Lukas 7:22 - Manobo Ata

²² Nigtabak si Hisus to mgo hibatoon ni Huan to, “Uli kow on dio ki Huan woy nangoni now sikandin to tibo no pigkita now woy pigdinog now kuntoon. Inangon now to ogpakakita on ka mgo nabutud, ogpokohipanow on ka mgo napulid, woy nabawian on ka kogang dut mgo ibungon; warad on ka igkaligsomi ran. Ogpakarinog on ka mgo nabongol woy ogkabuhi on ka mgo nammatoy. Woy songo ognangonan ku ka mgo publi to soini no Maroyow no Nangnangonon ligkat to Magboboot.”

Lukas 7:22 Iomraidhean Croise

Matiu 21:14

Di ka mgo nabutud woy ka mgo napulid namanhondio kandin to Dakol no Ampuanan no nigpanbawian din sikandan tibo.

Lukas 4:18

“Ka Gimukud to Magboboot, ogdumaruma koddi su pig-alam a rin to oyow ognangnangonan ku ka mgo publi no otow to Maroyow no Nangnangonon. Nigsugu a rin oyow ognangonan ku ka mgo otow no napirisu to ogpakalibuwas sikandan, woy dio to mgo nabutud ognangonan ku to ogpakagimulat on sikandan, woy ka mgo otow no nabaybayaran to ogkaawo on ka igkabaybayari ran.

Lukas 7:21

Nò, duon pad dio ki Hisus ka mgo hibatoon ni Huan to nigbawian on ni Hisus ka mohon-ing no mgo otow no mohirap on ka dalu ran. Songo nigdogil din ka busow to duma no mgo otow. Lagkos, mohon-ing ka nabutud no nigbawian din no nakakita on.

Lukas 7:23

Nigparagas si Hisus to kagi rin to mgo hibatoon ni Huan to, “Napulusan ka otow no kono no limanglimang ka goinawa ran to sikoddi ka impohondini to Magboboot.”

Huan 1:46

Kagi ni Natanial, “Umba soini nò! Waro buwa no maroyow ko taga Nasarit!” Kagi ni Pilipi, “Ogduruma ki pad; pitow ka.”

Hinimuan 26:18

Ian su oyow ogkabat–awan nu ka pogdoromdom dan oyow oghalin on ka goinawa ran dio to Magboboot no ogkoongkoran dan on ka marusilom woy ogkaawo on sikandan to katondanan ni Satanas. Ian su oyow, ligkat to pogtuu ran kanak, ogkapasayluan ka mgo salo dan woy ogpakaamut to mgo otow no nig–alam to Magboboot no mgo sakup din,’ kagi ni Hisus kanak.

Hinimuan 8:7

No mohon–ing on ka mgo busow no namangngiak on to maagbot no namanlibuwas on to lawa to mgo otow. Woy mohon–ing no mgo otow no napulid woy ka nigkolog ka lawa ran no noulian on to goramon dan.

Santiago 2:5

Mgo sulod ku no indakoli kud to goinawa, pamminog kow pa. Mohon-ing ka mgo otow no publi no nig-abin on to Magboboot oyow ogdakol ka pogsalig dan kandin woy to oyow ogpakalagkos sikandan to pogsugu to Magboboot uromo. Ka sikan, tahan din no ingkanangon no igbogoy rin to tibo no mgo otow no ogdakolon sikandin to goinawa ran.