Markos 3:16 - Manobo Ata

¹⁶ Soini ka mgo ngaran to sika mgo nig-alam ni Hisus: si Simon no nighingaranan ni Hisus ki Pedro;

Markos 3:16 Iomraidhean Croise

Markos 1:16

No, nighihipanow on si Hisus dio to ilis to lanow no oghingaranan to Galilia no nigkita rin si Simon woy si Andres no patalahari no ogpanaraya dut ilis to lanow su talagngangalap man sikandan.

Markos 3:17

agad duon ka mgo anak ni Sibidiu no si Santiago woy ka hari rin no si Huan, no nighingaranan ni Hisus sikandan ki Boanirgis. Ka lituk, magaan ian ogbabansagon ko ogkagi.

Lukas 6:13

Pogkapawo on, niglimud ni Hisus ka mgo sakup din no ungod nigdumaruma kandin, no pig-alam din ka sampulu woy darua no pighingaranan din on to apostolis.

Huan 1:42

Nò, nigduma rin si Simon dio ki Hisus. Pogkita ni Hisus kandin nigkagi to, “Sikoykow si Simon no anak ni Huan. Oghingaranan ka ki Sipas.” Ka ngaran si Sipas woy ka ngaran si Pedro un-unawa ka kalitukan to soin no darua no ngaran. “Batu” ka kalitukan.

Hinimuan 1:13

No pog–uli dan dio to lunsud to Hirusalim, namanoik on dio to nig–ugpaan dan no baloy woy nigsolod on to songo sinabong duon to ampow to sikan no baloy. Ka nigsolod no mgo otow si Pedro, si Huan, si Santiago, si Andris, si Pilipi, si Tomas, si Bartolomi, si Matiu, woy ka sangoy ni Santiago no anak ni Alpiu. Duon pad si Simon no oghingaranan dan to Siloti. Woy duon dod si Hudas no anak to dangob no Santiago.

1 Kurintu 1:12

Soini ka lituk to kagi ku to ogloinloinon now kun ka goinawa now su duon mgo otow dio to kaniu no ognangon to sikanak no si Pablo ka og-unugon dan, woy duon duma no ognangon to si Apulus ka og-unugon dan. No duon pad man do duma no oghonduon to ian dan og-unugon, si Kristu.

1 Kurintu 3:22

Imbogoy rin kaniu sikanak no si Pablo, si Apulus, woy si Pedro, no mgo talag-anad kaniu. Woy imbogoy rin dod ka soini no tano, woy ka goinawa ta, woy ka kamatayon ta woy ka tibo no ogkabayaan ta uromo lagkos ka kuntoon no ogkabayaan ta. Tibo din imbogoy kaniu oyow duon pulus now.

1 Kurintu 9:5

Woy songo ogkohimu rod poron ko duon asawa ku no songo ogtuu no ogdumoon ku no ogkounawa ki Pedro woy ka duma no mgo suguanon woy ka mgo hari to Lagboy no Igbuyag ta no si Hisus.

2 Pedro 1:1

Ka soini no sulat, ligkat kanak no si Simon Pedro. Nohimu a no uripon woy suguanon ni Hisu Kristu. No ogsulatan ku sikaniu no nigtuu on kandin. Sikandin ka Magboboot ta woy Talagpangabang kanta. No nabogayan kow rin to pogtuu now no ogpokounawa to kanami no pogtuu su maroyow si Hisu Kristu no waro og-umalagon din.