Markos 9:7 - Manobo Ata

⁷ Nò, nakataliwaro sikandan tibo to gapun. Puun to sikan no gapun nakarinog sikandan to kagi to Magboboot. Kagi rin, “Soini ka anak ku no indakoli ku lagboy to goinawa ku. Pamminog kow kandin.”

Markos 9:7 Iomraidhean Croise

Matiu 27:43

Ogsaligan din kun ka Magboboot woy sikandin kun ka anak to Magboboot. Pitawon ta naan kuntoon ko ogpangabangan sikandin to Magboboot.” Soini ka kagi ran.

Matiu 27:54

Nò, to niggoram to mgo igbuyag to mgo sundalu woy to mgo sakup din no nigtamong ki Hisus ka pogdinug woy to nigkita ran ka tibo no nohimu, nahallok lagboy sikandan no nignangon to, “Malogot naan ian no sikandin ka Anak to Magboboot.”

Matiu 3:17

Duon narinog no kagi ligkat dio to langit no nigkagi to, “Soini ka koddi no anak no indakoli to goinawa ku. Dakol ka igkarago ku kandin.”

Markos 1:11

No duon kagi no nigpuun dio to langit no kagi rin ki Hisus “Sikoykow ka koddi no anak no igkarakoli to goinawa ku no dakol ka igkarago ku koykow.”

Markos 9:6

Sikan ian ka nakakagi ni Pedro su nahallok lagboy si Pedro mgo duma rin no kono ogpakakagi to loin.

Markos 9:8

Ko nakaponga nigkagi ka Magboboot, nig-agpas niglingi-lingi ka sika tatolu no hibatoon di si Hisus naan do ka pigkita ran; warad on ka sikan so darua.

Lukas 3:22

no ka Gimukud to Magboboot, nigpohulughulug no ogkounawa to salapati no dio ki Hisus niglatun, no duon narinog no kagi ligkat to langit no nigkagi ki Hisus to, “Sikoykow ka koddi no anak no indakoli to goinawa ku. Dakol ka igkarago ku koykow.”

Huan 1:34

Nigkita kud soini,” kagi ni Huan, “woy ognangonan ku sikaniu to soini ka Anak to Magboboot.”

Huan 1:49

Nigtabak si Natanial kuwo ki Hisus. “Buyag,” kagi rin, “Koykow ka Anak to Magboboot. Koykow ian ka Labow no Igbuyag to mgo taga Israil.”

Huan 12:28

Amo, ipasayo nu ro ka koykow no ngaran,” kagi ni Hisus. No, duon kagi no nigligkat dio to langit. Kagi, “Pigsayo on ka ngaran ku woy oghutukon ku pad ogpasayo.”

Huan 19:7

Nigtabak ka mgo Hudiu to, “Duon kanami no sugu to Balaod noy. Ko ogpaagad-agad koy to sikan no sugu, ogpohimatayan sikandin su nignangon sikandin to kandin kun ka Anak to Magboboot.”

Huan 20:31

Di insulat kud soini, oyow ogpakatuu kow to si Hisus ka Anak to Magboboot woy sikandin ka Im-imanan to mgo Koot-otawan. Agad inkasulat oyow ogkootawan kow no waro katamanan ko ogtuu kow on kandin.

Huan 5:18

Bahin to soini duon bantaan to mgo igbuyag to mgo Hudiu to goinawa ran to ogkamatoy si Hisus su kono ogpaagad-agad to Balaod dan to Allow ran to Oghimoloy. Kono no sikan do ka igbayung dan kandin; duon dod ka pignangon din to Amoy rin ka Magboboot; pigpagsokod sikandin to Magboboot su nig-iling no Amoy rin ka Magboboot.

Huan 5:37

Agad ka Magboboot no Amoy ku no nigsugu koddi dini, nigtitigus on koddi. Di waro kow nigdinog to lagong din woy waro kow nigkita to Magboboot.

Huan 6:69

Ko sikanami, nigtuu koy on no nataga koy on to sikoykow ian ka matuwarong no pigsugu to Magboboot no nigligkat dio to kandin to oghondini to soi kalibutan.”

Huan 9:35

Pogdinog ni Hisus to nigdogil dan ka lukos, nigpamitow rin sikandin. Ko nigkita rin sikandin, nig-inso din, “Nigtuu kad on to Kakoy to mgo Koot-otawan?”

Hinimuan 1:9

Pogkaponga ni Hisus to sikan no innangon din kandan, nabatun on sikandin dio to Langit no nigbantoy ka mgo suguanon din taman to naatangan on to salagapun.

Hinimuan 7:37

Si Moisis dod ka nignangon to mgo pinanganak ni Israil to, ‘Duon uromo talagnangon to kagi to Magboboot no igpohondio din no ogkounawa kanak no igbogoy rin dio to kaniu.’

Hinimuan 8:36

No to dio pad sikandan to dalan, nakabayo sikandan to songo woig. Kagi to taga Itiopia to, “Pitow ka. Duon soini no woig. Manio to kono a nu ogbautismuan”

Ruma 1:4

Ligkat to Gimukud to Magboboot no matuwarong, impohitaga to si Hisus Ka Anak to Magboboot su ligkat to dakol no kabogbogan to Magboboot no nig-uyag ki Hisus to pogkamatoy rin.

Hibriu 2:1

Sikan ian to Og-awoson ta to Ogdakolon ta ka pogsagman to sikan no tu-tuu ian no nigdinog ta oyow kono ki ogpakasuwoy to sikan ian no ingkaanad kanta.

2 Pedro 1:17

Ian su nakaruma koy kandin dio to sikan no bubungan no nigdanian koy to Amoy rin no ka Magboboot no ian mabogbog woy malayag. Duon koy ian no impayag din kanami ka kabogbogan ni Hisus woy ka karoyawan din. Woy nigdinog koy to kagi to Magboboot no nigligkat to Langit, no kagi rin to, “Soini ka Anak ku no indakoli ku to goinawa. Narago a lagboy kandin.”

1 Huan 5:20

Nataga ki, tongod to Anak to Magboboot, to nighondii to soini no tano no nigbogayan ki nikandin to pogsabut oyow ogkatagaan ta ko hondoi ka tu-tuu ian no Magboboot. Sikanta no nigtuu, ogdumaruma ki kandin no ian ka tu-tuu no Magboboot woy songo ogdurumaruma ki to Anak din no si Hisu Kristu. Sikandin ian ka tu-tuu ian no Magboboot, woy sikandin dod ian ka ogpakabogoy to kouyagan no waro katamanan.

Impapitow 1:7

Nò, panagana kow. Oglibong si Hisu Kristu kai to tano no ogpakaruma to mgo gapun. Tibo no mgo otow, agad ka niglansang kandin dio to krus, ogpakakita kandin. No ka tibo no mgo koot-otawan kai to tano, ogpakapandawot to igkalango tongod kandin. Malogot ian.