Markos 8:6 - Manobo Ata

⁶ Nigsugu ni Hisus ka mgo otow to, “Pinnuu kow kai to tano.” Nò, nigkomkom din ka sika papitu no malison woy nigpasalamatan din ka Magboboot. Pogpanlotiblotib din ka paan, imbogoy rin to mgo hibatoon din oyow iglogoblogob dan to mgo otow. No pigtuman soini to mgo hibatoon din.

Markos 8:6 Iomraidhean Croise

Matiu 26:26

Nò, tagood no ogkokoon pad sikandan, nigpurut si Hisus to paan woy nigpasalamat to Magboboot woy niglotiblotib din soini. Pogkaponga, imbogoy rin soini dio to mgo hibatoon din. Nignangon sikandin to, “Soini ka lawa ku. Puruta now woy koona now.” Pogkaponga, nigpurut din ka boung no naponu to inumanon. Woy songo nigpasalamat to Magboboot to soini. Pogkaponga, imbogoy rin soini kandan no nignangon to, “Tibo kow, inum kow to soini,

Markos 8:20

Songo nigkagi rin kandan, “Duon dod ka sika papitu no malison no paan no impakoon to hop-at no libu no mgo otow. Pila no bukag ka naponu no samo?” Nigtabak dan to, “Papitu.”

Markos 8:5

Nig-inso si Hisus to “Pila buwa no malison no paan ka kai?” Nigtabak to, “Papitu no malison ka kai.”

Markos 8:7

Duon pila ro no molintok no ngalap to woig no nalutu on. Nigpasalamatan din ka Magboboot woy impanlogob din to mgo hibatoon din dio to mgo otow.

Lukas 12:37

No ogkapulusan lagboy ka sika mgo suguonon ko ogpokouma on ka kandan no igbuyag, agad liwaro to karusiloman woy ko marani ogkapawo, no ogkitoon din ka mgo suguonon din to waro ian mohirogo su nigpanagana. Ognangonan ku sikaniu,” kagi ni Hisus, “ka sikan no igbuyag dan, oghalinon din ka kinabo din no ogpapinnuuon din ka sikan no mgo suguonon din no kandin on ka ogpanhonat to koonon dan. Ogkarago ian ka sikan no mgo suguonon din no nakapanagana to igbuyag dan.”

Lukas 24:30

To niglabung on dio to lamisaan, woy nigbunsud nigkoon, nigpurut si Hisus ka songo malison no paan no nigpasalamatan din pad ka Magboboot. Pogkaponga rin, nanlotiblotib din ka paan no nigbogayan din on ka duma rin no darua.

Huan 2:5

Kagi to inoy rin kuwo to mgo suguonon, “Tumana now ka agad nokoy no igsugu din,” kagi to inoy rin.

Huan 6:23

Di nigduung ka mgo loin no balutu no ogligkat to Tibirias to sikan no masolom. Nigduung dio to marani to pigkoonan to nalibulung no mgo otow no nigkoon to paan no nigpasalamatan ni Hisus

Ruma 14:6

Ka otow no og-indan to allow, ian su sikan ka igtahud din to Magboboot. No ka otow no ogkoon to agad nokoy no ngalap, songo igtahud din dod to Lagboy no Igbuyag ta su ogpasalamatan din do ka Magboboot to ogkakoon din. Di ka otow no kono ogkoon to songo kalasi no ngalap, ian to kono din ogkoonon su songo igtahud din to Lagboy no Igbuyag ta, su songo igpasalamat din to Magboboot.

Kulusas 3:17

Agad nokoy ka oghimuon ta woy ko ogkagion ta, ogdoromdomon ta ko oglitos to in-anad to Lagboy no Igbuyag ta no si Hisus. Woy iglagkos ta ka dakol no pogpasalamat ta to Magboboot no ligkat to nasagboka kinow on ki Hisus.