Markos 1:34 - Manobo Ata

³⁴ Nò, nabawian ni Hisus ka mohon-ing no mgo otow no duon loinloin no oggoramon dan woy nandogil din ka mgo busow no nigsolod to diralom to duma no mgo otow. Wa din pakagia ka mgo busow su nigtokod dan to sikandin ka Anak to Magboboot.

Markos 1:34 Iomraidhean Croise

Matiu 4:23

Niglogoblogob ni Hisus ka tibo no mgo lunsud to Galilia no og-anad duon to mgo anaranan to mgo og-ampu. Nignangonnangon sikandin to mgo otow to Maroyow no Nangnangonon bahin to Pogsugu to Magboboot kai to soin no kalibutan woy nigbawian din ka mohon-ing no loinloin no dalu duon to mgo otow.

Matiu 4:24

Nabantug si Hisus dio to marani no mgo lunsud woy agad dio to tibo no ugpaan to Siria. Omunaan nig-alap to mgo otow dio to kandin ka tibo no mandaralu, agad nokoy no kalasi no ogkounawa to otow no nigsoloran to busow, ka ogbaboyon woy ko noumil no mgo otow. Nigbawian din ka tibo.

Markos 1:25

Di nigsaparan ni Hisus ka busow no kagi rin, “Hagtong kad no ogkagi; libuwas kad kai to diralom to soin no lukos.”

Markos 3:12

Nò, pigbohog lagboy ni Hisus ka mgo busow to, “Kona a now inangon ko hontow a.”

Lukas 4:41

Woy puun to mohon-ing no mgo otow, nanlibuwas on ka mgo busow, no ogbabansagon ka mgo busow to, “Sikoykow naan ian ka Anak to Magboboot.” Di nigsaparan ni Hisus ka mgo busow no kono din ogpakagion su nataga ka mgo busow to si Hisus, ian ka Kristu no Im-imanan to mgo Koot-otawan.