Lukas 8:35 - Manobo Ata

³⁵ Sikan ian no nanhondio ka mgo otow su ogpitawon dan ko noomonu on ka lukos no pigbusawan on. To nigdatong ka mgo otow dio ki Hisus, nigkita ran ka lukos no warad on ka mgo busow to lawa rin. Nanginabo on no duon on nigpinpinnuu to marani to paa ni Hisus. Maroyow on ka pogdoromdom din to warad ka mgo busow. Di nahallok ka mgo otow.

Lukas 8:35 Iomraidhean Croise

Matiu 4:24

Nabantug si Hisus dio to marani no mgo lunsud woy agad dio to tibo no ugpaan to Siria. Omunaan nig-alap to mgo otow dio to kandin ka tibo no mandaralu, agad nokoy no kalasi no ogkounawa to otow no nigsoloran to busow, ka ogbaboyon woy ko noumil no mgo otow. Nigbawian din ka tibo.

Markos 5:15

Pogkouma ran dio ki Hisus, nigkita ran ka sika lukos no warad ka mgo busow to lawa rin. Ogpinpinnuu ro no nanginabo on no maroyow on ka doromdomon din to warad ka mgo busow. Di ka mgo otow, dakol ka igkallok dan.

Lukas 10:39

Duon hari ni Marta no si Maria. Nigpinpinnuu si Maria marani ki Hisus su ogpamminog to ig-anad din.

Lukas 15:17

Bali naan no nakaroromdom ka sikan no balubato to amoy rin. Kagi to goinawa rin, ‘Mohon-ing ka mgo suguonon dio to amoy ku no dakol ka koonon dan woy duon dod ogkasamo, di koddi atag kai, ogkamatoy ad to gutas.

Lukas 2:46

Tatolu on no allow woy ran kitaa si Hisus, no duon dod dio to Dakol no Ampuanan no nigpataliwaro si Hisus nigpinnuu to mgo talag-anad to kagi to Magboboot no nigpamminog si Hisus to kagi ran woy songo duon inso din kandan tongod to pog-anad dan.

Lukas 8:27

Duon lukos dio to Gadara no pigbusawan. Nalugoy on sikandin woy kono ogkikinabo; oglobas do ian. Kono og-ugpo dio to baloy su dio og-ugpo to mgo pilang no lobonganan. Malasi ogbangguti to karina mgo igpakagat no putow woy pigbantayan sikandin to mgo duma rin. Di ogbigtawon din do ka mgo imbanggut kandin, woy ogginanuyon to busow ka sika otow dio to holholawan. Nò, to niglogsad si Hisus, nigtagbu sikandin to sikan no otow no pigbusawan. Pogkita rin ki Hisus, nigngangang woy niglangkob sikandin dio to tangkaan ni Hisus. Nigsugu on ni Hisus ka busow su ogdogilon din. No sikan ian to nigbabansagon ka otow no pigbusawan no kagi rin to, “Hisus, Anak to Magboboot, nokoy ka tuud nu koddi? Pangayungpu a koykow to kono a nu bag logpari.”

Lukas 8:34

No, ka mgo lukos no nigbantoy to babuy, pogkita ran ko noomonu ka pigbusawan woy ka babuy, nigpallaguy sikandan. Tibaan dan pannangoni ka dio to lunsud woy ka dio to mgo hilit.

Hinimuan 22:3

No kagi ni Pablo to, “Sikanak, Hudiu a no dio a mootow to lunsud to Tarsu dio to probinsia to Silisia. Di, kai a mogtulin to soini no lunsud to Hirusalim no si Gamaliel, ian ka nig–anad kanak. Matuwarong ka pog–anad din kanak to sikan no Balaod no inggalat to mgo kaap–apuan ta. No nounawa a rod man kaniu no kai kuntoon su nigpoomot a lagboy to pogtuman ku to tibo to pogsabut ku no ogkoiniatan to Magboboot.

1 Huan 3:8

Di ka otow no ogparagason ka poghimu rin to mgo salo, sakup dod ni Satanas su ligkat to an-anayan, batasan ni Satanas to oghimu to salo. Di ian inghondini ni Hisus to soini no kalibutan su oyow oggulakon din ka mgo hinimuan ni Satanas.