Lukas 6:7 - Manobo Ata

⁷ Di duon ka mgo talag-anad to Balaod to mgo Hudiu no ian duma to mgo Parisiu no mambabantoy ki Hisus ko ogbawian din ka otow no noumil so bolad din to Allow ran to Oghimoloy oyow ogkitoon dan ko duon igkabayung dan ki Hisus tongod to Allow ran to Oghimoloy.

Lukas 6:7 Iomraidhean Croise

Matiu 5:39

Di ka koddi no ig-anad kaniu, kagi ni Hisus, kono nu sulii ka otow no ogmaroot koykow. Woy ko ogtagpion ka kawanan no apongag nu, songo ipatagpi nu ka limang no apongag nu ko ogkoiniatan din.

Markos 3:2

Duon dod ka duma no mgo otow no ogbabantoy ki Hisus ko ogbawian din ka sikan no noumil to Allow ran to Oghimoloy. Ian su ko ogbawian din, ogbayungan dan sikandin dio to mgo igbuyag dan.

Lukas 13:14

Di ka igbuyag to sikan no anaranan to mgo og-ampu atag, nabolu su nigbawian ni Hisus ka boi to Allow ran to Oghimoloy. Kagi to igbuyag to anaranan dut mgo otow to, “Duon hon-om no allow no litos no ogpakatalabau ki, no hondini kow to sikan no mgo allow oyow ogkabawian kow. Di kono ogkaayun kuntoon no Allow ta to Oghimoloy.”

Lukas 20:20

Sikan ka tuud dan no nigbantayan dan si Hisus. Pigbayaran dan ka mgo talagpaniid no nigsugu dan dio to kandin no ogkounawa sikandan to mgo matuwarong no mgo otow no ogkoiniat to og-anad. Dokad di ka tuud dan to oyow oggawayan dan poron si Hisus to mgo tabak din kandan. Ko ogkatalap to igtabak din ogkaayun no ogdakopon sikandin no igbogoy ran sikandin dio to gobirnador no oyow ogbobootan woy ogkoogotan on sikandin to sikan no gobirnador dan.

Huan 9:16

Kagi to duma no mgo Parisiu bahin ki Hisus, “Soin no lukos nò! Waro sugua to Magboboot su kono ogtuman to Balaod ta to kono ki ogtalabau ko Allow ta to Oghimoloy.” Di nigkagi ka mgo duma ran no kagi ran to, “Kono ogkohimu ka koin-inuan ko duon salo din.” No nabaad ka goinawa ran.