Markos 1:15 - Manobo Ata

¹⁵ Kagi rin, “Natuman on ka mgo allow to Magboboot no magaan on ogbunsud ka Pogsugu din. Sonditi now woy ongkori now ka mgo salo now no tuui now ro ka Maroyow no Nangnangonon.”

Markos 1:15 Iomraidhean Croise

Matiu 10:7

Hipanow kow woy inangon now kandan no magaan on ogkatuman ka Pogsugu to Magboboot kai to kalibutan.

Matiu 3:2

Nigkagi si Huan to mgo otow to, “Balbalawi now ka goinawa now woy ongkori now on ka maroot no mgo batasan now su natuman on ka Pogsugu to Magboboot kai to tano.”

Matiu 4:17

Sikan ka pogbunsud to pogbatbat ni Hisus to mgo otow no kagi rin to, “Sunditi now ka goinawa now woy ongkori now ka mgo salo now su magaan on ka Pogsugu to Magboboot kai to soin no kalibutan.”

Lukas 10:11

‘Agad ka basak to soin no lunsud now, ogtopungan noy no igpo-indan noy kaniu to warad on labot noy kaniu. Di indani now ka inkagi noy kaniu to nigmarani kow poron to Pogsugu to Magboboot.’ ” Ian ka innangon ni Hisus to mgo hibatoon din.

Lukas 10:9

Ligkat to kabogbogan ku, bawii now ka mgo otow to sikan no lunsud ko duon ogmandaralu. Nangnangoni now ka mgo otow to, ‘Marani on ka Pogsugu to Magboboot kaniu.’ ”

Lukas 24:47

Songo og-awos to ognangonan ka tibo no otawa bunsud kai to lunsud to Hirusalim to ogpasayluon sikandan to mgo salo dan to Magboboot ko ogsonditan dan woy og-ongkoran dan ka mgo salo dan.”

Hinimuan 20:21

Agad Hudiu woy ka kono no Hudiu, nigbohog ku sikandan to og–awoson to ogsonditan woy og–ongkoran dan on ka mgo maroot no oghimuon dan woy to oghalinon dan on ka goinawa ran dio to Magboboot no ogtuu on ki Hisu Kristu no Lagboy no Igbuyag ta.

Ruma 16:26

Di kuntoon, impohitaga on to Magboboot su impasulat din on to mgo talagnangon to kagi rin dongan, woy su sikandin no ian Magboboot no waro katamanan, nigsugu to oyow ognangonnangon on dio to agad hondoi no otow to oyow ogtuu on woy to oyow ogpaagad-agad poron ka tibo kandan.

Galasia 4:4

Di ko nokouma on ka allow no imboot to Magboboot, impootow rin on ka bugtung no anak din, no kai to boi to soini no kalibutan impaanak. Nig-alam din ka boi no nasakup to sikan no Balaod ni Moisis su oyow ko dakol on ka anak din, ogkabalukas din on ka tibo no songo nasakup to sikan no Balaod oyow ogkohimu on sikandan no anak to Magboboot.

Episu 1:10

Ka tuud to Magboboot oyow, ko ogpokouma on ka allow no nig-indanan din, ogsagbokoon din naan do dio ki Kristu ka katondanan to tibo to agad nokoy no dio to Langit woy ka kai to kalibutan.

1 Timoteo 2:6

no sikandin ka nigpakimatoy no igbalukas to mgo salo to tibo no mgo otow. No ligkat to sikan no nohimu to litos no allow, impamalogot din to ogkoiniatan din to ogkapangabangan ka tibo no mgo otow to mgo salo dan.

Titu 1:3

No ko natuman on ka allow no nig-indanan to Magboboot dongan, impohitaga rin on kanta to sikan no kinagian din. No ka Magboboot no ian Talagpangabang kanta, pigsaligan a rin woy nigsugu a rin to oyow ogpakanangonnangon a to sikan no kinagian.