to pogtuu no ogpakasalo on su ligkat to ogkitoon a rin to ogkoon a to ingkatubad to inotow-otow, kono ad on oghutuk no ogkoon to sikan su oyow kono a ogpakapasalo to duma ku no nigtuu.

2 Kurintu 1:12

Mgo sulod, duon soini no igkarago noy su ogpakamalogot ka goinawa noy to matuwarong ka mgo batasan noy dio to agad hontow di lagboy dio to kaniu. Ian su nigbulig ka Magboboot kanami oyow tolok no maroyow ka tuud noy woy matuwarong ka tibo no oghimuon noy. No ka sikan, waro nigligkat to katouanan to mgo otow to soini no kalibutan di nigligkat atag to pogkohoy-u to Magboboot kanami.

2 Kurintu 2:17

Di kono koy ogkounawa to mohon-ing no ognangonnangon to kinagian to Magboboot no ian do tuud dan ka ogpanalapi. Di sikanami atag, ian do tuud noy to og-anad to kinagian to Magboboot su sikandin ka nigsugu kanami. Woy ka ig-anad noy, lagboy no maroyow dio to tangkaan din su suguanon koy ni Hisu Kristu.

2 Kurintu 6:3

Sikan ian to waro oghimuon noy to agad nokoy no ogpakasaligkat to dalan to pogtuu to agad hontow su oyow kono ogkaroisok ka oghimuon noy ki Hisus.

2 Kurintu 8:8

Ka soini no innangon ku, kono no igsugu ku kaniu oyow ogpakabogoy kow. Di impohitaga ku ro sikaniu to nighimu to duma now no moingos no dio to songo ugpaan. Ian su oyow ko ogkoilingan now sikandan, ian ka ogpakamalogot to igdakoli now ian ka mgo nigtuu kai to goinawa now.

Galasia 5:11

Mgo sulod, duon mgo otow no ognangon to og-anad a kun to og-awoson ta rod to ogpatuli ki. Di ko tu-tuu pa ka sikan, manio naan to ogbaybayaran a rod to mgo Hudiu? Su ko og-anad a rod to og-awoson ta to ogpatuli, kono poron ogkabolu sikandan ko songo ig-anad ku ka kamatayon ni Hisus no igliwan kanta no mgo makasasalo.

Episu 4:15

Di, og-awoson to ligkat to dakol no goinawa ta to mgo duma ta, ignangonnangon ta kandan ka tu-tuu ro ian su oyow ogpokounug ki lagboy to mgo batasan ni Kristu no ian ogkounawa to ulu ta.

Episu 5:10

Og-aanad ki ko nokoy no batasan ka maroyow to Lagboy no Igbuyag ta no si Hisu Kristu.

Episu 5:27

No ian su og-awoson ni Hisus to malinis ka tibo ka goinawa ta to oyow ogmaroyow ro ka pogpitow rin kanta su warad on ka agad nokoy no maroot dio to goinawa ta.

Episu 6:24

Nò, ogbuyu a to Magboboot to oyow ogkohoy-uan din sikaniu tibo no igdakoli now to goinawa now no si Hisu Kristu no ian Lagboy no Igbuyag ta. No awoson to sikan no goinawa now kandin ka kono ogkaawo to waro katamanan.

Pilipus 1:6

Woy natagaan kud on ian to, ka maroyow no nigbunsuran din duon to goinawa now, ungod din oghimuon taman to ogkapongaan din on uromo ko oglibong on si Hisu Kristu kai to kalibutan.

Pilipus 2:16

ka Maroyow no Nangnangonon no ig-anad now kandan, ian ka ogpakabogoy kandan to kouyagan no waro katamanan. Ko sikan ka oghimuon now, ogkohimu on no igkarago ku ko ogdatong on ka allow to poglibong ni Kristu kai to tano su ogkataga a to duon ian dakol no pulus to nohimu ku dio to kaniu.

1 Tisalunika 3:13

No sikan ka igmasalig din to pogtuu now oyow ko oglibong kai ka Lagboy no Igbuyag ta no si Hisus no ogdumoon din ka tibo no mgo otow no nigtuu kandin, ogkohimu on no waro igmaroot to Magboboot kaniu woy to matuwarong kow ko dio kow on to tangkaan din, no ian Amoy tanow.

1 Tisalunika 5:21

di ol-ologan tad ka tibo no ignangon, no ka maroyow, itagu ta to taliwaro to goinawa ta.

1 Tisalunika 5:23

Ka Magboboot ka ogmaawang to goinawa ta no ogbuyu a to oyow tiboon din awaa ka agad nokoy no maroot dio to goinawa now. Woy ogbuyu a to oyow igpanagana rin ka lawa now, ka goinawa now, woy ka gimukud now to oyow litos ka tibo woy to waro salo now ko oglibong ka Lagboy no Igbuyag ta no si Hisu Kristu kai to soini no tano.

1 Huan 4:1

Mgo sulod, kono tad on ogtuuan ka tibo no mgo nangnangonon no ogligkat dio to agad hondoi. Ian su og-awoson to og-ol-ologan ta ka sikan no mgo nangnangonon ko tu-tuu no nigligkat to Gimukud to Magboboot woy ko kono. Ian su mohon-ing ka mgo otow no og-alap-alap to mgo nangnangonon kai to ampow to soini no kalibutan no og-abinon dan to mgo talagnangon to kagi to Magboboot dokad di ubat doka ogkagion dan.

Impapitow 2:2

Nataga a to mgo batasan now. Woy nataga a to sikan no pogpoomot now to oghimuon now kanak, woy ka pog-aguanta now to mgo igkohirapi now. Woy nataga a to kono kow ogbogoy no ogdumaruma kaniu ka oghimu to maroot. No tongod to sikan no mgo otow no ubaton no ognangon to mgo suguanon sikandan ni Hisus, nig-ol-ologan now sikandan woy nigbatukan now to kono man no suguanon din sikandan.