Pilipus 1:1 - Manobo Ata

¹ Sikanak no si Pablo woy si Timoteo no mgo suguanon ni Hisu Kristu, ogsusulat koy kaniu no mgo otow no nigtuu kandin no dio to lunsud to Pilipus. Woy iglagkos noy to ogsulat ka mgo igbuyag now to pog-alap to pogtuu now woy ka mgo talabulig dan.

Pilipus 1:1 Iomraidhean Croise

Markos 13:34

Ka pog-uli to Kakoy to Tibon Koot-otawan, ian ogkounawaan ka pog-uli to sagboka no igbuyag no nighondio to mariu no ugpaan. Ko wa pad nigligkat, niggalat din ka baloy rin to mgo suguonon din. Ogsuguon din sikandan matag sagboka to katondanan din woy nigsugu din ka sika talagbantoy to “Bantoy ka.”

Huan 12:26

Kagi pa ni Hisus, “Ko duon otow no ogpasakup koddi, og-unug ka sikan no otow to tibo no sugu ku su oyow agad hondoi a, songo dio sikandin. Ogsayoon to Amoy ku no Magboboot ka sikan no ogbulig koddi.”

Hinimuan 1:20

Ian su duon ingkasulat ni Dabid dongan tongod ki Hudas to, ‘Balagad ko ogkoongkoran on ka ugpaan din oyow waro otow no ogpokougpo duon,’ Woy kagi rin to, ‘Balagad ko songo otow on ka ogpurut to katondanan din.’ ” Pogkaponga, kagi ni Pedro to,

Hinimuan 20:28

Nò, sikaniu no mgo pogbuyagon, tantanuri now ka pogtuu now woy ka pogtuu to mgo sakup to Magboboot, su ka Gimukud din ka nighimu kaniu no mgo talagbantoy to mgo otow no nohimu on no sakup din no ian napurut din su ligkat to langosa to Anak din lagboy no si Hisus.

Hinimuan 9:13

Kagi ni Ananias, “Buyag, mohon–ing ka ogdinogon ku no mgo maroot no nighimu to sikan no otow no nigbayadbayad to mgo otow no nigtuu koykow no dio to Hirusalim.

Ruma 1:1

Ka soini no sulat, nigligkat kanak no si Pablo. Uripon a ni Hisu Kristu woy nohimu a no suguanon din. Ian su ka Magboboot ka nig-alam kanak su oyow ognangonnangon a to Maroyow no Nangnangonon din.

Ruma 1:7

Sikan ian no nigsulatan ku sikaniu tibo no dio to lunsud to Ruma no indakoli to Magboboot to goinawa lagkos to nohimu kow on no sakup din. Ogbuyu a kaniu to Magboboot woy ka Lagboy no Igbuyag ta no si Hisu Kristu oyow ogkohoy-uan kow woy ogbogayan kow to maawang no pog-ugpo now.

1 Kurintu 16:10

Ko ogpokouma si Timoteo dio to kaniu, sagmana now sikandin su ogkoiling kanak no songo ogpaagad-agad to igsugu to Lagboy no Igbuyag ta.

2 Kurintu 1:1

Sikanak no si Pablo, suguanon a ni Hisu Kristu su sikan ka imboot to Magboboot. Sikanak woy si Timoteo no sulod ta to pogtuu ka nigsulat kaniu no mgo nigtuu to Magboboot no dio to lunsud to Kurintu woy ka dio to probinsia to Girisia.

Galasia 1:10

Ka sikan no innangon ku, kono to oyow ogpasayo a to mgo otow su ian goinawa ku ko ogkasayo a to Magboboot. Woy songo kono ogkohimu no ka igkarago to mgo otow ka ogkoiniatan ku. Ian su ko sikan pa ian, kono a poron ogkohimu no suguanon ni Kristu.

Galasia 3:26

Ian su, ligkat do to pogtuu ta ki Kristu, nohimu kinow on no anak to Magboboot.

Galasia 3:28

Sikan ian to nataga kid on to nig-un-unawa kinow dio to tangkaan to Magboboot ko Hudiu ki woy ko kono ki no Hudiu, ko uripon ki woy ko kono ki no uripon, ko lukos ki woy ko boi su tibo kinow, nohimu on no sagboka ro ka lawa ta ki Hisu Kristu.

Episu 1:1

Ka soini no sulat, nigligkat kanak no si Pablo. Nohimu a no suguanon ni Hisu Kristu su sikan ka imboot to Magboboot kanak. Ogsulatan ku sikaniu no dio to lunsud to Episu no nigtuu ki Hisu Kristu woy ogkasaligan to ogpaagad-agad to mgo sugu din kaniu.

