Lukas 6:14 - Manobo Ata

¹⁴ Ka ngaran dan, si Simon no pigngaranan ni Hisus ki Pedro, woy si Andres no hari ni Pedro, si Santiago, si Huan, si Pilipi woy si Bartolomi.

Lukas 6:14 Iomraidhean Croise

Matiu 10:2

Soini ka mgo ngaran to sampulu woy darua no mgo apostolis ni Hisus. Si Simon no nighingaranan din ki Pedro woy ka hari rin no si Andres, woy si Santiago, woy ka hari rin no si Huan no mgo anak ni Sibidiu.

Matiu 10:3

Woy si Pilipi, woy si Bartolomi, woy si Tomas, woy si Matiu no talagkubla to buhis, woy si Santiago no anak ni Alpiu, woy si Tadiu.

Matiu 4:18

Songo allow to si Hisus dio to ilis to lanow to Galilia, nigkita rin ka darua no lukos no patalahari no si Simon no songo oghingaranan ki Pedro woy ka hari rin no si Andres. Nigsisigay sikandan duon to lanow su talagngangalap sikandan.

Matiu 4:21

Nigparagas no nighipanow woy si Hisus no nigkita rin ka songo darua no lukos no patalahari no si Santiago woy si Huan no mgo anak ni Sibidiu. Dio sikandan to balutu ran duma to amoy ran su ogbalbalawan dan ka sigay dan.

Markos 1:19

Nigparagas nighipanow woy si Hisus no nigkita rin ka dangob no darua no patalahari duon dod to balutu dan no ogbalbalawan dan ka mgo sigay ran. Si Santiago woy si Huan ka ngaran dan no ian mgo anak ni Sibidiu.

Markos 1:29

Puun to sika anaranan to mgo og-ampu, nighipanow si Hisus mgo hibatoon din woy ki Santiago woy si Huan dio to baloy ni Simon woy si Andres.

Markos 14:33

Nigduma rin si Pedro, si Santiago, woy si Huan do. Masakit lagboy so goinawa rin woy naaras lagboy sikandin.

Markos 3:16

Soini ka mgo ngaran to sika mgo nig-alam ni Hisus: si Simon no nighingaranan ni Hisus ki Pedro;

Markos 5:37

Nigparagas nighipanow si Hisus di wa din dumaa ka mgo otow. Si Pedro si Santiago, woy si Huan no hari ni Santiago do ka nigduma rin.

Markos 9:2

Ko nigligad on ka hon-om no allow, nigduma ni Hisus si Pedro, si Santiago, woy si Huan do no nigtakarog kandan to songo matikang no bubungan no waro loin no duma ran. Ko nokouma on, nahalin ka langlangawan ni Hisus

Lukas 5:10

Songo unawa rod ka ingkabolongbolong to sika darua no lukos no sikandan ka duma ni Simon to ogngangalap. Ka ngaran dan si Santiago woy si Huan no mgo anak ni Sibidiu. Kagi ni Hisus ki Simon to, “Kono ka ogkahallok. Hantod kuntoon, nig-alap nud ka mgo ngalap to woig. Ligkat kuntoon, og-alapan nu rod ka mgo otow kai to koddi oyow ogkoimu sikandan no mgo sakup ku.”

Lukas 5:8

Nò! Pogkita ni Simon to nohimu ni Hisus bahin to ngalap, nigluhud to tangkaan ni Hisus. Kagi rin ki Hisus to, “Buyag, mariu ka koddi su makasasalo ad no otow.”

Lukas 6:13

Pogkapawo on, niglimud ni Hisus ka mgo sakup din no ungod nigdumaruma kandin, no pig-alam din ka sampulu woy darua no pighingaranan din on to apostolis.

Lukas 6:15

Nig-alam pad ni Hisus si Matiu, si Tomas, woy si Santiago no ian anak ni Alpiu, woy ka dangob no si Simon no nighingaranan dan ka Siloti sikandin.

Huan 1:45

Nò, nigpamitawan ni Pilipi si Natanial. Ko nigkita rin nignangonan din no kagi rin, “Nakitaan noy si Hisus no taga Nasarit no anak ni Husi. Sikandin ian ka duon to sulat ni Moisis duon to Balaod ta. Woy sikandin ian ka insulat to mgo talagnangon to kagi to Magboboot.”

Huan 14:8

Kagi ni Pilipi kuwo kandin, “Buyag, ipapitow nu kanami ka Amoy nu no litos on ian kanami.”

Huan 6:5

Nò, nigtonggak si Hisus no nigkita rin ka mohon-ing lagboy no mgo otow no ogdalapak kandin. Nò, nig-insaan din si Pilipi, “Hondoi ki buwa ogboli to paan no litos no igpakoon ta to soin no mgo otow?”

Huan 6:8

Duon ka sagboka no hibatoon ni Hisus no si Andres no kakoy ni Simon Pedro no nignangon ki Hisus to,

Hinimuan 1:13

No pog–uli dan dio to lunsud to Hirusalim, namanoik on dio to nig–ugpaan dan no baloy woy nigsolod on to songo sinabong duon to ampow to sikan no baloy. Ka nigsolod no mgo otow si Pedro, si Huan, si Santiago, si Andris, si Pilipi, si Tomas, si Bartolomi, si Matiu, woy ka sangoy ni Santiago no anak ni Alpiu. Duon pad si Simon no oghingaranan dan to Siloti. Woy duon dod si Hudas no anak to dangob no Santiago.

Hinimuan 12:2

No impatigbas ni Hirodis si Santiago no hari ni Huan su oyow ogkamatoy.

2 Pedro 1:1

Ka soini no sulat, ligkat kanak no si Simon Pedro. Nohimu a no uripon woy suguanon ni Hisu Kristu. No ogsulatan ku sikaniu no nigtuu on kandin. Sikandin ka Magboboot ta woy Talagpangabang kanta. No nabogayan kow rin to pogtuu now no ogpokounawa to kanami no pogtuu su maroyow si Hisu Kristu no waro og-umalagon din.