Lukas 7:26 - Manobo Ata

²⁶ “Nokoy naan ka inhondio now to sikan no holholawan? Og-inso a kaniu ko ian do ogpitawon now porom ka sagboka no talagnangon to kagi to Magboboot? Hoo,” kagi ni Hisus, “Ognangonan ku sikaniu to labow pad to talagnangon ka nakitaan now

Lukas 7:26 Iomraidhean Croise

Lukas 1:76

No kagi pa ni Sakarias to anak din, “No koykow no bato, ogkohingaranan ka uromo to talagnangon to kagi no ogligkat to Magboboot no kinalabawan sikandin. Ogpokohun-a ka kandin no ognangonnangon to oyow ogpakapanagana on ka mgo otow to pogdatong to Lagboy no Igbuyag ta.

Lukas 16:16

Kagi ni Hisus, “Ka Balaod ni Moisis lagkos to mgo ingkasulat to dongan no mgo talagnangon to kagi to Magboboot, ian now pad natagaan no kagi to Magboboot kaniu taman to nignangonnangon si Huan no Talagbautismu to mgo otow. Bunsud ki Huan, nakarinog kow to soini no Maroyow no Nangnangonon tongod to Pogsakup to Magboboot to mgo otow, no mohon-ing ka mgo otow no ogpoomot ogsolod to Pogsugu to Magboboot.

Lukas 20:6

Di ko ogtabak ki to, ‘Nigpuun do to mgo otow,’ ogdogpakon ki to mgo otow to mgo batu su, nigtuu man sikandan to talagnangon to kagi to Magboboot si Huan.”

Lukas 7:25

Ko kono, nokoy pad,” kagi ni Hisus, “ka inhondio now? Ka otow no ogpokoilis to maroyow lagboy no kinabo dan? Ka mgo otow no og-ilis to mahal no kinabo woy madmaroyow ka pog-ugpo dan, dio atag og-ugpo to mgo baloy to mgo datu,” kagi ni Hisus.

Lukas 7:27

su bahin ki Huan ka inpasulat to Magboboot dongan no kagi to Magboboot, ‘Ogpohun-oon ku koykow ka suguonon ku oyow kandin ka ogpanagana to dalan no ogbayaan nu.’ ”

Huan 5:35

Ogkounawa ka innangon ni Huan no Talagbautismu to sagboka no ilawan no naparokatan on no ogmalayag. Ko pila ro no bulan, narago kow to sikan no igbat-ow to dalan now dio to Magboboot”