Markos 16:16 - Manobo Ata

¹⁶ Sikan otow no ogtuu to soini no Maroyow no Nangnangonon woy ogkabautismuan sikandin, ogkouyag no waro katamanan dio to Magboboot. Di sikan no otow no kono ogtuu, oglogparan sikandin to mohuri no allow.

Markos 16:16 Iomraidhean Croise

Matiu 28:19

Omunaan no, manhipanow kow dio to tibo no koot-otawan woy himua now no hibatoon ku sikandan. Bautismui now sikandan to ngaran to Magboboot no Amoy woy to Anak din woy to Gimukud din

Markos 1:15

Kagi rin, “Natuman on ka mgo allow to Magboboot no magaan on ogbunsud ka Pogsugu din. Sonditi now woy ongkori now ka mgo salo now no tuui now ro ka Maroyow no Nangnangonon.”

Lukas 8:12

Ka boni no nakasawod to dalan, ian ogkounawaan ka mgo otow no nigdinog to kagi to Magboboot, di to ogdatong on ka igbuyag to mgo busow no og-awoon din on ka kagi to Magboboot no nakatagu to goinawa ran oyow kono dan ogtuu woy to oyow kono dan ogkalipuas to salo dan.”

Huan 20:31

Di insulat kud soini, oyow ogpakatuu kow to si Hisus ka Anak to Magboboot woy sikandin ka Im-imanan to mgo Koot-otawan. Agad inkasulat oyow ogkootawan kow no waro katamanan ko ogtuu kow on kandin.

Huan 3:36

Sikan no otow no nigtuu to Anak to Magboboot ogkouyag ka sikan no otow no waro katamanan dio to langit. Di sikan no otow no kono ogbabali to Anak din, kono ogkouyag dio. Kono ogkaawo ka igkabou to Magboboot to sikan no mgo otow taman to waro katamanan.”

Huan 3:5

Nigtabak pad si Hisus to, “Soini ka malogot no ogkagion ku koykow, Usi, to agad hontow, kono ogpakasolod sikandin to Pogsugu to Magboboot ko kono ogpokootow sikandin pinabayo to woig woy pinabayo to Gimukud to Magboboot.

Huan 5:24

Kagi pa ni Hisus kuwo to mgo ibuyag to Hudiu, “Malogot ka soini ogkagion ku kaniu. Sika otow no ogpamminog to kagi ku woy ogtuu on to Amoy ku no Magboboot no nigsugu koddi to oghondini a to tano, ogkouyag on ka sikan no otow no waro katamanan dio to langit. Kono ogkalogparan ka sikan no otow su nakalipuas to kamatayon din no duon on kouyagan din.”

Huan 6:29

Nigtabak si Hisus no kagi rin, “Soini ro ka oghimuon now. Tuu kow koddi su koddi ka nigsugu din kai to kaniu.”

Huan 6:35

Nigtabak si Hisus kandan. Kagi rin, “Koddi ian ka sikan no paan no igkabuhi to mgo otow. Sikan no otow no ogtuu koddi, konad oggutasan woy sikan no mgo ogtuu koddi, konad ogkoibog no og-inum.

Huan 6:40

Ian su soini ka goinawa to Amoy ku no Magboboot ian to sikan no otow no ogtokoron a rin to Anak a to Magboboot woy ogtuu ka sika otow koddi, ogkootawan ka sikan no otow no waro katamanan dio to kandin. Woy koddi, ogpootawan ku sikandin to sikan no mohuri no allow ta kai to soini no kalibutan. Ian ka goinawa to Amoy ku no Magboboot.”

Huan 8:24

Kagi pa ni Hisus, “Nignangonan kud sikaniu to ogkamatoy kow ro duon no waro maawo ka salo now. Nò, malogot soini ko kono kow ogtuu to koddi ka nigtagaran now no Im-imanan to mgo Koot-otawan.”

Hinimuan 10:43

Agad ka mgo talagnangon to kagi to Magboboot, songo ogpakamalogot to soini su impanoy ran ingkanangon tongod ki Hisus ka nigkagi ran to, ‘Agad hontow no ogtuu kandin, ogkaawo on ka salo dan su nigtuu on to ngaran din,’ ” kagi ni Pedro.

