Lukas 7:30 - Manobo Ata

³⁰ Dokad di ka mgo Parisiu woy ka mgo talag-anad to Balaod to mgo Hudiu, nigsamilian dan ka tuud to Magboboot kandan poron su waro nigbogoy to ogbautismuan sikandan ni Huan.”

Lukas 7:30 Iomraidhean Croise

Matiu 22:35

Talag-anad to Balaod ka sagboka kandan. Niggawayan din porom si Hisus to mgo igtabak din to inso din kandin.

Lukas 13:34

Nigparagas si Hisus to kagi rin to, “A mgo taga Hirusalim. Kaniu ka oghimatoy to mgo talagnangon to kagi to Magboboot woy ogdogpakon now to batu oyow ogkamatoy ka mgo otow no nigsugu to Magboboot dio to kaniu. Malasi a porom ogkopkop to tibo no anak nu no unawa to upa no oglimuron din no ogkupkupan din ka mgo piak din, di wa kow man nigbogoy,” kagi ni Hisus.

Lukas 20:6

Di ko ogtabak ki to, ‘Nigpuun do to mgo otow,’ ogdogpakon ki to mgo otow to mgo batu su, nigtuu man sikandan to talagnangon to kagi to Magboboot si Huan.”

Lukas 7:31

Nigparagas si Hisus to, “Nokoy pad buwa ka ogpounawaan ku ka kuntoon no mgo otow?

Hinimuan 20:27

su waro ku iholos ka agad nokoy no imboot to Magboboot no igpohitaga rin kaniu.

Ruma 10:21

Di duon dangob no kinagian to Magboboot no impasulat din tongod to mgo pinanganak ni Israil. Kagi rin to: “Nahapunan a ka ungod ad og-imuimu to mgo otow to oyow ogdani poron kanak. Di kono man ogpaagad-agad woy malasi ogligal kanak.”

2 Kurintu 6:1

Nò, su nohimu koy on no talagbulig to Magboboot, duon ogbuyuon noy kaniu no nabogayan on to ingkohoy-u to Magboboot. No ian noy igbuyu to oyow kono now ogdaaton ka sikan no ingkohoy-u rin kaniu.

Galasia 2:21

Nò, kono ku man ogkoison ka sikan no pogkohoy-u to Magboboot kanta. Ian su ko ian pa ogpakamaroyow kanta dio to tangkaan din ka pogtuman ta to sikan no mgo Balaod ni Moisis, warad on pulus ka pogkamatoy ni Kristu.

Episu 1:11

No to tibo no oghimuon to Magboboot, ogtumanon ka tuud din woy ka ogkoiniatan din. No su tuud din, sikanami no an-anayan no nigtuu, impanoy koy rin nig-abin to oyow ogkohimu koy on no sakup din no ogkasagboka on ki Kristu. Ka sikan, tahan no imboot to Magboboot ligkat dongan. No ka tuud din to oyow ligkat kanami, ogkasayo ka Magboboot no ian mabogbog.