Episu 1:15

Sikan ian, mgo sulod, ligkat to nignangonan a to pogtuu now to Lagboy no Igbuyag ta no si Hisus, woy ligkat to nignangonan a to dakol ka goinawa now to tibo no mgo otow no nigtuu on kandin,

Episu 6:24

Nò, ogbuyu a to Magboboot to oyow ogkohoy-uan din sikaniu tibo no igdakoli now to goinawa now no si Hisu Kristu no ian Lagboy no Igbuyag ta. No awoson to sikan no goinawa now kandin ka kono ogkaawo to waro katamanan.

Pilipus 2:19

Ko pogboot to Lagboy no Igbuyag tanow no si Hisu Kristu, og-iman-iman a to magaan ku ipohondio si Timoteo to kaniu oyow ko ogpakalibong on ogkatagaan ku ko noomonu kow no ogkarago ad on lagboy to pogdinog ku

Pilipus 2:5

Og-awoson ta to og-unawoon ta ka pogdoromdom ta to pogdoromdom ni Hisu Kristu:

Pilipus 3:12

Di kono ku ignangon to natuman kud ka tibo no sikan no innangon ku woy ko natibulus kud ka tibo no ogkoiniatan to Magboboot. Di ogpoomotan ku ka oghimuon ku to oyow ogkatuman on ka tibo no sikan su soini ian ka tuud ni Hisu Kristu no nig-abin a rin no sakup din.

Pilipus 3:3

Dokad di, sikanta atag ka noindanan no tu-tuu ian no anak to Magboboot su ligkat to pogbulig to Gimukud din, ogsayoon ta sikandin woy nasagboka kinow on ki Hisu Kristu no kono ta ogsaligan ko nokoy ka igpohimu ta poron to lawa ta.

Pilipus 3:8

No kono no sikan do di to pogdoromdom ku, agad nokoy, warad on pulus ku no loin su oyow ogkatagam a ki Hisu Kristu no Lagboy no Igbuyag ku, no ian on ka duon dakol lagboy no pulus ku. Sikan ian to nig-iniugan ku ro ka tibo no napulusan ku poron nokani. No to pogdoromdom ku, ogkounawa ro to lagut su oyow ogkapurut kud on si Kristu

1 Tisalunika 1:1

Ka soini no sulat, ogligkat kanami no si Pablo, woy si Silas woy si Timoteo no igpaalap noy kaniu no taga Tisalunika no nohimu on no sakup to Magboboot no ian Amoy ta woy sakup dod ni Hisu Kristu no Lagboy no Igbuyag ta. Ogbuyu koy to oyow ogkohoy-uan kow to Magboboot woy si Hisu Kristu no ian Lagboy no Igbuyag ta woy ogbuyu a to oyow ogbogayan kow ran to maawang no goinawa now.

1 Tisalunika 2:2

su nataga kow no dio koy to lunsud to Pilipus, to nabaybayaran koy woy nigpasiporan koy to mgo otow no waro nigtuu. Dokad di, agad to mohon-ing ka mgo otow no nig-atu kanami, nigbootan koy to Magboboot to pinauwang noy ka Maroyow no Nangnangonon no ogligkat kandin.

2 Tisalunika 1:1

Ka soini no sulat, ogligkat kanami no si Pablo, woy si Silas woy si Timoteo no igpaalap noy kaniu no taga Tisalunika no nohimu on no sakup to Magboboot no ian Amoy ta woy sakup dod ni Hisu Kristu no Lagboy no Igbuyag ta.

2 Tisalunika 1:10

Ogkatuman ka sikan ko allow to poglibong ni Hisus. No ian to oyow ogkasayo sikandin to mgo sakup din. Sikan ian no ogkabantug sikandin to tibo no mgo otow no nigtuu kandin lagkos to sikaniu su nigtuu kow to inmalogot noy kaniu tongod ki Hisus.

1 Timoteo 1:2

Igpaalap ku sikoykow, Timoteo, no ogkounawa ka to lagboy no anak ku to pogtuu ki Hisus. Ogbuyu a to Magboboot no Amoy ta woy si Hisu Kristu no Lagboy no Igbuyag ta oyow ogbuligan woy ogkohoy-uan ka woy to oyow ogbogayan ka ran to maawang no goinawa now.

1 Timoteo 3:8

Ka mgo talagbulig to pogbuyagon to mgo otow no nigtuu, songo og-awoson to maroyow so batasan dan no litos to ogtahuron to mgo otow, woy to oyow ogkasaligan ko nokoy ka ignangon dan. Woy og-awoson to kono oglasinglasing woy kono oggogolgol to salapi.

Titu 1:1

Ka soini no sulat, nigligkat kanak no si Pablo. Uripon a to Magboboot woy suguanon a ni Kristu. Pigsugu a to oyow ogkohirosonan ka pogtuu to mgo otow no pig-abin to Magboboot no ogtuu kandin, woy to oyow ogkohirosonan ka katagaanan dan to pog-anad to tu-tuu ian no tinuuan ta.

