Matiu 4:4 - Manobo Ata

⁴ Di nigtabak si Hisus no kagi rin to, “Duon inkasulat dongan to kagi to Magboboot no nigkagi to, ‘Kono no koonon do ka igkouyag to mgo otow di songo awoson dan ka tibo no kinagian to Magboboot.’ ”

Matiu 4:4 Iomraidhean Croise

Matiu 15:11

Waro agad nokoy no og-abolongon to otow ka ighimu to maligsom no otow oyow kono ogtangko to Magboboot. Di ka kagi no ogpuun to maroot no goinawa ka ighimu to maligsom no otow oyow kono ogpakatangko to Magboboot.”

Matiu 4:10

Nigtabak si Hisus ki Satanas no nigsugu to, “Satanas, awo ka kai to koddi. Duon inkasulat no kagi to Magboboot dongan to, ‘Kaniu, ian now ro simbaa ka Magboboot now woy kandin do ogpaag-agaran now.’ ”

Matiu 4:7

Nigtabak si Hisus no kagi din, “Malogot ka innangon nu di songo duon insulat no kagi to Magboboot to, ‘Kono now ol-ologi ka Lagboy no Igbuyag no ian ka Magboboot.’ ”

Markos 7:20

Nigparagas nigkagi no kagi rin, “Ka ogpuun to ogpakaligsom to otow ka ogpuun to goinawa rin.

Lukas 4:12

Nigtabak si Hisus to, “Kagi to Magboboot no ingkasulat dongan to: ‘Ko now ol-ologi ka Lagboy no Igbuyag now no ian ka Magboboot,’ ” kagi ni Hisus.

Lukas 4:4

Di nigtabak si Hisus to, “Duon ingkasulat dongan to kagi to Magboboot to, ‘kono no koonon do ka igkouyag to mgo otow.’ ”

Lukas 4:8

Nigtabak si Hisus ki Satanas to, “Duon ingkasulat dongan to kagi to Magboboot to: ‘Simbaa now ka Magboboot now ro woy kandin do no mgo sugu ka ogtumanon now.’ ”

Huan 15:26

“Di ogpohondion ku pad ka Talagbulig kaniu no ogligkat dio to longod to Amoy ku. Kandin ka Gimukud to Magboboot no ko ogpokouma on, ogpasabut kaniu to malogot. Kandin ka ogtitigus kaniu no nigtuu bahin koddi.”

Huan 6:63

Ka Gimukud to Magboboot ka ogbogoy to kouyagan no waro katamanan. Kono ogkohimu pinabayo to goinawa to otow. Sikan no in-anad ku kaniu, nigpuun dio to Gimukud to Magboboot no pinabayo to soini, ogbogayan kow to kouyagan no waro katamanan.

Ruma 15:4

No ka tibo no ingkasulat no kinagian to Magboboot dongan, ingkasulat to oyow ogkaanad kinow oyow ogkaaguanta ta ka mgo igkabaybayari ta woy to oyow ogkabuligan on ka goinawa ta oyow kono ogkawoil ka ogkoim-imanan ta.

Episu 6:17

Ka pogsalig ta to pogpangabang ni Hisus to salo ta, ian ogkounawa to kalu no putow no igkakalu ta kai to ulu ta. Woy ogpuruton ta ka kinagian to Magboboot. No ian ogkounawa to moirob ta no igbogoy to Gimukud to Magboboot kanta.