Markos 13:6 - Manobo Ata

⁶ Ogpokouma ka mohon-ing no mgo otow no og-alap to koddi no ngaran no kagi ran, “Koddi ka Im-imanan to mgo Koot-otawan. Nò, ogkagawayan ka mohon-ing no mgo otow.

Markos 13:6 Iomraidhean Croise

Matiu 24:11

Songo mohon-ing ka mgo otow no og-abin no talagnangon sikandan to Magboboot no ognangonnangon to kagi to Magboboot, di ubat do duon. Ogpakasuwoy ka mohon-ing no mgo otow pinabayo kandan.

Matiu 24:5

su mohon-ing ka mgo otow no ognangon to, ‘Koddi ian ka Im-imanan to mgo Koot-otawan.’ Sikan ian no mohon-ing ka oggawayan.

Markos 13:22

Sikan ian su ogpokouma uromo ka mgo kono no malogot no Im-imanan to mgo Koot-otawan woy kono no malogot no talagnangon to kagi to Magboboot. Oghimuon dan pad ka mgo koin-inuan mgo igpatokod oyow ogkagawayan dan pad porom ka mgo otow no nig-alam to Magboboot ko ogkohimu.

Markos 13:5

Kagi ni Hisus kandan to, “Ayad-ayad kow no kono kow ogkagawayan to agad hontow.”

Markos 13:7

Ko ogdinogon now ka gira no marani woy ka balita to duon dangob dio to mariu, ko kow ogkasasow. Og-awos to ogpakatood ka soin no mgo gira di kono pad ogpokouma ka mohuri no allow.

Huan 5:43

Nighondini a to ngaran to Amoy ku no Magboboot di kona a now man ogsagmanon. Di ko oghondini ka songo otow no ligkat to kandin no goinawa do ka katondanan, ogsagmanon now sikandin atag.

Huan 8:24

Kagi pa ni Hisus, “Nignangonan kud sikaniu to ogkamatoy kow ro duon no waro maawo ka salo now. Nò, malogot soini ko kono kow ogtuu to koddi ka nigtagaran now no Im-imanan to mgo Koot-otawan.”

Huan 8:28

Nò, kagi pa ni Hisus kuwo kandan. “Koddi no Kakoy to Koot-otawan, ig-ampow a now dio to krus no oglindogon now ka sikan no krus. Bali pad naan, ogkataga kow on to koddi ka nigtagaran now no Im-imanan to mgo Koot-otawan. Songo ogkataga kow on to kono ogligkat to koddi no bobootan ka agad nokoy no oghimuon ku di ka ignangon ku kaniu ka ig-anad koddi to Amoy ku.

1 Huan 4:1

Mgo sulod, kono tad on ogtuuan ka tibo no mgo nangnangonon no ogligkat dio to agad hondoi. Ian su og-awoson to og-ol-ologan ta ka sikan no mgo nangnangonon ko tu-tuu no nigligkat to Gimukud to Magboboot woy ko kono. Ian su mohon-ing ka mgo otow no og-alap-alap to mgo nangnangonon kai to ampow to soini no kalibutan no og-abinon dan to mgo talagnangon to kagi to Magboboot dokad di ubat doka ogkagion dan.