Lukas 7:2 - Manobo Ata

² No duon dio to Kapirnaum ka songo taga Ruma no kapitan to songo puntuk no sundalu, no duon suguonon din no nannugunan din lagboy. Di nigdaralu ka sikan no suguonon no magaan on poron ogkamatoy.

Lukas 7:2 Iomraidhean Croise

Matiu 27:54

Nò, to niggoram to mgo igbuyag to mgo sundalu woy to mgo sakup din no nigtamong ki Hisus ka pogdinug woy to nigkita ran ka tibo no nohimu, nahallok lagboy sikandan no nignangon to, “Malogot naan ian no sikandin ka Anak to Magboboot.”

Lukas 23:47

No ka kapitan no ian igbuyag to mgo sundalu, to nigkita rin ka tibo no nohimu ki Hisus, nakasayo on to Magboboot no kagi rin to, “Ogtuu a ian to waro ian salo to soi otow.”

Lukas 7:1

Pogkaponga ni Hisus ka tibo no in-anad din to mgo otow, nighondio sikandin to lunsud to Kapirnaum.

Lukas 7:3

To nigdinog on ka kapitan to duon si Hisus, nigsugu din ka mgo igbuyag to mgo Hudiu to oyow oghondio ki Hisus no igtugun dan si Hisus to ogpohondini on to kandin su oyow ogkabawian din on ka suguonon din.

Lukas 8:42

su duon bugtung no anak din no boi no sampulu woy darua ka tuid din no kai naan do to liog din ka goinawa rin. Nò, to nighipanow si Hisus no oghondio to baloy ni Hairu, nalingotan sikandin to mohon-ing no mgo otow no ogduma kandin.

Hinimuan 10:1

Dio to lunsud to Sisaria, duon otow no kono no Hudiu no kapitan to songo sampangan no sundalu to taga Italia. Ka ngaran din no si Kornilio.

Hinimuan 10:7

Ko warad on ka diwata no nigkagi kandin, pig–umow ni Kornilio ka daruwa no uripon no suguanon din woy ka sagboka no sundalu no indakoli rin ka Magboboot to goinawa. Ka sikan no mgo otow no tatolu ka naalam din ligkat to duma no mgo suguanon din.

Hinimuan 22:26

Pogdinog to kapitan to sikan no kagi ni Pablo, nighondio pad to igbuyag to mgo sundalu no kagi rin to, “Manio to ogpabarasan nu kanami ka otow no nasakup to Ruma?”

Hinimuan 23:17

Pogkataga ni Pablo, nig–umow rin ka sagboka to mgo kapitan no kagi ni Pablo to, “Ihatod nu ka soini no balubato dio to igbuyag to mgo sundalu su duon ignangon din.”

Hinimuan 27:1

Nokouma on ka allow no pigbootan on to mgo igbuyag to ogligkat koy on no oghondio to probinsia to Italia. No si Pablo lagkos to duma no mgo napirisu, pigbogoy on dio ki Huliu no ian igbuyag to songo sampangan no sundalu no oghingaranan dan no Sampangan ni Igbuyag Agustu.

Hinimuan 27:3

Pogkapawo, nigduung koy on dio to lunsud to Sidon. Nohoy–uan ni Huliu si Pablo su nigbogoy on kandin to liwak to ogpanumbaloy dio to mgo alukuy rin dio to lunsud oyow ogkabogayan sikandin to mgo awosonon din.

Hinimuan 27:43

Di nigsaparan on to kapitan to oyow kono ogkatooran ka tuud dan su ogkoiniatan din no ogpangabang ki Pablo. No nigsugu din ka ogkatou to oglumbuk oyow sikandan ka oghun–a no ogtinugpu dio to woig oyow oglumbuk on no oghondio to pantad.

Kulusas 3:22

Sikaniu no mgo uripon, ungod kow ogpaagad-agad to tagtuun kaniu, kono do to oyow ogmaroyow ka pogpitow ran kaniu. Di og-awoson to kono oglimanglimang ka goinawa now to ogtalabau su ligkat to dakol no pogtahud now to Magboboot.