Hinimuan 13:39

Woy ligkat dod kandin, agad hontow no ogtuu kandin, ogkohimu on no maroyow dio to tangkaan to Magboboot. Di waro agad hontow no ogkohimu on no maroyow ko ogligkat to pogtuman din poron to mgo Balaod no inggalat ni Moisis.

Hinimuan 13:46

Di nasi no nigbaghotan ni Pablo woy ki Birnabi to ignangon dan to mgo Hudiu to, “Sikaniu porom ka oghunnaan ognangoni to kinagian to Magboboot. Di, su ogkoison now man, sikaniu ka nigboboot to kono no litos no ogpurut kow to soini no kouyagan no waro katamanan. Sikan ian to dio koy on ogpannangonnangon to mgo otow no kono no Hudiu.

Hinimuan 2:38

Nigtabak si Pedro kandan to, “Og–awoson no tag sagboka kaniu, ogsonditan now woy og-ongkoran now on ka mgo batasan now no maroot woy ogpabautismuan kow on to ngaran ni Hisu Kristu. No og–awoon din on ka mgo salo now woy ogbogayan kow on to Gimukud to Magboboot.

Hinimuan 2:41

Sikan ian to, ka mgo otow no nigtuu to innangonnangon ni Pedro, nigpabautismu on. No to sikan do no allow, duon buwa tatolu no malan no mgo otow ka nigtuu ki Hisus no nokogdumaruma on to mgo otow no tahan on no nigtuu.

Hinimuan 22:16

No kuntoon,’ kagi ni Ananias kanak to, ‘Nokoy ka ogtagaran nu? Sasindog kad on woy pabautismu kad on woy sampitan nud on ka ngaran ni Hisus oyow ogpasayluan din on ka mgo salo nu.’ ”

Ruma 3:6

su kono ogkohimu ko kono no matuwarong ka Magboboot. Pananglitan, ko kono pa no matuwarong ka Magboboot, kono poron ogkohimu ko ogbobootan din uromo ka tibo no otow to soini no kalibutan.

Ruma 4:24

Di songo ogkabuligan kinow su songo oghingaranan kinow on no maroyow dio to tangkaan to Magboboot ka nigtuu on kandin no nig-uyag to Lagboy no Igbuyag ta no si Hisus no namatoy.

2 Tisalunika 1:8

lagkos to duon hapuy no oglogdog no ogpakaruma kandin. No oglogparan din on ka mgo otow no waro mogtokod to Magboboot, woy ka mgo otow no kono ogpaagad-agad to Maroyow no Nangnangon tongod to Lagboy no Igbuyag ta no si Hisus.

2 Tisalunika 2:12

Ian to oyow ka tibo no mgo otow no waro nigtuu to tu-tuu ian no nangnangonon di maroyow ran atag ka mgo maroot no hinimuan dan, ogkabobootan on to ogkalogparan.

1 Pedro 1:21

No ligkat kandin, nigtuu kinow on to Magboboot no nig-uyag kandin. Woy nigbogayan to Magboboot sikandin to dakol lagboy no ngaran. Sikan ian to ogsaligan ta ka Magboboot woy og-im-imanan ta ka karoyawon no igbogoy rin kanta uromo.

1 Pedro 3:21

Ka sikan no woig, nohimu on no panag-ilingan to pogbautismu no songo ogpakapangabang kanta. Di ka soini no pogbautismu, kono no ka pogkaawo to maligsom to lawa ta dio to woig, di ian igmaganangon to nigbuyu ki to Magboboot oyow og-awoon din on ka mgo salo ta. Ogkohimu ka sikan su ligkat to nouyag si Hisu Kristu to kamatayon din.

Impapitow 20:15

Sikan ian, agad hontow no waro ikasulat ka mgo ngaran dan dio to sikan no sulatanan to ngaran to mgo otow no ogbogayan to kouyagan to waro katamanan, igdogpak on dio to sikan no ogliabliab no hapuy.

Impapitow 21:8

Di ka otow no ogkahallok no og-unug kanak, woy ka kono ogkasaligan, woy ka oghimu to mgo maroot, woy ka ogpamunu, woy ka oghimu to maroot to kono no asawa ran, woy ka oghimu to mgo pamulinganon, woy ka ogsimba to mgo inotow-otow, woy ka og-uubat, igdogpak sikandan tibo dio to ogliabliab no hapuy to asupri. No ian ka igkararuwa no kamatayon.”