Titu 1:7

Ian to og-awoson to og-alamon no pogbuyagon ka otow no waro maroot no batasan din su ogkasaligan sikandin to Magboboot to og-alap to mgo otow no ogtuu on kandin. No og-awoson to kono ogparakoldakol woy kono ogmagaan ogkabolu woy kono oglasinglasing woy kono no ogmabulut woy og-awoson to kono oggolgol to layun do no salapi.

Pilimun 1:1

Kanak no si Pablo, napirisu ad su nigtuu a ki Hisu Kristu. No sikanak woy si Timoteo no sulod ta to pogtuu, ogsulat koy koykow, Pilimun, no talagbulig kanami no indakoli noy to goinawa.

Hibriu 13:23

Woy ogkoiniatan ku to oghitagoon kow to impalibuwas on ligkat to pirisuan si Timoteo no sulod ta to pogtuu. Ko ogpokouma on kai woy ad oghipanow, ogdumoon ku ro dio to kaniu.

Santiago 1:1

Sikanak no si Santiago, suguanon a to Magboboot woy to Lagboy no Igbuyag ta no si Hisu Kristu. No ogpangumustoon ku sikaniu no ogtuu no nokogsuwoysuwoy dio to agad hondoi no ugpaan.

1 Pedro 2:25

Nokani nounawa ki pad to mgo karniru no nalagak. Di kuntoon, nakitaan kid on woy nokouli kid on to Magboboot no ian Talagbantoy no ogkatou no ogtanudtanud kanta.

2 Pedro 1:1

Ka soini no sulat, ligkat kanak no si Simon Pedro. Nohimu a no uripon woy suguanon ni Hisu Kristu. No ogsulatan ku sikaniu no nigtuu on kandin. Sikandin ka Magboboot ta woy Talagpangabang kanta. No nabogayan kow rin to pogtuu now no ogpokounawa to kanami no pogtuu su maroyow si Hisu Kristu no waro og-umalagon din.

Hudas 1:1

Ka soini no sulat, nigligkat kanak no si Hudas no suguanon ni Hisu Kristu woy hari ni Santiago. Igpaalap ku kaniu no naabin to Magboboot no ian Amoy tanow. Dakol ka goinawa rin kaniu woy ogtantanuran kow ni Hisu Kristu.

Impapitow 1:1

Ka soini no igsulat ku, insalig to Magboboot ki Hisu Kristu no igpohitaga rin dio to mgo suguanon din oyow ogkatagaan dan ka ogkoumaan no konad on ogkalugoy. No nigsugu din ka diwata no suguanon din, no ian impohitaga kanak no si Huan.

Impapitow 1:20

Kuntoon, soini ka kalitukan to sikan no papitu no mgo bituon no nigkita nu no niggongonan ku dio to kawanan no bolad ku woy ka kalitukan to sikan no papitu no bulawan no mgo sabukanan to ilawan. Ka papitu no mgo bituon, ian ka papitu no mgo suguanon to Magboboot no ogtanudtanud to mgo nigtuu no dio to sikan no papitu no lunsud. No ka papitu no mgo sabukanan to mgo ilawan, sikandan ka mgo otow no nigtuu to Magboboot no dio to sikan no papitu no lunsud.”

Impapitow 19:10

Pogkaponga, nigluhud a to tangkaan din oyow ogsimboon ku poron sikandin, di kagi rin kanak to, “Doka, su songo suguanon a rod to Magboboot no ogkounawa a rod koykow woy to mgo duma nu no ogpamalogot to in-anad ni Hisu Kristu. Ian nud ogsimboon ka Magboboot.” No ka igmalogot ki Hisu Kristu, sikan dod ka ingkanangon dongan to mgo talagnangon to kagi to Magboboot.

Impapitow 2:12

Woy kagi rin man do to, “Sulati nu ka sikan no suguanon ku no ogtanudtanud to mgo nigtuu no dio to lunsud to Pirgamu. No soini ka igsulat nu, ‘Ka soini no kagi, ogligkat kanak no oggongon to malayat woy maligdus no balarow no daruwa ka galang.

Impapitow 2:8

Kagi rin to, “Songo isulat nu ka soini no ipaalap nu dio to suguanon to Magboboot no ogtanudtanud to mgo otow no nigtuu to Magboboot no dio to lunsud to Ismirna. No soini ka igsulat nu, ‘Sikanak ka kabinunsuran woy ka katamanan. Namatoy ad nokani no nouyag ad on taman to waro katamanan.

Impapitow 22:9

Di kagi rin to, “Doka oghimua ka sikan su og-un-unawa ki ro no suguanon to Magboboot. Woy un-unawa ki ro to mgo sulod nu no mgo talagnangon to kagi to Magboboot, woy to tibo no mgo otow ogpaagad-agad to mgo kinagian to soini no diblu. Ian nu ro ogsimboon ka Magboboot.”