Markos 16:1 - Manobo Ata

¹ Ko katangkob on ka karusiloman to Allow ran to Oghimoloy nigboli ni Maria no taga Magdala, si Salomi woy si Maria no inoy ni Santiago, ka mgo mohomut no lana no litos to igbus-ug to lawa ni Hisus.

Markos 16:1 Iomraidhean Croise

Markos 14:3

Ko si Hisus, duon dio to Bitania to baloy to sika Simon no niggoram to ibung di nabawian on. Ko ogkokoon woy si Hisus, nigsolod ka songo boi no ogkomkomon din ka songo taguanan no nohimu to songo kalasi no batu no oghingaranan to alabaster. Naponu to ogkounawa to lana no mohomut no oghingaranan to nardu no mahal lagboy. Nò, niggopu din ka liog to sikan no taguanan no nigbus-ug din ka tibo dio to ulu ni Hisus.

Markos 14:8

Nighimu rin ka tibo no ogkohimu rin. Pigbus-ugan din ka lana kai to lawa ku oyow igpanagana rin ka lawa ku to allow no igsabalan ka lawa ku.

Markos 15:40

Duon dod ka mgo boi di mariu pad to krus. Duon si Maria no taga Magdala woy si Salomi woy si Maria no inoy ni Husi woy si Santiago no hari rin.

Markos 15:42

Nokouma on dio si Husi no taga Arimatia ko mahapun lagboy. Maroyow no konsial sikandin dio to Ampuanan dan no songo ogtatagad to Pogsugu to Magboboot kai to tano. To mahapun on to allow to mgo Hudiu to ogpanagana su allow ran to oghimoloy ko ogkapawo, nig-aguanta ni Husi to igkasipod din no nighondio ki Pilatu no nokouwang on no ogbuyu to lawa ni Hisus.

Markos 15:47

Ogbabantoy si Maria no taga Magdala woy si Maria no inoy ni Husi no nigkita ran ko hondoi ran isabal.

Markos 16:2

Ko napawo on to Dominggu, nighondio sikandan to pilang no nigsabalan ki Hisus.

Markos 16:8

Nò, niglibuwas to sikan no pilang ka mgo boi no nigpallaguy su noinuinu woy ogkolkol so goinawa ran. Waro dan nangoni ka agad hontow su nahallok lagboy sikandan.

Lukas 23:54

No sikan no allow no insabal dan ka lawa ni Hisus, ian allow to mgo taga Hudia no igpanagana ran to Allow ran to Oghimoloy woy to og-ampu. Magaan ogbunsud ka Allow ran to Oghimoloy su to batasan dan, ogpakabunsud to maapun to nokohun-a no allow.

Lukas 23:56

Pogkaponga ran to nigpitow, nan-uli on sikandan no nigpanagana on to mgo mohomut no mgo igdamuwas dan to lawa ni Hisus no namatoy. Di nighimoloy pad sikandan to allow to Sabaru su ian Allow ran to Oghimoloy woy to og-ampu unawa to innangon to Balaod dan.

Lukas 24:1

To mapawo on to Dominggu no ian ka an-anayan no allow to simana, nigsolom on ian ka sikan no mgo boi no nanhondio sikandan to nigsabalan ki Hisus, no nig-alap dan ka mgo mohomut no intagood dan impanagana no igdamuwas to lawa rin.

Huan 19:25

No, marani ro dio to krus ni Hisus ogmanasasindog ka inoy rin, woy ka kakoy to inoy rin, woy si Maria no asawa ni Kliopas, woy si Maria Magdalina.

Huan 19:31

Nò, nig-inso ka mgo igbuyag to mgo Hudiu ki Pilatu ko ogbogoy to ogkapantigan ka mgo lison to sikan no tatolu su magaan do porom og-awaa ka lawa to namatoy su allow ran to oghimu to igtagad to Allow ran to Oghimoloy to sunud no allow. Dakol ka igtahud dan to sikan no allow woy kono ogkaayun to Balaod dan ko ogkagalat ka mgo namatoy to krus to sikan no Allow ran to Oghimoloy.