Lukas 6:36 - Manobo Ata

³⁶ Unawaa now ka batasan now to batasan to Amoy now dio to Langit no ogkohoy-u to mgo otow. Songo kohoy-ui now ka agad hondoi no otow.”

Lukas 6:36 Iomraidhean Croise

Matiu 5:48

Omunaan og-awoson to songo oghogoton now ka pogtuu now su ka Amoy ta no dio to langit songo hogot ian ka pogdoromdom din kanta.

Lukas 6:35

Nigparagas si Hisus to, “Ka ignangon ku kaniu, dakoli nu so goinawa nu to mgo usig nu. Himua now ka maroyow kandan woy pasambaya now sikandan, no kono kow og-iman-iman to ogliwanan dan. Ko sikan ian ka batasan now, dakol ka igkasayo to Magboboot kaniu woy ogpokounawa kow to batasan now to batasan to Magboboot, su songo ogkohoy-uan din ka mgo otow no kono ogpasalamat kandin, woy ogbuligan din dod ka mgo otow no maroot so batasan dan.

Lukas 6:37

“Kono now ogbobootan ka mgo duma now oyow songo kono ka ogbobootan to Magboboot. Ko kow ogkagi to, ‘Maroyow ko oglogparan ka,’ su oyow kono kow songo ogkalogparan,” kagi ni Hisus. “Pasaylua now ro ka sikan no mgo otow no ogpakasalo kaniu oyow songo ogpasayluon kow to Magboboot ko nokoy ka kaniu no salo.”

Episu 4:31

Nò, og-ongkoran tad on ka tibo no maroot no goinawa ta to duma ta. Kono ki oglalangot. Kono ki ogkabolu to mgo duma ta, woy kono kid ogbabansagon kandan. Kono tad ogdooton ka agad hontow. Woy og-awoon tad ka tibo no mgo maroot to pogpitow ta to duma ta.

Santiago 3:17

Di ka otow no duon katouanan no ogligkat to Magboboot, waro maroot no ogpakaamut to batasan din. Maroyow ka pogdumaruma rin. Ogmoungangon sikandin woy kono ogparakoldakol. Di maal-alukuy woy mohoy-uon sikandin woy ungod oghimu to maroyow. Og-unawoon din doka pogsagman din to agad hondoi no otow no waro igkoholos no batasan din.