Pilimun 1:14 - Manobo Ata

¹⁴ Dokad di, woy ku ro oghohonduon ko igbogoy nu pad ian kanak su kono a ogkoiniat no ogkapogos ka no ogkohoy-u kanak su ian maroyow ku, ko ka igkohoy-u nu kanak, dio ian lagboy ogligkat to goinawa nu to ogbulig.

Pilimun 1:14 Iomraidhean Croise

1 Kurintu 9:17

Ko kanak pa ka nigboboot to ognangonnangon a, ogkohimu porom ko duon igsayo kanak. Di su nigsugu a to Magboboot to oghimuon ku, og-awoson to ogtumanon ku ro duon ka soini no insalig din kanak.

1 Kurintu 9:7

Pananglitan ka sundalu, waro agad hontow kandan no ogpakabayad to kandin no lawa ko gobirnu ka ogsugu kandin. Woy waro man otow no ogpamula to boni din no kono ogpakakoon to bogas ko ogkoinug on. Woy songo waro tagtuun to kambing dio to kaniu no kono ogpoko-inum to gatas to mgo kambing din.

2 Kurintu 1:24

Kono no tuud noy to ogboot to pogtuu now su nataga koy to nohogot on ka pogtuu now. Di ian goinawa noy atag ko ogpakabulig koy kaniu oyow ogkarago kow.

2 Kurintu 8:12

Ian su ko duon goinawa ta to ogbogoy, ogtinawoon to Magboboot ko nokoy ka igkabogoy ta su ian din do ipatalad kanta ka ligkat to ogkagongonan ta.

2 Kurintu 9:5

Sikan ian, mgo sulod, to nakadoromdom a to og-awoson to ogbuyu a to oyow ogpohunoon ku ka soini no tatolu no sulod ta oyow ogkalimud now on igpanoy ka sikan no innangon now nokani no igbogoy now su oyow ko ogpokouma ad on, duon on ka impanagana now. Ian su oyow ogkataga ka mgo otow to tu-tuu ian to nigligkat to kaniu no goinawa to ogbogoy no waro kow pogosa.

2 Kurintu 9:7

Di tag sagboka now ka ogboot ko songo monu ka igbogoy now, su og-awoson ta to kono ki ogpakasondit ko nokoy ka igkabogoy ta su oyow kono ogkoiling to ogkapogos so goinawa ta. Ian su og-awoson to, ka igbogoy ta, dio ogligkat to maroyow no goinawa ta. No ko sikan ian, ogkarago ka Magboboot kanta.