Lukas 7:6 - Manobo Ata

⁶ Sikan ian to nigduma si Hisus kandan. To marani on to baloy to kapitan, duon mgo karumaan to sikan no kapitan no pinatagbu rin ki Hisus no kagi ran kandin to, “Buyag,” kagi to kapitan, “balagad ko kono kad ogparagas dio to baloy ku su ogkasipod a to kono a ogpakasokod koykow Hisus, su molintok do ka koddi no katondanan.

Lukas 7:6 Iomraidhean Croise

Matiu 20:28

Ian oyow ogkounawa kow koddi no Kakoy to koot-otawan kai to kalibutan to waro a nighondii oyow koddi ka ogpangabangan to mgo otow, di nighondii a oyow ogpakapangabang a kandan woy koddi ka ogpakapangabang to mohon-ing no mgo otow pinabayo to kamatayon ku.”

Matiu 3:11

Nigparagas no nigkagi si Huan to, “Woig ka igbautismu ku kaniu, indanan no pig-ongkoran now on ka mgo maroot no mgo batasan now. Di ka ogpakasundul koddi, ogbautismuan kow ian nikandin to Gimukud to Magboboot woy hapuy. Sikan no ogsundul koddi, dakoldakol pad koddi ka katondanan din. Doidoisok ka katondanan ku agad to oghokad to kandin no sandal.

Markos 5:24

Nò, nigduma on si Hisus kandin. Nanduma ka mohon-ing no mgo otow ki Hisus no nalingotan to mgo otow sikandin.

Lukas 5:8

Nò! Pogkita ni Simon to nohimu ni Hisus bahin to ngalap, nigluhud to tangkaan ni Hisus. Kagi rin ki Hisus to, “Buyag, mariu ka koddi su makasasalo ad no otow.”

Lukas 7:4

To nokouma ka mgo Hudiu dio ki Hisus, nigpohoy-uhoy-u kandan no kagi ran, “Maroyow lagboy ka sikan no kapitan no nigsugu kanami.

Lukas 7:5

Dakol ka goinawa rin kanta no mgo taga Hudia woy sikandin ka nigbayad to ogpohimu to kanami no anaranan to mgo og-ampu,” kagi to mgo tahuronon to mgo Hudiu.

Lukas 7:7

Sikan ian to waro a mogtagbu koykow. Agad ko ogkagi ka ro no ogkabawian on ka suguonon ku.

Lukas 8:49

To nigkagikagi pad si Hisus, duon otow no nokouma puun to baloy ni Hairu. Sikandin ka sika no igbuyag to anaranan to mgo og-ampu. Kagi to sika lukos ki Hairu to, “Kono nud on ogsasawa ka Maistru su namatoy on ka anak nu.”

Hinimuan 10:38

No nanangnangonan on ka mgo otow to nigbogayan on to Magboboot si Hisus no taga Nasarit to Gimukud din, woy to dakol no kabogbogan. No agad hondoi nigdolog sikandin, nigbuligan din ka mgo otow. Woy nigbulung din on ka tibo no pigbaybayaran to busow su nigdumaruma ka Magboboot kandin.

Santiago 4:10

Og-awoson to igpariralom ta ka goinawa ta to Lagboy no Igbuyag ta, no pogkaponga, ogbatunon kid on nikandin.

Santiago 4:6

Di dakoldakol pad ka pogkohoy-u to Magboboot kanta oyow ogpokounug ki to kandin no goinawa. Sikan ian to duon impasulat din dongan to, “Og-atuan to Magboboot ka otow no ogparakoldakol di ogkohoy-uan din ka ogpoobos.”