Markos 2:2 - Manobo Ata

^2-3 No, niglimudlimud ka mohon-ing no mgo otow dio to baloy rin no waro ogkaliotan dan duon to gumawan no ogwali si Hisus kandan. Ko ogwali pad, nokouma ka hop-at no mgo lukos no ogloungan dan duon to hibatanan din ka sagboka no lukos no nigkolog so lawa rin. Si Hisus ka tuud dan.

Markos 2:2 Iomraidhean Croise

Matiu 5:2

Nò, pig-anad din sikandan.

Markos 1:14

To pogkapirisu ni Huan, nighondio to probinsia to Galilia si Hisus no dio din nangoni ka mgo otow bahin to Maroyow no Nangnangonon puun to Magboboot.

Markos 1:33

Nalimudlimud ka tibo no mgo otow to lunsud dio to gumawan to baloy ni Simon.

Markos 1:37

Ko nigkita ran si Hisus, nigkagian dan sikandin to “Ogpamitow ka tibo no mgo otow koykow.”

Markos 1:45

Di nighipanow ka sika otow no nambatbat to mgo otow no kagi rin, “Nabawian ad on ni Hisus.” Puun to kagi to sikan no nabawian, konad ogpakasolod si Hisus to agad hondoi no lunsud ko ogkitoon to mgo otow. Dio do to libuwasan to mgo lunsud og-ugpo si Hisus to waro otow woy ogkalimud dio to kandin ka mgo otow no nigpuun to agad hondoi.

Markos 2:1

Pogligad to pila no allow, nig-uli si Hisus dio to Kapirnaum no nigdinog ka mgo otow to duon sikandin to baloy rin.

Markos 2:13

No, niglibong on si Hisus dio to ilis to Lanow to Galilia. Ko dio, nalibulung ka mgo otow dio no nig-anad din sikandan.

Markos 6:34

Poglogsad ni Hisus nakitaan din ka sika mohon-ing no mgo otow no nalibulung no nohoy-uan din sikandan su ogkounawa sikandan to karniru no waro talagbantoy. Nigbunsud nig-anad kandan to mohon-ing no in-anad din.

Lukas 12:1

Nokogdongan to sikan no pog-alkuy to mgo Parisiu, woy ka udling ni Hisus, ogkatimtimulan on ka mgo otow dio taman to nalimud on ka pila buwa no libu duon. Mohon-ing on ian sikandan no ogpokogdiokdiok on. Nighun-a ni Hisus kagii ka mgo hibatoon din. Kagi rin, “Bantoy kow to igpatulin to paan to mgo Parisiu su ian ka pogkarakoldakol dan.”

Lukas 5:17

Songo allow to nig-anad si Hisus to mgo otow, duon dod ka mgo Parisiu woy ka mgo talag-anad to Balaod. Nigpuun sikandan dio to agad hondoi no lunsud dut Probinsia to Galilia woy ka Probinsia to Hudia woy ka lunsud to Hirusalim, no dio naminpinnuu ka tibo. No si Hisus, nigbogayan on to Magboboot to kabogbogan su oyow ogpakabawi to mgo otow no nigdaralu.

Lukas 8:1

Duon allow no nighipanow si Hisus no nanagpitsagpit dio to mgo lunsud mgo hilit no nignangonnangon to soini no Maroyow no Nangnangonon tongod to Pogsugu to Magboboot. Nigduma ki Hisus ka mgo hibatoon din no sampulu woy darua.

Lukas 8:11

Kagi ni Hisus, “Soini ka kalitukan to impananglitan ku. Ka boni no insawod to sika og-orok, sikan ka nangnangonon to Magboboot.

Hinimuan 11:19

Nò, ligkat to nighimatayan si Estiban, nigbaybayaran on ka mgo otow no nigtuu ki Hisus, no nokogsuwoysuwoy on sikandan. No ka duma nokouma on to mariu no mgo ugpaan to Pinisia, woy ka Sipri woy ka lunsud to Antiokia. No agad hondoi makarolog, nan–alap dan ka kinagian to Magboboot. Di ka mgo Hudiu ro ka pignangnangonan dan.

Hinimuan 14:25

No innangonnangon dan ka kinagian to Magboboot dio to lunsud to Pirga. Pogkaponga, nigtopak on sikandan to lunsud to Atalia.

Hinimuan 16:6

No oghondio porom woy si Pablo to probinsia to Asia oyow ognangnangonan dan porom ka mgo taga Asia to kinagian to Magboboot, di waro ibogoy to Gimukud din. Sikan ian to dio nigbayo to mgo probinsia to Pirigia woy ka probinsia to Galasia.

Hinimuan 8:25

Pogkaponga woy ni Pedro to ig–anad dan woy to igmalogot to kinagian to Lagboy no Igbuyag ta no si Hisus, nig–uli on dio to Hirusalim. Mohon–ing ka nigsagpitan dan no mgo lunsud dio to ogkabayaan dan dio to probinsia to Samaria. No innangonnangon dan ka soini no Maroyow no Nangnangonon tongod ki Hisus.

Ruma 10:8

Ian su duon dangob no kinagian to Magboboot no igpasabut kanta to malomu ro ko ogtuu kinow to kagi rin su kagi rin to, “Ka kinagian to Magboboot, duon on to bo-bo now woy kaid on to doromdom now.” No ka sikan no kinagian to Magboboot tongod to pogtuu ta ki Hisus, sikan ian ka innangonnangon noy to mgo otow.

2 Timoteo 4:2

Sikan ian no ogsuguon ku sikoykow to oyow ungod nu ro ogpoomotan to ogpannangonnangon to kinagian to Magboboot agad ko ogkoiniatan to mgo otow to ogpamminog woy ko kono dan ogkoiniatan. Tul-ira nu ka mgo otow no makasasalo. Sapari nu ka kono ogpaagad-agad to Magboboot. Udlingi nu sikandan to maroyow. Woy malaya ta nu to goinawa ka mgo otow no og-anaron nu