Lukas 7:39 - Manobo Ata

³⁹ Nò, ka Parisiu no nigpatugun ki Hisus, pogpitow rin to pighimu to boi ki Hisus, kagi to goinawa rin to, “Man naan poron ko talagnangon pa to kagi to Magboboot ka soin no lukos, ogtokoron din poron ko hontow ka soin no boi no ogpunas to paa rin to makasasalo no boi ian.”

Lukas 7:39 Iomraidhean Croise

Matiu 20:16

Nò, kagi ni Hisus to, “Sikan ian ka ogkamohuri no ogdani koddi, uromo, sikandan on ka ogpokohun-a. Sikan no mgo nokohun-a sikandan on ka ogkamohuri.”

Matiu 21:11

Ka mohon-ing no mgo otow no nigduma ki Hisus ka nigtabak to, “Soini si Hisus no talagnangon to kagi to Magboboot no taga Nasarit no dio to Galilia.”

Markos 7:21

Ian su dio to goinawa ta ian ka ogpuunan to maroot no mgo pogdoromdom to oghimu to maroot dio to wa asawa, to ogpanakow, to ogbunu to otow,

Lukas 12:17

No nakadoromdom ka sikan no datu to, ‘Ogmonuon ku naan ka soini no dakol no oggaanion ku uromo to waro litos no ogkasabukan ku?

Lukas 15:2

Di ka mgo Parisiu woy ka mgo talag-anad to Balaod, nigmugongmugong kandan bahin ki Hisus no kagi ran to, “Amana soini no otow no ogsagman to mgo makasasalo no mgo otow woy songo og-amut kandan ko ogkokoon.”

Lukas 16:3

No kagi to goinawa to sinaligan din to, ‘Momonu a buad to ogpaawoon a to igbuyag ku to soini no talabau ku? Kono no manokal amana ka lawa ku no kona a ogpokohonat to mabogat no talabau to tano, woy songo ogkasipod a man ko ogpamuyu a to og-awoson ku.

Lukas 18:4

An-anayan, wa mogpangabang ka sika talagboot to balu, di pogkalugoy no ungod niglibonglibong ka nabalu, kagi to goinawa to sika talagboot to, ‘Agad naan to waro igtahud ku to Magboboot woy songo waro igtahud ku to mgo otow,

Lukas 3:8

Ko kono now ogkoiniatan to ogkoumaan kow to iglogpad uromo, balbalawi now ka goinawa now woy himua now ka maroyow no batasan now no igpakita now to nabalbalawan on ka goinawa now. Ko kow ogsalig to goinawa now to nahan now no kono kow ogkalogparan su si Abraham ka minuna now. Ko og-awoson to Magboboot to duon apu ni Abraham ogkagian din do ka soin no mgo batu no ogpokohimu no mgo kapunganan ni Abraham,” kagi ni Huan.

Lukas 7:16

No ka tibo no mgo otow no nakakita, dakol ian ka ingkoinuinu ran no nigsayo dan on ka Magboboot to kagi ran to, “Duon nokouma kanta no mabogbog no talagnangon to kagi to Magboboot,” woy kagi ran dod to, “Nighondini ka Magboboot oyow ogpangabangan ki no mgo otow rin.”

Lukas 7:37

No, duon songo boi to sikan no lunsud no maroot ka oghimuon din. Nigdinog to dio ogkoon si Hisus to baloy to sikan no Parisiu. Sikan ian no nig-alap din dio ka taguanan no nohimu to kalasi no batu no oghingaranan to alabaster no naponu to ogkounawa to lana.

Lukas 7:38

Duon do nigsasindog ka boi to longod to paa ni Hisus no nakasinogow on sikandin. Nasubid on ka paa ni Hisus no nigtuluan to luwo to boi, no nigpunasan to boi ka paa rin to bulbul din. Napongaan din on to nigpunas, nigharokan din ka paa rin woy nigbus-ugan din on ka paa rin to sikan no mohomut no ogkounawa to lana no nig-alap din.

Lukas 7:40

Kagi ni Hisus no intabak to kagi dut goinawa to tagbanwa to, “Simon, duon ignangon ku koykow.” Kagi to tagbanwa to, “Nokoy naan Maistru ka ignangon nu koddi?”

Huan 4:19

Kagi to sikan no boi, “Buyag, ogpakasabut ad on to duon katagaanan nu no talagnangon ka to kagi to Magboboot.”

Huan 7:12

Ka mgo nalibulung no mgo otow dio, ognaasnaasan dan do bahin kandin. Duon mgo otow no kagi ran, “Maroyow no lukos sikandin.” Di kagi to duma no mgo otow, “Kono man no maroyow sikandin su oggawayan din ka mgo otow.”

Huan 9:24

Nò, hutuk umowa ka sikan no nabutud no kagi ran kuwo kandin. “Nangoni koy to malogot no kai ki to tangkaan to Magboboot. Ka kanami no mgo buyag nu nataga koy to makasasalo no otow ka sikan no lukos no pigbawian ka mata nu.”