Lukas 7:8 - Manobo Ata

⁸ Nataga a to soini tongod to duon koddi no mgo igbuyag no ogtumanon ku ka igsugu dan. Songo unawa ro koddi su songo duon katondanan ku to mgo sundalu ku. Ogsuguon ku ka sagboka to, ‘Hondio ka,’ nò, oghondio sikandin; ogsuguon ku ka duma to ‘Hondini ka,’ nò, oghondini sikandin. Woy ognangonan ku ka suguonon ku to, ‘Himua nu soini,’ nò, oghimuon din on.”

Lukas 7:8 Iomraidhean Croise

Lukas 7:7

Sikan ian to waro a mogtagbu koykow. Agad ko ogkagi ka ro no ogkabawian on ka suguonon ku.

Lukas 7:9

Pogdinog ni Hisus to kagi to mgo otow no nigligkat to kapitan, nabolongbolong sikandin. Nigbalikid si Hisus dio to mgo otow no mohon-ing no ogluyud kandin no kagi rin kandan to, “Malogot ka soini no ignangon ku kaniu. Waro ku kitaa ka pogtuu to agad hondoi no otow agad to mgo pinanganak ni Israil no ogpakasokod to pogtuu to sikan no kapitan,” kagi ni Hisus.

Hinimuan 23:17

Pogkataga ni Pablo, nig–umow rin ka sagboka to mgo kapitan no kagi ni Pablo to, “Ihatod nu ka soini no balubato dio to igbuyag to mgo sundalu su duon ignangon din.”

Hinimuan 23:23

Pogkaponga, nig–umow rin ka daruwa no kapitan no kagi to igbuyag dan to, “Limura now on ka daruwa no gatus no sundalu no oghipanow, woy kapituan no sundalu no ogpanguddo, woy daruwa no gatus no sundalu no og–alap to kommag. Tagama kow on oyow ogpakaligkat kow on angkuwan to alas nuibi to kuntoon do no marusilom su ogsuguan kow dio to lunsud to Sisaria.

Hinimuan 23:26

“Sikanak no si Klaudiu Lisias, ogpangumustoon ku sikoykow no tahuronon no Gobirnador Pilik.

Hinimuan 23:31

Nò, nigpaagad–agad to mgo sundalu ka innangon to igbuyag dan. No ko marusilom on, inhatod dan on si Pablo dio to lunsud to Antipatria.

Hinimuan 24:23

Pogkaponga, nigsugu ni Pilik ka songo kapitan to, “Bantayi nu si Pablo, di kohoy–ui nu ro oyow kono ogkohirapan. Woy ibogoy nu oyow ogpakapanumbaloy ka mgo duma rin su oyow ogkabuligan dan sikandin.”

Hinimuan 25:26

Dokad di, waro a mataga ko nokoy ka igkanangon ku ki Sisar tongod ki Pablo,” kagi ni Pistu. “Sikan ian to igpatangko ku pad si Pablo kaniu. No lagboy ku no maroyow ko sikoykow, Buyag Agripa, ka og–insoinso kandin oyow duon igsulat ku no igpaalap ku ki Sisar tongod ki Pablo.

Kulusas 3:22

Sikaniu no mgo uripon, ungod kow ogpaagad-agad to tagtuun kaniu, kono do to oyow ogmaroyow ka pogpitow ran kaniu. Di og-awoson to kono oglimanglimang ka goinawa now to ogtalabau su ligkat to dakol no pogtahud now to Magboboot.