Markos 7:18 - Manobo Ata

¹⁸ Nigtabak ni Hisus kandan to, “Nig-unawa ka kakogal to ulu now to duma no mgo otow. Waro kow makasabut?” Nigparagas to oglituk. Kagi rin, “Waro agad nokoy no og-abolongon ta ka ogpokoligsom to otow oyow kono ogpakatangko to Magboboot.

Markos 7:18 Iomraidhean Croise

Matiu 15:11

Waro agad nokoy no og-abolongon to otow ka ighimu to maligsom no otow oyow kono ogtangko to Magboboot. Di ka kagi no ogpuun to maroot no goinawa ka ighimu to maligsom no otow oyow kono ogpakatangko to Magboboot.”

Matiu 16:11

Nò, kagi ni Hisus “Manio naan no waro now masabuti no kono ka paan ka lituk to pananglitan ku ganna?” Kagi man do ni Hisus to, “Bantoy kow to igpatulin to paan to mgo Parisiu woy mgo Sadusiu.”

Markos 4:13

No, nig-insaan ni Hisus ka sikan no mgo sakup to, “Waro kow pad makasabut to soin no pananglitan ku? Ogmonuon now naan oyow ogpakasabut kow to agad nokoy no pananglitan?

Markos 7:17

To pog-ongkod din to mgo otow no nalimud, nigsolod si Hisus woy ka mgo hibatoon din dio to baloy no nig-inso ka mgo hibatoon din ko nokoy ka lituk to sikan no pananglitan din to mgo otow.

Markos 7:19

Sikan ian su kono no ogpakasolod ka koonon ta dio to goinawa ta ko kono no dio to gotok ta ogpakasabuk woy oglibuwas do to lawa ta.” To soini ka kagi ni Hisus, ogpohitagoon din no litos ka tibo no ogkakoon.

Lukas 24:25

Kagi ni Hisus kandan, “Malopot so pogdoromdom now! Malugoy kow ogtuu to tibo no innangon dongan to mgo talagnangon to kagi to Magboboot!”

Huan 3:10

Nigtabak ni Hisus no nig-inso to, “Koykow ka sagboka no nabantug no maistru to tinuuan to mgo Hudiu woy kono ka ogpakasabut to soin?

1 Kurintu 3:2

Ka pog-anad ku kaniu nokani, waro nounawa to makogal no koonon di nounawa ro to gatas no ogpoinum ta to mgo bato no malintok pad su kono kow pad ogpakasabut to maralom no ig-anad. Agad kuntoon, kono kow pad ogpakasabut to maralom no pog-anad

Hibriu 5:11

Mohon-ing pad porom ka igkabatbat noy kaniu tongod to sikan, di mohirap to ignangonnangon kaniu su makogal so ulu now, mananoy kow ogpakasabut.