Markos 1:22 - Manobo Ata

²² Noinuinu ka mgo otow to pog-anad ni Hisus su dakol ka katondanan din no og-anad no kono no unawa to mgo Talag-anad to Balaod.

Markos 1:22 Iomraidhean Croise

Matiu 13:54

Dio to anaranan to mgo og-ampu, nig-anad din ka mgo otow. Nabolongbolong ka mgo otow no nakarinog to in-anad din. Kagi to mgo otow to, “Hondoi rin kua ka katagaanan din? Hondoi puun ka kabogbogan din to oghimu to kabolbolonganan?

Markos 1:23

Pog-anad ni Hisus dio to anaranan to mgo og-ampu, nigsolod ka sagboka no lukos no pigbusawan on.

Lukas 2:47

Ka tibo no mgo otow no nigpamminog ki Hisus, nabolongbolong to dakol ka ogkasabutan din woy maroyow ka mgo tabak din to mgo buyag.

Lukas 21:15

su koddi ka ogbogoy kaniu ko nokoy ka ogkagion now woy ka ogkatouan now to maroyow no igtabak now su oyow, agad hontow ka usig now, waro litos no igtabak dan to ogkagion now woy kono ogpakaligal sikandan to igtabak now.

Lukas 4:32

Nabolongbolong ka mgo otow to pog-anad ni Hisus su duon kabogbogan din to og-anad.

Huan 7:46

Nigtabak ka mgo talagbantoy to, “Waro pad otow no ogpakakagi no unawa ki Hisus.”

Hinimuan 6:10

Di waro makaroog to kagi rin su pigbogayan si Istiban to katouanan woy to kabogbogan no nigligkat to Gimukud to Magboboot.

2 Kurintu 4:2

Nig-iniugan noy on ka agad nokoy no igkoholos woy ka ogpakasipod no batasan. Lagkos to waro otow no oggawayan noy woy kono noy ogbalbalawon ka kinagian to Magboboot. Di oglitukon noy atag oyow malomu ro no ogkasabutan ka tu-tuu ian no nangnangonon. Ian su oyow ogpakasabut ka tibo no mgo otow to tu-tuu ian ka ogkagion noy to tangkaan to Magboboot.