Lukas 7:37 - Manobo Ata

³⁷ No, duon songo boi to sikan no lunsud no maroot ka oghimuon din. Nigdinog to dio ogkoon si Hisus to baloy to sikan no Parisiu. Sikan ian no nig-alap din dio ka taguanan no nohimu to kalasi no batu no oghingaranan to alabaster no naponu to ogkounawa to lana.

Lukas 7:37 Iomraidhean Croise

Matiu 21:31

“Nò man,” kagi ni Hisus, “hontow to soin patalahari ka nigtuman to insugu to amoy ran?” Nigtabak sikandan to, ‘Ka kakoy ian’. “Malogot ka ignangon ku kaniu,” kagi ni Hisus kandan, “Ogpokohun-a pad kaniu no ogpasakup to Pogsugu to Magboboot ka mgo talagkubla to bayad to buhis woy ka mgo boi no ogpanlibug.

Lukas 18:13

Di ka talagkubla to buhis, to nig-ampu, dio nigsasindog to mariu to duma no mgo otow no waro ian niglonghag to nig-ampu. Nigtagpi din ka sosolobon din no kagi rin to, ‘Magboboot, kohoy-ui a nu su makasasalo a no otow.’ ”

Lukas 19:7

To pogkita to mgo otow no dio niglopow si Hisus to baloy ni Sakiu, nigmugongmugong ka mgo otow no kagi ran to, “Dio atag nigdatong si Hisus to baloy to otow no makasasalo.”

Lukas 5:30

Nigbayo dio ka duma no mgo Parisiu woy ka duma no talag-anad to Balaod. Nigmugongmugong sikandan no inso dan to mgo hibatoon ni Hisus to, “Manio to og-amut kow no ogkoon woy og-inum to mgo makasasalo woy ka mgo talagkubla to buhis?”

Lukas 5:32

Kagi ni Hisus, “Wara a moghondini to ogbulig to mgo otow no matuwarong ko kono ian ku ogbuligan ka mgo makasasalo oyow ogbalbalawan dan ka mgo batasan dan.”

Lukas 7:34

Kagi ni Hisus, “Koddi no ian Kakoy to Koot-otawan kai to tano, nighondini ad to kaniu no nigkoon ad dio to mgo pagkoonan now woy nig-inum a rod to inumanon di songo nigdoot a now to kagi now to, ‘Tungulon ka soini no lukos woy palainum, woy amigu sikandin to mgo talagkubla to buhis woy mgo otow no makasasalo.’ Sikan ka ogkagion now,” kagi ni Hisus.

Lukas 7:36

Duon sagboka no otow to mgo Parisiu no intugun din ki Hisus to oyow dio ogkoon to kandin no baloy. Nighondio si Hisus woy nigsolod on to baloy to Parisiu woy nighibat to kilid din dio to ogkoon.

Huan 11:2

Soini no Maria, ian ka boi no nigbus-ug to mohomut no agua dio to paa ni Hisus woy nigtarapuan din to bulbul din. Ka kandin no maama no si Lasaru ka nigdaralu.

Huan 9:24

Nò, hutuk umowa ka sikan no nabutud no kagi ran kuwo kandin. “Nangoni koy to malogot no kai ki to tangkaan to Magboboot. Ka kanami no mgo buyag nu nataga koy to makasasalo no otow ka sikan no lukos no pigbawian ka mata nu.”

Huan 9:31

Nataga ki to kono ogpamminog ka Magboboot to mgo makasasalo. Di ka otow no ogtahud to Magboboot woy ogtuman to igsugu din, ogpamminog ka Magboboot kandin.

Ruma 5:8

Di ka Magboboot atag, impapitow kanta ka dakol no goinawa rin, su agad maroot pad ka mgo batasan ta nokani, di nigpakimatoy si Kristu no ogtobus kanta.

1 Timoteo 1:15

Tu-tuu ian ka soini no nangnangonon no litos no ogtuuon ta to waro igduwaruwa ta, to nighondii si Hisu Kristu to soini no tano oyow ogkapangabangan din ka mgo otow no makasasalo. No sikanak, labow ka kanak no salo to duma no makasasalo no otow

1 Timoteo 1:9

Di songo nataga ki to, ka Balaod, waro nohimu no igtambag to mgo otow no maroyow so batasan dan, di ian nohimu oyow ogkoudlingan ka mgo otow no kono ogpaagad-agad woy ka oglop-ang to Balaod, unawa to mgo otow no kono ogtuu to Magboboot, woy ka makasasalo woy ka kono ogtahud kandin woy ka oghimatoy to inoy woy ko amoy ran, woy ka ogpambunu

1 Pedro 4:18

Ian su duon ingkasulat no kagi to Magboboot to, “Ay man ka mgo otow no maroyow so batasan, di woy ogkapangabangi ko mohon-ing ka ogkabayaan dan no igkabaybayari. Ian pad naan ka mgo otow no makasasalo woy waro makatilala to Magboboot.”