Matiu 5:3 - Manobo Ata

³ Kagi rin kandan to, “Ogkapulusan pad sikandan no nataga no kono sikandan ogpokohimu to maroyow ko waro bulig to Magboboot su nasakupan on sikandan to Pogsugu to Magboboot.

Matiu 5:3 Iomraidhean Croise

Matiu 11:25

Songo allow, nig-ampu si Hisus no nigkagi to, “Amoy ku no Magboboot to langit woy to tano, ogpasalamat a koykow su impapitow nud dio to mgo otow no waro katouanan ka koykow no inkoholos dongan to duon natouanan no mgo otow.

Matiu 13:16

Nigparagas nigkagi si Hisus to, “Di sikaniu no mgo hibatoon ku, dakol ka igkarago now su ogkatou kow ogpitow woy ogkatou kow ogpamminog.

Matiu 19:14

Di kagi ni Hisus to, “Pohondinia now ka mgo bato. Kono now sapari sikandan su ka mgo otow no ogkounawa to soin no mgo bato ka ogpakaamut to Pogsugu to Magboboot, sikandan ka ogsakupon to Magboboot.”

Matiu 24:46

Ogkarago lagboy ka sikan no suguanon ko ogkitoon sikandin no ogtumanon ka insugu to igbuyag din kandin ko og-uli on ka sika igbuyag din.

Matiu 25:34

Nò, sikoddi no Labow no Igbuyag, ognangonan ku ka mgo otow no kai to kawanan ku to, ‘Sikaniu ka nohoy-uan to Amoy ku no Magboboot, dini kow, solod kow kai to Pogsugu to Magboboot no impanagana rin, ligkat no nighimu ka kalibutan.

Matiu 3:2

Nigkagi si Huan to mgo otow to, “Balbalawi now ka goinawa now woy ongkori now on ka maroot no mgo batasan now su natuman on ka Pogsugu to Magboboot kai to tano.”

Matiu 8:11

Kono now kalingawi soini no ignangon ku kaniu. Mohon-ing ka mgo otow no kono no Hudiu no ogligkat dio to dapit to ogsilaan to allow, woy dio dapit to ogsalopan to allow no ogpokog-amut ko ogkoon dio to langit duma to kaap-apuan tanow no si Abraham woy si Isaak woy si Hakub.

Markos 10:14

Di ko nigkita ni Hisus to nigsaparan dan ka nigduma to mgo bato, nabou on no kagi rin kandan, “Kono now sapari. Pohondinia now koddi ka mgo bato; ko now atangi su ogkounawa ka mgo otow no ogpakaamut to Pogsugu to Magboboot to soi mgo bato no maboot to duma ran.

Lukas 11:28

Di kagi ni Hisus to, “Dakoldakol pad ka pulus to mgo otow no ogpamminog to kagi to Magboboot woy ogtuman to soini.”

Lukas 18:14

Kagi ni Hisus, “Sikan no talagkubla to buhis ka otow no nigpasaylu to Magboboot to mgo salo din. Ko ka Parisiu, waro pasaylui atag sikandin to Magboboot su agad hontow no ogparakoldakol poron, ogpakariralom do sikandin, di ka otow no ogkaayuayu sikandin, ogpakaampow.”

Lukas 22:29

Nigbogayan ad to Amoy ku to katondanan to ogsugu to mgo otow. Nò, songo ogbogayan ku sikaniu to unawa no katondanan.

Lukas 22:30

No uromo ko dio ki to Pandatuan ku ogkoimu ko ogkoon kow woy og-inum kow dio to lamisaan ku. Woy songo ogbogayan ku sikaniu to katondanan now to oyow kaniu on ka og-alap to mgo pinanganak to sikan no sampulu woy darua no kapunganan ni Israil.”

Lukas 4:18

“Ka Gimukud to Magboboot, ogdumaruma koddi su pig-alam a rin to oyow ognangnangonan ku ka mgo publi no otow to Maroyow no Nangnangonon. Nigsugu a rin oyow ognangonan ku ka mgo otow no napirisu to ogpakalibuwas sikandan, woy dio to mgo nabutud ognangonan ku to ogpakagimulat on sikandan, woy ka mgo otow no nabaybayaran to ogkaawo on ka igkabaybayari ran.

Huan 20:29

Kagi ni Hisus kuwo kandin, “Nigtuu kad on koddi su tongod to pigkitaan a nud. Di ogkapulusan ka sikan no otow no nigtuu no agad waro nigkita koddi.”

Santiago 1:10

Di ka datu no ogtuu on, og-awoson to igkarago dan ka pogkaawo to bantug dan. Ian su uromo, ka mgo datu, ian dan ogkounawaan ka mgo bulak to hilamonon no songo ogkaawo do duon.

Santiago 1:12

Ka sikan no otow no og-aguantoon din ka igkabaybayari rin, ogbogayan to dakol no igkarago din. Ian su ko kono ogkaalap to sikan no igkabaybayari rin, ogkasayo sikandin no ogbogayan to pogkouyag din no waro katamanan. Sikan ka innangon to Magboboot no igbogoy rin to tibo no ogdakolon dan to goinawa ran kandin.

Santiago 2:5

Mgo sulod ku no indakoli kud to goinawa, pamminog kow pa. Mohon-ing ka mgo otow no publi no nig-abin on to Magboboot oyow ogdakol ka pogsalig dan kandin woy to oyow ogpakalagkos sikandan to pogsugu to Magboboot uromo. Ka sikan, tahan din no ingkanangon no igbogoy rin to tibo no mgo otow no ogdakolon sikandin to goinawa ran.

Impapitow 19:9

No nignangonan a to diwata to Magboboot to kagi rin to, “Isulat nu ka soini to: Ogkarago ka mgo otow no nig-akat to pogtambung to pagkoonan to pogpangasawa to sikan no ogkohingaranan to Nati no Karniru.” No kagi rin kanak to, “Malogot to nigligkat to Magboboot ka sikan no kagi.”

Impapitow 22:14

Ogkarago lagboy ka sikan no mgo otow no ogpalipuwas to mgo salo dan su sikandan ka ogkabogayan to katondanan to ogkoon to bogas to kayu no ogpakabogoy to kouyagan no waro katamanan woy ogbogayan sikandan to katondanan to pogsolod dio to gumawan to sikan no dakol no lunsud to Magboboot.

Impapitow 3:17

Ian su ognangon kow to salapian kow woy to maroyow ka pog-ugpo no waro og-awoson now. Dokad di to waro kow mataga to mokohoy-uhoy-u kow naan lagboy su ian now ogkounawaan ka naayuayu no nalobasan woy nabutud.