Lukas 9:5 - Manobo Ata

⁵ Agad hondoi no lunsud ko kono kow ogpalopowan,” kagi, “ko ogpokohipanow kow on no ogligkat to sikan no lunsud, topungi now ka paa now oyow ogkaawo ka basak no igpatokod now to waro labot now to sikan no lunsud ko oglogparan sikandan to Magboboot,” kagi ni Hisus.

Lukas 9:5 Iomraidhean Croise

Matiu 10:18

Woy og-alapon kow nikandan dio to tangkaan to gobirnador woy mgo igbuyag su ogtuu kow koddi. Ko ogkoumaan kow on soini, ignangon now ka Maroyow no Nangnangonon dio to mgo Hudiu woy to mgo kono no Hudiu.

Markos 6:11

Di ko kono ogtinawo kaniu dio to datongan now porom woy ko kono ogsagman ka mgo otow to nangnangonon now, topungi now ka basak duon to paa now no hipanow kow on. Sikan ian ka igpatokod now to mgo otow to warad labot now to sikan no lunsud ko oglogparan sikandan to Magboboot.”

Markos 9:37

Kagi rin, “Sika otow no ogsagmanon din ka bato no ogkounawa to soin no bato su ka goinawa rin koddi, sikoddi ka ogsagmanon din. No ko hontow ka ogsagman koddi, kono no sikoddi do ka ogsagmanon din; songo ogsagmanon din dod ka Magboboot no nigsugu koddi.”

Lukas 10:16

Kagi ni Hisus to hibatoon din to, “Ka otow no ogpamminog kaniu, ogpamminog koddi, no ka otow no og-iniug kaniu, songo ogkounawa ro to og-iniug koddi, no ka og-iniug koddi, songo og-iniugan din do ka Magboboot no nigsugu koddi kai,” kagi ni Hisus.

Lukas 5:14

No, nigsugu ni Hisus sikandin to, “Ko nu nangoni ka agad hontow to nabawian on ka kogang nu; hondio kad nasi to talagpanubad to Magboboot no ipapitow nu kandin to warad on ka ibung to lawa nu. Ibogoy nu to Magboboot ka insugu ni Moisis dongan no igtubad su ian ka igpoitaga to mgo otow to malogot ian no noulian kad on.”

Lukas 9:4

Ko hondoi no baloy ka ogdatongan now, palinggalat kow taman to oghipanow kow on.

Lukas 9:48

Kagi ni Hisus kandan, “Agad hondoi no otow no ogtinawoon din ka soin no bato su ka goinawa rin koddi, songo ogtinawo ian koddi. No ko hontow ka ogtinawo koddi, songo ogtinawoon din pad ka Magboboot no nigsugu koddi,” kagi ni Hisus. “No ka duma now no kono ogpalabow so ngaran din dio to tangkaan now, sikan ian ka labow so ngaran dio to tangkaan to Magboboot.”

Hinimuan 13:51

No to poglibuwas on sikandan to sikan no lunsud, nigtopungan dan ka obol to tano duon to paa ran no igpasabut dan to ogbalagaron dan on ka mgo taga Antiokia no waro nigtuu. No nigparagas nighipanow sikandan no oghondio to lunsud to Ikuniu.

Hinimuan 18:6

Di ka mgo Hudiu, nig–atu to innangonnangon ni Pablo woy nigdoot dan sikandin. Sikan ian to nigtopungan ni Pablo ka sabinit din no igpatokod to warad labot din kandan. No kagi rin to, “Ko oglogparan kow, waro salo ku, salo now ro. Bunsud kuntoon, dio ad on ognangonnangon to mgo otow no kono no Hudiu.”